Santiago 4 - Bible in Quechua of South Conchucos（qxo）

Jutsata mana ruranapä ninqan

1¿Imanirtä pelyallar y rimanakullar kawaykäyanki? Tsaynö kaykäyanki shonquykikunachö mana alli yarpay kaptinmi.

2Wakinkuna imaykayuqpis kaqta rikarmi qamkunapis paykunanö kayta munayanki. Tsaymi imaykanöpapis tariyta munar runa mayikitapis wanutsiyanki. Tsaynö rurarpis Tayta Diosta mana mañakurmi munayanqaykita tariyankitsu.

3Manakaqkunachö ushayänaykipä kaptinmi mañakurpis chaskiyankitsu.

4¡Mana cäsukuq jutsasapa runakuna! ¿Manaku musyayanki mana allikunata rurar Tayta Diospa contran kayanqaykita? Pipis mana allikunata rurarqa Tayta Diospa contranmi kaykan.

5¿Manaku criyiyanki Tayta Diospa palabran ninqanta? Tsaychömi nimantsik mana allikunata rurashqa noqantsikman mandamunqan Espíritu Santu rabyakunqanta.

6Peru tsaynö karpis kuyapämantsikmi. Tsaymi palabranchöpis nin:

<

Peru humildi kaqkunatam sïqa kuyapar yanapan>>.

7Tsaynö kaykaptinqa mana yachaq tukullar Tayta Dios ninqanta cäsukur diabluta pärapuyay.Pitapis manakaqman mana churanapä ninqan

11Wawqikuna y panikuna, mayqaykikunapis ama manakaqman churanakuyaytsu. Pitapis manakaqman churarqa Tayta Dios kuyanakunantsikpä nimanqantsik mandamientutam manakaqman churaykantsik. Tayta Diospa mandamientunqa manam manakaqman churanantsikpätsu, sinöqa cäsunantsikpämi.

12Tayta Diosmi leyninkunata qaramarquntsik. Payllam jutsayuq o jutsaynaq kanqantsikta nimäshun. Payllam salvamänapä o condenamänantsikpäpis poderyuq kaykan. Tsaynö kaykaptinqa ¿pitä qam kanki runa mayikita juzganaykipä?

Ima päsananpä kanqanta mana musyanqantsik

13Wakikim niyanki: <>.

Tsaynö niqkuna, shumaq wiyayämay.

14Manam musyantsiktsu waraykuna ima päsamänantsikpä kanqantapis.Prov. 27.1. Pukutay yuriskamur illakanqannöllam noqantsikpis illakäshun.

15Tsaynö kaykaptinqa nishun: <>.

16Peru tsaynö niyänaykipa rantinmi imata rurayänaykipäpis alabakuykäyanki. Tsaynö parlayanqayki manam allitsu.

17Allikunata ruranapä kanqanta musyaykar mana rurarqa jutsatam ruraykantsik.