1 1 (2) Tayta Dios, lluytsu yakuta ashinqannörämi noqapis qamta ashï.
2 2 (3) Imayyaqpis kawaq Dios kaptikim yakunaypanörä qamta ashï.
¡Imayrä puntaykiman chämushä qamta adoranäpä!
3 3 (4) Runakunam imay hörapis asipämar niyäman: <<¿Maytä Diosniki?>>
Tsaymi alläpa llakikur mallaqaytapis tarïtsu.
Waqaykällarmi waräpis qoyäpis.
4 4 (5) Unayqa atskaq runakunata pushakurkurmi Tayta Diospa wayinman aywaq kä.
Tsaychömi fiestata rurar Tayta Diosta kushishqa alabaq kä.
Tsaykunata yarpaskirmi pasaypa llakikü.
5 5 (6) Ay vïda vïda, ¿imanirtä malagäna puriykä?
¿Imanirtä llakikü?
Tayta Diosllamanmi imaypis yärakushä.
Paytam imaypis alabashä.
Paymi salvamaqnï Tayta Dios.
6 6 (7) Imata ruranäpäpis manam gänasnï kannatsu.
Hermón y Mizar jirkakunapita Jordán mayu pashtamuqchö kaykarpis qamllamanmi yarparaykä.
7 7 (8) Manana yanapamaptikim pasaypa llakishqa kaykä.
Tsay llakikunqäqa bunyaypa bunyar mayu aywaptin qaqakuna yachapanqannömi mantsariypä.
8 8 (9) Tsaynö kaptinpis Tayta Diosmi kuyakuq kanqanta qoyay qoyay tantiyatsiman.
Paqaspapis alabanäpämi yanapaman.
Kawayta qaramaq Tayta Diostam llapan shonqüwan mañakü.
9 9 (10) Imaykapita tsapämaqnï Tayta Diosta mañakurmi nï:
<<¿Imanirtä qonqaskamarquyki?
Conträ shäriyaptinpis llakishqa mana purinäpä yanapaykallämay>>.
10 10 (11) Chikimaqnïkunam qoyay qoyay niyäman:
<<¿Maychötä Diosniki kaykan?>>
Tsaynö asipäyämaptinmi shonqüpis imayka tuksishqanörä nanan.
11 11 (12) Ay vïda vïda, ¿imanirtä malagäna puriykä?
¿Imanirtä llakikü?
Tayta Diosllamanmi imaypis yärakushä.
Paytam imaypis alabashä.
Paymi salvamaqnï Tayta Dios.
Who We AreWhat We EelieveWhat We Do
2025 by iamachristian.org,Inc All rights reserved.
