Hechos 19 - Bible in Quechua of South Conchucos（qxo）

Éfesuchö Pablo willakunqan

1Corintuchö Apolos kaykaptinmi Pabluqa marka marka aywar Éfesuman charqan. Tsaychö discïpulukunata tariskirmi

2tapurqan: <<¿Qamkunaqa Jesucristuman criyikur Espíritu Santuta chaskiyarquykiku?>>

Paykunanam niyarqan: <>.

3Pablunam nirqan: <>

Niptinmi niyarqan: <>.

4Pablunam nirqan: <>.

5Tsaynö niptinmi Señor Jesucristupa jutinchö bautizakuyarqan.

6Paykunapa umankunata yataykur Tayta Diosta Pablo mañakuptinmi Espíritu Santu paykunaman shamurqan. Tsaymi juk idiömakunata parlar Tayta Dios tantiyatsinqankunata parlayarqan.

7Tsay runakuna chunka ishkaynömi kayarqan.

8Éfesuchö tarmi sinagögaman aywar Tayta Diospa mandakuyninpä Pablo kimsa killantin mana mantsaypa yachatsirqan.

9Tsaynö yachatsiptinpis wakin runakuna Jesúsman yärakuyta mana munarmi llapanpa puntanchö Diospa Näninta manakaqman churayarqan. Tsaymi Jesúsman criyikuqkunawan sinagögapita yarquskir Tiranno jutiyuq runapa yachatsikuna wayinchöna Pablo qoyay qoyay yachatsirqan.

10Ishkay watana tsaynö yachatsiptinmi entëru Asia provinciachö Israel runakunapis y mana Israel runakunapis Señor Jesucristupa willakuyninta wiyayarqan.

11Tsaychömi Tayta Diospa poderninwan milagrukunata Pablo rurarqan.

12Tsaymi Pablo töpanqan päñukunata y mandilkunatapis qeshyaykaqkunaman apayarqan. Tsaykunata töpatsiyaptinmi qeshyaykaqkuna allïyaq y supaykunapis runakunapita yarquyaq.

13Tsay witsanmi wakin Israel runakunapis puriyarqan runakunapita supaykunata qarqur. Paykunapis Jesúspa jutinchö supaykunata qarquyta munarmi niyarqan: <>.

14Tsaynö rurayarqan mandaq sacerdöti Escevapa qanchis tsurinkunam.

15Qarquyta munayaptinmi supay nirqan: <>

16Tsaynö nirmi supay ñakatsinqan runa löcuyar paykunata maqar usharqan. Tsaymi pasaypa yawarllana tsay wayipita qallapächu qeshpir aywakuyarqan.

17Tsaynö päsanqanta musyaykurmi Éfesuchö täraq Israel runakuna y mana Israel runakunapis pasaypa mantsakäyarqan. Tsaymi maytsaychöpis runakuna musyayarqan Señor Jesucristo poderyuq kanqanta.

18Jutsata rurayanqanta tantiyarmi Jesucristuman wakin criyikuqkunapis jutsankunata confesakuyarqan.

19Tsaynöllam brüju rurakuyänan mágica librunkunatapis qoriskir llapanpa puntanchö rupatsiyarqan. Tsay librukunapa chaninta jorquyaptinmi pitsqa chunka waranqa (50,000) jornalpa chanin karqan.

20Tsaynöpam Tayta Diospa willakuynin poderyuq kanqanta tantiyakur atskaq runakuna criyikuyarqan.

21Tsaypitanam Pablo yarparqan Jerusalénpa aywananpäqa Macedonia provinciachö y Acaya provinciachö wawqikunata y panikunata watukaq aywananpä. Tsaynöllam yarparqan Jerusalénpita Romapa aywananpä.

22Tsaynö yarparmi Macedonia provinciaman ñöpäyänanpä Timoteuta y Erastuta mandarqan. Peru Pablum sïqa Asia provinciachö quëdakurqanrä.

Éfesuchö Pablupa contran shäriyanqan

23Tsay witsanmi Diospa Näninpä willakuyaptin Éfesuchö runakuna pasaypa rabyayarqan.

24Tsaynö rabyayarqan Demetrio jutiyuq runa willaptinmi. Paymi Artemisa

niyanqan diösapa taksha templunkunata qellaypita ruraq. Tsaykunata rantikurmi Demetriuqa aruq mayinkunawan atska qellayta gänayaq.

25Aruq mayinkunata y paykunanö oficiuyuq runakunatapis qayaskatsirmi nirqan: <

26Rikayanqaykinöpis y wiyayanqaykinöpis Pablo yachatsirmi nin: . Tsaynö yachatsir atskaq runakunatam kay Éfesuchö y entëru Asia provinciachöpis criyiykätsin.

27Tsaynö criyitsiptinmi arunqantsikkunata y diosnintsik Artemisapa templuntapis manakaqman churayanqa. Artemisata entëru Asiachö täraqkuna y entëru munduchöpis manam respitayanqanatsu>>.

28Demetrio tsaynö niptinmi aruq mayinkuna pasaypa rabyakur kutin kutin niyarqan: <<¡Diosnintsik Artemisa alabashqa katsun!>>

29Tsaynö niyanqanta wiyarmi tsay markachö täraq wakin runakunapis büllata rurayarqan. Pasaypa rabyarmi Gayuta y Aristarcuta coliseuman prësu apayarqan. Gayo y Aristarcuqa Macedoniapitam Pabluta yanapar shayämushqa karqan.

30Runakunata tantiyatsinanpä Pablupis coliseuman aywayta munaptinmi wawqikuna y panikuna michäyarqan.

31Tsay provinciapa wakin autoridäninkunapis Pabluwan reqinakurmi willakatsiyarqan coliseuman mana aywananpä.

32Coliseuchö runakuna juknö juknö parlar büllata rurayaptinmi wakin runakuna imapä tsayman qorikäyanqantapis musyayarqantsu.

33Tsaychö kaykaq Israel runakunanam Alejandro jutiyuq runata parlamunanpä yaykutsiyarqan. Tsaymi runakunapa puntanman Alejandro yaykuskir upällakuyänanpä makinwan sëñasta rurarqan.

34Alejandro Israel runa kanqanta musyarmi tsay runakuna ishkay höranö qayaräyarqan: <<¡Diosnintsik Artemisa alabashqa katsun!>>

35Tsaynö niyaptinmi markapa mas mandaqnin autoridä upällakuyänanpä sëñasta rurar nirqan: <<¡Éfeso runakuna! Maytsaychöpis runakuna musyayanmi Artemisapa templun kay markachö kanqanta. Tsaynöllam musyayan ciëlupita shushumuq Artemisa niraq rumitapis tsararanqantsikta.

36Tsaytaqa manam pipis ñëgayta puëdintsu. Llutalla qayaykachar cuidädutä llutanta rurayankiman.

37Prësu apayämunqayki runakuna manam templuntsikpita imatapis apayashqatsu ni diosnintsik Artemisatapis manakaqman churayashqatsu.

38Tsaynö kaykaptinqa Demetrio y aruq mayinkuna kay runakunata demandakuyta munarqa autoridäkunaman demandakuyätsun.

39Imapis willanakunantsikpä kaptinqa llapan autoridäkunata qoriskir sesionta rurashun.

40Kaynö büllata rurayaptikim Roma autoridäkuna contran shärinqantsikta yarpäyanqa. Tsaypita juzgamashqaqa manam ima niytapis puëdishuntsu>>.

41Tsaynö niskirmi llapan runakuna aywakuyänanpä nirqan.