Job 12 - Bible in Quechua of South Conchucos（qxo）

Job parlanqan

1Tsaynö niptinmi Job nirqan:

2<<¡Qamkunallanachä yachaq kayanki!

¡Qamkuna wanuskiyaptikiqa pipis yachaq kanmannaräku!

3Noqapis qamkunanöllaqa yachärächä.

Tsay ninqaykikunataqa ¿pitä mana musyantsu?

4<

Mañakunqätapis Tayta Dios wiyamashqam.

Kananqa amïgükunapis asipäyämanmi.

5Kikinkuna mana ñakarmi ñakaptï manakaqman churayäman.

Animatsiyämänanpa rantinqa llakikatsiyämarmi rimayäman.

6<

Tayta Diosta rabyanätsiqkunapis ¿imanirtä mana mantsariypa kawayan?

Paykunaqa yarpäyan imanö kawayaptinpis Tayta Dios imaypis yanapanqantam.

7<

Paykunam willayäshunki.

8Kay patsata y lamar rurinchö kawaqkunata tapukuyay.

Paykunam tantiyatsiyäshunki.

9 Tayta Dios kamanqankuna ¿manaku tantiyatsimantsik paypitarä llapanpis kanqanta?

10Paypa poderninchömi llapan kamanqanpis kaykan.

Paypa poderninchömi llapan runakunapis kaykäyan.

11<12<

y ruku runakuna tantiyaq kayaptinpis

13Tayta Diosqa mas yachaq y poderösum.

Paypitam yachaytapis tantiyaytapis chaskintsik.

14Pay juchutsiptinqa manam pipis shäritsiyta puëdintsu.

Carcelman runata wichqaptinqa manam pipis jipiyta puëdintsu.

15Pay mana tamyatsimuptinqa llapan qewam tsakin.

Pasaypa tamyatsimuptinqa lloqllapis aywanmi.

16Payqa poderösu y tantiyakuqmi.

Musyanmi pï engañakuq kanqanta y pï engañashqa kanqantapis.

17<

Paymi juezkunatapis upayätsin.

18Reykunatapis rey kayanqanpita qarqurmi watashqata prësu apatsin.

19Sacerdötikunatapis sacerdöti kayninpitam qarqun.

Autoridäkunatapis autoridä kayninpitam jipin.

20Shumaq yätsikuqkunatapis mana yätsinanpämi qonqatsin.

Mayor runakunapa yarpaynintapis upayätsinmi.

21Respitashqa autoridäkunata manakaqman churayänanpämi permitin.

Kallpasapakunatapis kallpaynaq kayänanpämi permitin.

22<

Paypäqa tsakaypis junaqnöllam.

23Paymi nacionkunata jatunyätsin y ushakätsinpis.

Runakunatapis maytsaypa qarquskirmi yapay qorin.

24Mandaqkunapa yarpayninkunatapis qonqaykatsinmi.

Desiertuchö oqrakashqa puriyänanpämi pantakätsin.

25Tsaymi imayka paqaschönö tapra tapra puriyan.

Machashqa runakunanömi tsanka tsanka puriyan>>.