Hechos 9 - Bible in Quechua of South Conchucos（qxo）

Sauluta Jesús yuripunqan Hechos 22.6-16; 26.12-18

1Saulunam Señor Jesúspa discïpulunkunata wanutsiyta munar mas mandaq sacerdötiman aywar

2nirqan: < yaykur Diospa Nänin qatiraqkunata warmitapis ollqutapis Jerusalénman prësu apamunäpä>>.

3Tsay ordinwan aywar Damasco markaman chaykaptinnam ciëlupita aktsi illaqpita chipipirrä atsikyapaykamurqan.

4Tsaynö atsikyapaykamuptinmi Sauluqa patsaman ishkiskir wiyarqan <> nimuqta.

5Saulunam tapurqan: <<¿Taytay, pitä kanki?>>

Tsaymi nimurqan: <>.

7Parlamunqanta wiyarpis pitapis mana rikarmi Sauluwan aywaqkuna pasaypa mantsakäyarqan.

8Sauluqa ishkinqanpita shärirkur rikachakurpis manam imatapis rikarqantsu. Tsaymi paywan aywaq runakuna janchashqalla Damascuman chätsiyarqan.

9Tsaychö kimsa junaq qaprayashqa karmi mikuytapis mikurqantsu ni yakutapis upurqantsu.

10Damascuchömi juk discïpulu täkurqan Ananías jutiyuq. Paytam Señor Jesús yuripuykur nirqan: <<¡Ananías!>>

Niptinmi nirqan: <<¿Taytay, imatä?>>

11Señor Jesúsnam nirqan: <

12Paymi revelacionchö rikashurquyki yapay rikananpä makikita umanman churaykur mañakunqaykita>>.

13Ananíasnam nirqan: <

14Kananqa mandaq sacerdötikunapa ordinninwanshi kay markaman shamushqa qamman criyikuqkunata prësu apananpä>>.

15Señor Jesúsnam nirqan: <

16Paytam musyatsishä noqa raykur pasaypa ñakananpä kanqanta>>.

17Tsaynö niptinmi Saulo kaykanqan wayiman Ananías aywarqan. Chaykurmi Saulupa umanman makinta churaykur nirqan: <>.

18Ananías parlayta ushaskiptinmi jinan höra Saulupa ñawinpita pescädupa escämannö shushuskiptin ñawin alliskirqan. Tsaypitanam bautizakuskir

19mikuyta mikuskiptin kallpan yuriskirqan. Damascuchömi discïpulukunawan ishkay kimsa junaq quëdarqan.

Jesúspä Damascuchö Saulo willakunqan

20Tsaypitanam Tayta Diospa Tsurin Jesús kanqanta sinagögakunachö Saulo willakur qallaykurqan.

21Tsaynö willakunqanta wiyarmi runakuna espantashqa niyarqan: <<¿Manaku kay runaqa Jesúsman criyikuqkunata Jerusalénchö qatikacharqan? ¿Manaku kaymanpis shamushqa prësu tsarir mandaq sacerdötikunaman apananpä?>>

22Qoyay qoyay Saulo mas tantiyarmi Jesús salvamaqnintsik Cristo kanqanta willakurqan. Tsaynö willakuptinmi Damascuchö täraq Israel runakuna ima niytapis puëdiyarqantsu.

Israel runakunapita Saulo qeshpinqan

23Tsaypita atska junaqkuna päsaskiptinmi Israel runakuna Sauluta wanutsiyänanpä willanakuyarqan.

24Wanutsiyta munar paqaspa junaqpa marka yarquna punkuchö shuyäyanqantam Saulo musyarqan.

25Tsaymi discïpulukuna juk paqas jatun canastaman wiñarkur marka murälla jananpa Sauluta yarputsiyarqan.Jerusalénchö Saulo willakunqan

26Jerusalénman Saulo chaykurmi Jesúspa discïpulunkunawan qorikayta munarqan. Peru Jesúsman criyikunqanta mana criyirmi paywan qorikayta mantsariyarqan.

27Bernabénam apostolkunawan reqinakuyänanpä Sauluta pusharqan. Tsaychömi Señor Jesús nänichö Sauluta yuripunqanta y parlapanqanta willarqan. Tsaynöllam willarqan Damascuchö mana mantsaypa Jesúspa jutinchö willakunqanta.

28Tsaynöpam apostolkunawan Jerusalénchö Saulo purir Jesúspa jutinchö mana mantsariypa willakurqan.

29Tsaynö willarmi griego idiömata parlaq Israel runakunawan rimanakuyarqan. Tsay runakuna Sauluta wanutsiyta munayanqanta

30musyarmi wawqikuna y panikuna Cesarea markaman pushayarqan. Tsaypitanam markan Tarsuman despachayarqan.

31Jesúsman yärakuqkunanam Judeachö, Galileachö y Samariachöpis tranquïluna kawayarqan. Tayta Diosta mantsapakur pay munanqannö kawayänanpä Espíritu Santu yanapaptinmi mas atskaqna kayarqan.

Eneasta Pedro allïtsinqan

32Pedrunam criyikuq mayinkunata maytsaypa watukar purir Lida markamanpis charqan.

33Tsaychömi Eneasta tarirqan puriyta mana puëdir puwaq watana cämallanchö ujuraykaqta.

34Pedrunam nirqan: <>

Tsaynö niptinmi Eneas jinan höra allishqana shärirqan.

35Tsayta rikarmi Lidachö y Sarónchö täraq runakuna Señor Jesucristuman criyikuyarqan.

Tabita kawamunqan

36Jope markachömi juk discïpulu Tabita jutiyuq warmi täkurqan. Tabita ninanqa griego idiömachö Dorcas ninanmi. Tsay warmim imaypis allillata ruraq y pobrikunatapis yanapaq.

37Qeshyar wanuskiptinmi bäñaskatsir wayi jananchö kaykaq cuartuman sutayarqan.

38Jopipita Lida markamanqa amänullam karqan. Tsaymi Lidachö Pedro kaykanqanta musyaskir ishkaq runakunata discïpulukuna mandayarqan rugakayämunanpä: <>.

39Tsaymi paykunawan Pedro aywar chaykuptin aya sutaraykanqan cuartuman yaykatsiyarqan. Tsaychömi Tabita yanapanqan viüdakuna waqar Pedruta rikatsiyarqan paykunapä ruranqan röpankunata.

40Tsaymi tsaychö kaykaqkunata waqtaman qarquskir qonqurikuykur Tayta Diosta Pedro mañakurqan. Mañakuskirmi ayata nirqan: <<¡Tabita, shäriy!>>

Tsaynö niptinmi wanushqa sutaraykanqanpita jinan höra kawaskamur Pedruta rikärir jamarkamurqan.

41Tsaynam makinpita jancharkur Pedro ichirkatsirqan. Tabita kawamunqanta rikayänanpänam waqtachö kaykaq viüdakunata y wawqikunata y panikunata qayarqan.

42Tabita kawamunqanta entëru Jope markachö musyaskirmi Señor Jesúsman atskaq criyikuyarqan.

43Tsay markachömi suëla ruraq Simónpa wayinchö atska junaq Pedro quëdakurqan.