2 Reyes 11 - Bible in Quechua of South Conchucos（qxo）

Judá nacionchö Atalía reina kanqan 2 Crónicas 22.10—23.21

1Atalíaqa wamran Ocozíasta Jehú wanutsinqanta musyaskirmi reina kayta munar Ocozíaspa wawqinkunata y tsurinkunata Judáchö wanutsir qallaykurqan. Tsay wamrapa jutinmi Joás karqan. Tsaynöpam Joásta wanutsirqannatsu.

3Joqta watam Tayta Diospa templun cuartuchö Joásta pakarätsirqan. Tsayyaqmi Atalíaqa Judá nacionpa mandaqnin reina karqan.

4Tsaypita qanchis watachönam Tayta Diospa templunman qorikäyänanpä sacerdöti Joiada qayatsirqan soldädukunapa capitanninkunata, cereteo soldädukunata y templu cuidaq wardiakunatapis. Tsayman qorikäyaptinnam paykunawan pactuta rurar juratsirqan rey Ocozíaspa tsurin Joáspa janan shäriyänanpä. Tsaychö llapan juraskiyaptinnam Joásta pakarätsinqanpita reqiyänanpä jipimurqan.

5Tsaypitanam sacerdöti Joiada yätsir nirqan: <

6Jukaq grüpunam kanqa Shur ninqan punkuta cuidayänanpä. Jukaq grüpunam kanqa cuartel punkuta cuidayänanpä. Tsaynöpam palaciuta mana dëjaypa cuidayanki.

7Jamay junaq mana vigilaq ishkay batallonkunanam templuchö reyta cuidayanki.

8Armaykikuna aptashqa llapayki reyta tumaypa cuidayanki. Pipis payta wanutsinanpä yaykuyta munaptinqa ras wanutsiyanki. Reytaqa maypa aywaptinpis mana dëjaypa cuidayanki>>.

9Sacerdöti Joiada mandanqankunata capitankuna rurarmi llapan vigilaqkunata qoriyarqan reyta cuidayänanpä. Tsaymi turnunkuna cumpliq vigilaqkunata y jamay junaqchö vigilayänanpä yaykuqkunatapis qoriykur sacerdöti Joiadaman pushayarqan.

10Tsay vigilaqkunatam Joiada entregarqan rey David ruratsinqan lanzakunata y escüdukunata. Tsaykunaqa templu rurinchömi churararqan.

11Entregaskiptinnam reyman pipis wanutsiq mana yaykunanpä tsay vigilaqkuna lanzan aptashqa tumaypa churanakuyarqan. Tsaynö churanakuyarqan templupa sur kaq lädunpita qallaykur altar puntanpa tumar norti kaq lädunyaqmi.

12Tsaypitanam Joiadaqa reypa tsurinta pushaykamur corönata jatitsirqan. Jatirkatsirnam Israel runakunawan Tayta Dios ruranqan Pactu Libruta

Éxo. 24.7; 34.28. entregarqan y aceitita umanman wiñaparqan. Wiñaparkuptinnam tsaychö kaykaq llapan runakuna makinkunata taqllarnin niyarqan: <<¡Viva mandamaqnintsik rey!>>

13Llapan soldädukuna y runakuna kushikur qayaykachäyanqanta wiyaskirmi Atalíaqa Tayta Diospa templunman aywarqan ima päsanqantapis musyananpä.

14Chaykurnam costumbrinkuna kanqannö parador lädunchö rey ichiraykaqta rikarqan. Reypa puntanchömi mayor runakuna y cornëta tukaq runakuna kaykäyarqan. Tsaynömi entëru Judá nación runakunapis kushikur cornëtata tukayarqan. Tsaynö kaykaqta rikaykurmi Atalíaqa röpanta rachiskir: <<¡Traicionëru! ¡Traicionëru!>> nirqan.

15Sacerdöti Joiadanam soldädukunapa capitanninkunata nirqan: <>.

Templupita jukläman apaykur wanutsiyänanpä niptinmi

16Atalíata prësu tsariskir caballukuna yaykukunan palaciupa punkunman apayarqan. Tsaychömi wanutsiyarqan.

17Tsaypitanam Tayta Dioswan pactuta rurar runakunata y reyta Joiada promititsirqan Tayta Diosta cäsur kawayänanpä. Tsaynöllam reytapis promititsirqan runakunata alli rikananpä y runakunatanam promititsirqan reyta respitayänanpä.

18Tsaymi llapan runakuna aywar Baalpa templunta juchutsiyarqan. Tsaynöllam Baal ïdulukunata y altarninkunata juchutsir ushayarqan. Juchutsiyanqan altarkunapa lädunchömi Baalpa sacerdötin Matánta wanutsiyarqan.

Tsaypita kutiykurnam Tayta Diospa templunta cuidayänanpä wardiakunata Joiada churarqan.

19Tsaypitanam capitankunawan, cereteo soldädukunawan, wakin soldädukunawan y llapan runakunawan rey Joásta templupita palaciuman pushayarqan. Palaciuman yaykaskatsiyaptinmi rey jamakunan trönuman Joás jamarqan.

20Tsaymi llapan runakuna pasaypa kushikuyarqan. Atalíata palaciu punkuchö espädawan wanutsiyanqanpitam llapanpis tranquïluna kayarqan.

21 21 (12.1) Mandayta qallanqan witsan qanchis watayuqllarämi Joás karqan.