Salmo 35 - Bible in Quechua of South Conchucos（qxo）

Salmo 35 (34)Yanapananpä Tayta Diosta mañakunqan 1a (1a) David qellqanqan salmu.

1 1 (1b) Tayta Dios, chikimaqnïkunapa contran shäriykullay.

Atacamaqkunata atacaykullay.

2Escüduykita aptakurkur shamurnin yanapaykallämay.

3Chikimar qatikachämaqnïkunata lanzaykiwan atacaykullay.

Salvamaqnï kanqaykita musyaykatsillämay.

4Wanutsimayta munaqkuna penqakur aywakuyätsun.

Atacamayta munaqkuna penqakurnin qeshpir aywakuyätsun.

5Paykunaqa päjata vientu apanqannö maytsaypa mashtakashqa kayätsun.

Tayta Diospa angelnin maytsaypapis qarquykullätsun.

6Paqaspa purir llutskaqnö imaypis kaykuyällätsun.

Tayta Diospa angelnin qatikachätsun.

7Chikimaqnïkunata manam wajuparqütsu.

Mana wajupaykaptïmi desgraciaman jitarpamayta munayan.

8Tsaynö kayanqanpita imayka desgraciapis päsaykullätsun.

Tsay trampa churayanqanmanpis kikinkuna ishkiyätsun.

9 Tayta Dios yanapamaptinmi pasaypa kushikü.

Salvamaptinmi kushishqa alabä.

10Llapan shonqüwanmi nishä:

< manam pipis qamnöqa kantsu.

Munayyuq runakunapa makinpitam ñakaqkunata jipinki.

Ñakatsiyanqanpita yarquyänanpämi yanapanki>>.

11Llulla testïgukunam manakaqta tumpamar manapis musyanqäkunata tapuyäman.

12Paykunata yanapaykaptïpis conträ shäriyaptinmi pasaypa llakikü.

13Paykuna qeshyayaptinpis pasaypa llakikurninmi lütu röpata jatikurqä.

Allïyänanpä ayunarmi Tayta Diosta shonqullächö imaypis mañakuq kä.

14Mamä, amïgü o wawqï wanuptin lütur llakikuqnörämi llakikuq kä.

15Peru paykunaqa desgracia päsamaptin pasaypam asipäyämarqan.

Jäpa runatanömi cada vezlla mana alli rikayämarqan.

16Asipämarmi manakaqman churayämarqan.

Nanaq ñawinkunapam rikapäyämarqan.

17 Tayta Dios, ¡imayyaqrä tsaynö ñakatsiyämänanpä dëjamanki!

Tsay qayaraykaq leonkunapita salvaykallämay.

18Salvamaptikim qamman yärakamuq runakuna qorikäyanqanchö agradëcikushayki.

Atskaq runakunapa puntanchömi alabashayki.

19Chikimaqnï runakuna ama kushipäyämätsuntsu.

Manakaqpita chikimaqnïkuna ama qemtsipäyämätsuntsu.

20Paykunaqa manam munayantsu runakuna alli kawayänanta.

Tranquïlu kawaq runakunata mana alli kawayman churayänanpämi yarpachakuyan.

21Makinkunatapis taqllarrämi asipar niyäman: <<¡Bienëchu ima päsashunqaykitapis rikaykäyämi!>>

22 Tayta Dios, tsaykunata llapantam rikarquyki.

Janä shäriykullay.

Ama dëjaykällämaytsu.

23Ras yanapaykallämay.

Tsapämarnin paykunata juzgaykullay.

24Alli juez kaptikim defiendimänaykipä rugakullä.

Ama munaykullaytsu asipämarnin manakaqman churayämänanta.

25Ima päsamanqantapis ama yarpayllapis yarpäyätsuntsu.

Tsaynölla ama niyätsuntsu: <>.

26Desgracia päsamanqanpita kushikuqkuna pasaypa penqakushqa puriyätsun.

Manakaqman churamar runa tukuqkunata pïmaypis penqakatsiyätsun.

27Peru janä shäriqkuna sïqa pasaypa kushikuyätsun.

Llapanpä poderyuq kanqaykipita imaypis alabaykuyälläshuy.

Yanapamanqaykita imaypis tantiyaykuyällätsun.

28Chikimaqnïkunapita alli defiendimanqaykitam pïmaytapis willashä.

Mana ajayaypam imaypis alabashayki.