Salmo 81 - Bible in Quechua of South Conchucos（qxo）

Salmo 81 (80)Fiestachö cantananpä alabanza 1 (1) Cantaqkunapa mandaqninpämi. Üvata jarur cantayanqayki tönuwan kay salmuta cantayanki. Asaf qellqanqan salmu.

1 1 (2) ¡Tayta Diosta kushishqa cantar alabashun!

Paymi ima desgraciapitapis tsapämäshun.

Jacob yärakunqan Tayta Diosta kushishqa alabashun.

2 2 (3) Panderëtakunata tukar cantashun.

Arpatapis salteriutapis waqay waqayta tukar alabashun.

3 3 (4) Llullu killachö y llena killachöpis cornëtata tukashun.

Tsay junaqkuna jatun fiestata rurashun.

4 4 (5) Israel runakuna alabanantsikpämi Jacob criyikunqan Tayta Dios nimarqantsik.

5 5 (6) Egiptupita jipiskamurmi Josépita miraq unay castantsikkunata Tayta Dios nirqan alabayänanpä.

Imaypis mana wiyanqä voztam wiyarqä. Tsay vozmi nirqan:

6 6 (7) <

Pasaypa aruykätsiyäshuptikim qamkunata pushamurqü.

7 7 (8) Pasaypa llakikurnin mañakayämaptikim salvarqä.

Maqakuykaq pukutay rurinpitam contestamurqä.

Meriba yaku lädunchömi qamkunata pruëbaman churarqä.

8 8 (9) <

Israel runakuna, ima allirä kanman cäsuyämaptiki.

9 9 (10) Ima ïdulutapis ama tsararäyaytsu.

Juk nacionkuna adorayanqan dioskunata ama adorayaytsu.

10 10 (11) Noqam Egiptupita jipimushuqniki Tayta Diosniki kä.

Mañakayämanqaykitaqa imatapis atskatam alistapäyäshayki.

11 11 (12) <

Israel runakuna kaykarpis manam wiyayämarquykitsu.

12 12 (13) Tsaynö kayanqaykipitam shonquykikuna munanqannö kawayänaykipä jaqirqü.

13 13 (14) Kuyanqä runakuna, ¡ima allirä kanman wiyayämaptiki!

Israel runakuna, ¡ima allirä kanman cäsuyämaptiki!

14 14 (15) Cäsuyämaptikiqa illaqpitam contraykikunata ushakätsïman.

Chikishuqnikikunata maynam castigäman karqan>>.

15 15 (16) Tayta Diosqa llapan chikiqninkunatam vincinqa.

Paykunatam imayyaqpis castiganqa.

16 16 (17) Peru kuyanqan runakunatam sïqa allin kaq trïguta alistapanqa.

Abëjapa mishkintapis pacha junta mikuyänanpämi alistapanqa.