Job 30 - Bible in Quechua of South Conchucos（qxo）

Job ñakar llakikunqan

1<

Paykunapa papäninkunataqa üsha cuidaq allquta qaranallanpäpis manam churämantsu.

2Paykunaqa aruypäpis pasaypa qelam kayan.

Paykunaman yärakurqa pasaypam pobriyäman karqan.

3<

4Muntikunaman aywarmi ayaq jachakunata qoriyan mikuyänanpä.

Hasta retämapa matsuntam mikuyan.

5<

Qarqurmi suwa runakunatanö qayapäyarqan.

6Tsaymi paykunaqa machaykunallachö, raqrakunallachö y qaqa uchkukunallachö täyan.

7Shiraka rurinkunaman pakakuykurmi waqayan.

Munti rurinkunallachömi qorikäyanpis.

8Paykunaqa mana alli runakunam kayan.

Imapäpis manam väliyantsu.

Tsaymi markanpitapis qarquyashqa.

9<

Asikuyänan raykurmi jutïtapis joqarkuyan.

10Pasaypa melanäyämarmi noqapita witikuyan.

Tsaynöllam cäräman toqapäyäman.

11<

Runakunapis manam respitayämannatsu.

12Atskaq qorikaykurmi ushakätsimayta munar atacayäman.

Tsarimayta munarmi trampatapis churapayäman.

13Imata rurayta munaptïpis tsapatam churapayäman.

Manam pïnïpis kantsu favornï shärinanpä.

14<

15Tsaymi pasaypa mantsakashqa kaykä.

Tsaynö rurayäman mana respitayämarmi.

Llapan imaykäkunapis pukutaynömi illakakäkushqa.

16<

Pasaypa llakikuyllanam tsariman.

17Tullüyaqrämi nanaypis chaykun.

Mana awantaypämi tsakaykunapapis nanäman.

18Kikin Tayta Diosmi kunkäpita aptaraykäman.

Jamayta kachänalläpäpis manam dëjamantsu.

19Mituman jitashqanömi kä.

Uchpanö y allpanömi kä.

20<

Qamta mañakuptïpis manam yanapamankitsu.

Rugaptïpis manam kuyapämankitsu.

21Yanapamänaykipa rantinmi pasaypa chikimarquyki.

Pasaypa rabyashqam qatikachaykämanki.

22Tsaymi desgraciata permitirquyki shukukuy vientunöpis ushakätsimänanpä.

23Musyämi wanuyman apaykämanqaykita.

Llapan runakuna wanunqannöllam noqapis wanushä.

24<

Pasaypa llakikuyaptinpis consularqümi.

25Sufriqkunata rikarmi kuyapar waqaq kä.

Ñakaqkunatapis kuyaparqämi.

26Tsaynö karmi imaypis mana sufrinäpä kanqanta yarparqä.

Tsaynö yarpaptïpis desgraciallam päsamashqa.

Aktsita shuyarpis paqaschönömi kaykä.

27<

Pasaypa ñakayllachömi kaykäpis.

28Imayka llantuychö kaykaqnömi pasaypa llakishqalla qoyä.

Tsaymi runakuna qorikäyanqanchö mañakü pillapis yanapaykamänanpä.

29Ämun oqrashqa allqunömi kaykä.

Tsaynöllam muntichö tukunö kaykä.

30Qaräkunapis yanayarmi kachkakar shushuykan.

Entëru cuerpüpis pasaypam achachaykan.

31Arpäpis flautäpis llakikuyllapämi waqan>>.