Job 29 - Bible in Quechua of South Conchucos（qxo）

Ñöpata imanö kawanqantapis Job parlanqan

1Tsaymi Job yapay nirqan:

2<<¡Imanöllarä kutiyküman ñöpa kanqäman!

Tsay witsanqa Tayta Dios allim rikamarqan.

3Aktsinwan aktsipämaqnömi yanapamarqan.

Ima ruraytapis mana puëdiptïmi tantiyatsimarqan.

4Wayïchö täraqkunatawan shumaq rikamaptinmi alli kawarqä.

5Llapanpä poderyuq Tayta Dios yanapamaptinmi tsurïkunapis ñöpächö kayarqan.

6Tsay witsanqa lichipis yakunörämi atska karqan.

Aceitipis atskam karqan.

7<

8Tsay witsanqa juntaraykäyanqanman yaykuptï jövinkunapis respitayämar witikuyaqmi.

Rukukunapis respitamarmi ichirkuyaq.

9Mayor runakunapis parlaykäyanqanchömi upällakuykuyaq.

10Mandaqkunapis parlaykäyanqanchömi jinan höra upällaskiyaq.

Manam mayqanpis parlayaqnatsu.

11<

Pïmaypis alli kanqätam parlayaq.

12Tsay witsanqa waktsakunata y pobrikunatam yanapaq kä.

13Hambrünachö kawaqkunapis yanapanqäpitam agradëcikayämaq.

Viüdakunapis yanapaptïmi kushikuyaq.

14<

Pitapis manam engañarqätsu.

15Qaprakunatapis allim pusharqä.

Weqrukunatapis allim yanaparqä.

16Waktsakunapapis papäninnömi karqä.

Jäpa runakunapapis jananmi shärirqä.

17Pitapis mana alli ruraq runakuna ñakatsiyänanta manam munarqätsu.

Pitapis ñakatsiptinqa leonpa shiminpita qechuqnömi washarqä.

18<

Tsaynöllam atska wata kawanäpä kanqanta yarparqä.

19Noqaqa yaku kuchunchö muntinömi karqä.

Muntipa rämankuna shullyashqa warämunqannömi noqapis kushishqa warämurqä.

20Noqataqa pïmaypis respitayämarqanmi.

Imaypis kallpayuq kaykänäpä kanqantam yarparqä.

21<

Yätsiptïpis wiyayämaqmi.

22Parlanqäta shumaq tantiyarmi pipis manakaqman churamaqtsu.

23Murukuy witsan tamyata shuyaqnömi yachatsinäpä shuyäyämaq.

24Shumaq rikaptïmi paykunapis kushikuyaq.

Kushishqa kaykaqta rikamarqa shonqunkunapis atsikyaskiqmi.

25Runakunawan qorikaykurmi mandaqninnöpis alli kawayänanpä yätsirqä.

Soldädukunapa puntanchö rey kanqannömi noqapis karqä.

Waqayaptinpis shoqarqämi>>.