Isaías 56 - Bible in Quechua of South Conchucos（qxo）

Pïmaytapis Tayta Dios salvananpä kanqan

1 Tayta Diosmi nin:

<

Salvarmi musyatsiyäshayki poderösu kanqäta.

Tsaynö kaykaptinqa alli kaqllata rurayay.

Munanqänöna imaypis kawayay.

2Ninqäta cäsuq runaqa jamay junaqta respitanmi.

Ima jutsatapis manam rurantsu.

Tsay runaqa imaypis kushishqam kawanqa>>.

3 Tayta Dios munanqannö kawaq runaqa jäpa karpis

ama yarpätsuntsu Tayta Dios kuyanqan runakunapita qarqunanpä kanqanta.

Eunucu karpis llakikur ama yarpätsuntsu tsurin mana kaptin mana wayuq plantanö kanqanta.

4 Tayta Diosmi nin:

< ruranqäta cumpliptinqa

5wayïchö imaypis tänanpämi chaskishä.

Payta jutitsinqä jutinmi tsuriyuq kanqanpitapis mas alli kanqa.

Paypa jutinta imaypis manam qonqayanqatsu.

6<

7akranqä sagrädu jirkanmanmi pushashä wayïchö kushishqa adorayämänanpä.

Noqapä sacrificiukunata tsaychö rupatsiyaptinqa chaskishämi.

Wayïqa maytsay nación runakuna mañakayämänanpämi kanqa>>.

8Mashtakashqa kaykaq Israel runakunata qoriq Tayta Diosmi nin:

<>.

Mana alli mandaqkunapa contran ninqan

9¡Jirka ashmakuna y munti ashmakuna, shayämuy!

¡Shamur runakunata mikur ushayay!

10Autoridäkuna ni yachatsikuqkunapis manam tantiyatsiyantsu runakuna jutsa rurayta dëjayänanpä.

Paykunaqa qapranö karmi imatapis musyayantsu.

Llapanpis mana kanikuq allqunömi kayan.

Qela karmi qoyay qoyay punullar jitaräkuyan.

11Mallaqashqa allqunömi imaypis kayan.

Imatapis mana tantiyaq mitsikuqnömi kayan.

Llapanpis llutanta rurarmi kawayan.

Imata rurarpis pägupä raykurmi rurayan.

12Paykunam niyan:

<<¡Machanqantsikyaq vïnuta upushun!

¡Kanan upunqantsiknö waraypis jimanqantsikyaq upushun!>>