1 1 (2) Yanapamänanpämi Tayta Diosta shuyarqü.
Qayakunqäta wiyarmi yanapamashqa.
2 2 (3) Jondu pözuman jeqashqanö kaykaptïmi salvamashqa.
Sinigaman jatikashqanö kaykaptïmi jipimashqa.
Yapay mana jatikänäpämi rumi jananman ichïtsimashqa.
Tsaymi mana llutskaypa puriqnöna kawaykä.
3 3 (4) Tsaynö yanapamaptinmi mushuq cantuta cantar Tayta Diosnintsikta alabaykä.
Salvamanqanta rikarmi atskaq runakuna kushikur Tayta Diosman yärakuykäyan.
4 4 (5) Tayta Diosman yärakuqkunaqa kushishqam kawayan.
Paykunaqa allish tukuqkunaman manam yärakuyantsu.
Ïdulukunatapis manam adorayantsu.
5 5 (6) Tayta Dios, atska kutim espantaypä kaqkunata rurar yanapayämarquyki.
Yanapayämanqaykita yupaytapis manam puëdïtsu.
Imaykanöpa yanapayämanqaykita willakurpis llapantaqa manam ushämantsu.
6 6 (7) Qammi tantiyatsimarqayki sacrificiukunawan y tsaki mikuy ofrendakunawan mana kushikunqaykita.
Tsaynöllam musyatsimarqayki rupatsina sacrificiukunata y purificatsina sacrificiukunata mana munanqaykita.
7 7 (8) Tsaymi nirqä:
< 8 8 (9) Tayta Dios, munanqaykita ruranäpä listum kaykä. Leynikikunatapis llapantam shonqüchö yarparaykä>>. 9 9 (10) Llapan runakuna qorikäyanqanchömi alli ruraq kanqaykita willakurqü. Mana upällakunqätam musyanki. 10 10 (11) Willakurmi nirqä: < Awninqanta cumplirmi salvamantsik. Kuyapäkuqmi y rasun kaqllatam nimantsik>>. 11 11 (12) Tayta Dios, kuyapaykallämay. Awnimanqaykinölla kuyapämar imaypis tsapaykallämay. 12 12 (13) Yupaytapis mana atipaypä desgraciakunawanmi ñakaykä. Jutsa ruranqäpita pasaypa waqarmi ñawi tsakaytapis tarirqü. Aqtsäpitapis mas atskam jutsäkuna. Tsaymi imata ruranäpäpis gänasnï kantsu. 13 13 (14) Tayta Dios, salvaykallämay. Ras shamur yanapaykallämay. 14 14 (15) Wanutsimayta yarpaqkuna penqakurnin umpuykachäyätsun. Mana alliman ishkinäta munaqkunaqa penqakurnin qeshpir aywakuyätsun. 15 15 (16) Asipämaqkunapis penqakurnin aywakuyätsun. 16 16 (17) Qamta ashishuqnikikunaqa kushikuyätsun. Salvanqaykipita kushikuqkunaqa imaypis niyätsun: < 17 17 (18) Noqaqa llakishqa karmi ima ruraytapis puëdïtsu. Taytay, ras shamur yanapaykallämay. Qammi yanapamaqnï y salvamaqnï kanki. Tayta Diosllä, ras yanapaykallämay.
Who We AreWhat We EelieveWhat We Do
2025 by iamachristian.org,Inc All rights reserved.