Isaías 45 - Bible in Quechua of South Conchucos（qxo）

Rey Cirupä Tayta Dios willakatsinqan

1Cirutam Tayta Dios nin:

<

Makipita jancharkurmi yanapashayki nacionkunata podernikichö tsararänaykipä,

poderyuq reykunata ushakätsinaykipä

y marka punkuta kichamuptin yaykunaykipä.

Tsay punkutaqa manam pipis wichqapushunkitsu.

2Kikïmi puntaykita aywar altunnin jirkakunatapis pampatsashä.

Bronci punkukunatapis pakirmi ushashä.

Fiërru trancakunatapis ichishaqllamanmi pakishä.

3Chaniyuq tesörukunatam alistapäshayki.

Pakaraykaq riquëzakunatam entregashayki.

Tsaynöpam musyanki Israel runakunata kuyaq Tayta Dios kanqäta.

Tsaynöllam musyanki jutikipa kikï qayanqäta.

4<

5Noqam Tayta Dios kä.

Noqapita masqa manam juk Dios kantsu.

Mana sirviykämaptikipis valienti kanaykipämi yanapashayki.

6Tsaynö yanapashayki kay patsapa kuchunpita jukaq kuchunyaq noqalla Tayta Dios kanqäta pïmaypis musyayänanpämi.

Noqam Tayta Dios kä.

Noqapita masqa manam juk Dios kantsu.

7Noqam permitï junaq kananpä y paqas kananpäpis.

Noqam permitï bendición kananpä o desgracia kananpäpis.

Noqa Tayta Diosmi llapan tsaykunata permitï>>.

Tayta Dios kamakuq kanqan

8<

Pukutaypita tamyamuqnö kay patsaman salvación chämutsun.

Kay patsachö salvaciontapis y alli kawaytapis chaskikuyätsun.

Noqa Tayta Diosmi tsaynö kananpä permitï.

9<<¡Allaw, imanörä kayanqa kamaqninta contestaqkuna!

Qamkuna mitu mankanölla kaykarqa manka ruraqta <¿imanirtä kay niraqta ruramanki?> ¿niyankimantsurä?

¿niyankimantsurä?

10Wamrapis manam papäninta y mamanta <¿imapätä rurayämarqayki?> ninmantsu>>.

11Kamaqnin kar Israel runakunapa santu Tayta Diosninmi nin:

<

Imanö wätaptïpis ¿jamuyämankimantsurä?

Qamkunata waray warantin imanö rikanäpäpis ¿yätsiyämankimantsurä?

12<

Tsaychö täyänanpämi runatapis kamarqü.

Ciëlutapis makïwan mashtaskirmi llapan qoyllurkunatapis tsayman churarqü.

13Noqam rey Cirutapis llapanta vincinanpä yanapashä.

Llapan ruranqankunapis alli kananpämi permitishä.

Paymi Jerusalén markäta allitsatsinqa.

Prësu apayanqan Israel runakunatapis päguta mana cobrarmi dëjamunqa>>.

Llapanta mandaq Tayta Diosmi tsaynö nin.

14Israel runakunatam Tayta Dios nin:

<

Sabá nacionpita jatusaq runakunapis podernikichömi kayanqa.

Paykunaqa cadënawan watashqam qepaykita shayämunqa.

Ñöpaykiman qonquriykurmi kuyapäyänaykipä niyäshunki:

Paypita mas juk Diosqa manam kantsu> >>.

15Tayta Dios, Israel runakunata salvaq y mana rikakaq Diosmi kanki.

16Ïduluta ruraqkunaqa llapanmi penqakuyanqa.

17Peru noqakunatam sïqa salvayämanki.

Salvayämaptikim chikimaqnïkuna imaypis manakaqman churayämanqanatsu.

18 Tayta Diosmi ciëluta kamashqa.

Kay patsatapis kamarmi shumaq takyatsishqa.

Manam manakaqpätsu kamashqa, sinöqa runakuna täyänanpämi kamashqa.

Paymi nin:

< kä.

Noqapita masqa manam juk Dios kantsu.

19Manam tsakayman ni pakapanman aywaykurtsu imatapis parlä.

Jacobpita miraqkuna manam manakaqllapä ashiyämänanpätsu nï.

Noqa Tayta Diosqa rasun kaqllatam parlä.

Alli kaqllatam musyatsï>>.

Ïdulukunata manakaqman churanqan

20<

Mana salvaykaptinpis tsaykunatam mañakuyan.

Tsay runakunatam nï:

Qamkunata tapunäpä qorikaskir shayämuy.

21Imata yarpäyanqaykitapis mä niyämay.

Kikikikunapurapis mä tapunakuyay.

¿Pitä unaypitana nirqan kanan kanqannö imapis päsananpä kanqanta?

¿Manaku noqa Tayta Dios tsaykunata willarqä?

Noqapita masqa manam juk Dios kantsu.

Noqapita masqa manam kantsu allillata ruraq y imapitapis salvaq.

22<

Yärakayämuptikiqa salvayäshaykim.

Noqallam Dios kä.

Noqapita masqa manam juk Dios kantsu.

23Llapanmi ñöpäman qonqurikayämunqa.

Llapanmi cäsuyämänanpä niyämanqa.

Tsaynö kananpämi kikïpa jutïchö jurarqü.

Imatapis permitinäpä awnirqa mana qonqaypam cumplï.

24<

salvamaqnintsik>.

Peru contran kaqkunam sïqa paypa puntanchö penqakushqa kayanqa.

25 Tayta Dios salvaptinmi Israel runakuna pay munanqannö kushishqa kawayanqa>>.