1 Crónicas 16 - Bible in Quechua of South Conchucos（qxo）

1Tayta Diospa babulninta aparmi chätsiyarqan David ruratsinqan tolduman. Tsayman churaykurnam ashmakunata David pishtaskatsir rupatsina sacrificiuta y alli päsakuy sacrificiutapis Tayta Diospa puntanchö rupatsirqan.

2Rupatsiyta ushaskirmi Israel mayinkunapä Tayta Diosta mañakur Davidqa Diospa jutinchö bendisarqan.

3Tsaypitam ollqutapis warmitapis llapan Israel runakunata aypurqan juk tantata, pedäzu aytsata y päsasllan atipashqa juk biscöchuta.

4Levitakunatam David churarqan Tayta Diospa babulnin kaqchö Israel runakunata kuyaq Tayta Diosta mañakuyänanpä, agradëcikuyänanpä y alabayänanpä.

5Paykunapa mandaqnin Asafmi platïlluta tukaq karqan. Asafpa yanapaqninmi karqan Zacarías. Tsaypitanam kayarqan Jeiel, Semiramot, Jehiel, Matatías, Eliab, Benaía, Obed-edom y Jeiel. Paykunaqa salteriukunata y arpakunatam tukayaq.

6Sacerdötikuna Benaía y Jahazielnam Tayta Diospa Pactu Babulnin ñöpachö cornëtakunata imaypis tukayaq.

Tayta Diosta agradëcikur David alabanqan Salmo 96.1-13; 105.1-15; 106.47-48

7Babulta chätsiyanqan junaqmi Asafta y yanapaqninkunata kay alabanzata cantatsiyänanpä David churarqan:

8<<¡Tayta Diosta agradëcikuyay!

¡Paypa jutinchö alabayay!

Llapan ruranqanta maytsay nacionchöpis willakuyay.

9Salmukunata cantar alabayay.

Espantaypä ruranqankunata willakuyay.

10< ashiqkuna, llapan shonquykikunawan payta alabayay.

Japallan santu Dios kanqanpita kushikuyay.

11Poderösu Tayta Diosta imaypis ashiyay.

Yanapashunaykipä payta imaypis mañakuyay.

12Espantaypä ruranqan milagrukunata yarpäyay.

Paypa mandamientunkunata ama qonqayaytsu.

13Tayta Diosta sirviq Israelpita miraqkuna, tsaykunata yarpäyay.

Akranqan Jacobpita miraqkuna, llapan ruranqankunata ama qonqayaytsu.

14<.

Entëru kay patsachömi munanqanta ruran.

15Payqa pactu ruranqanta manam imaypis qonqantsu.

Waranqa (1,000) generación päsaptinpis yarparaykanmi.

16Tsay pactutam Abrahamwan rurarqan.

Isaactapis jurarmi awnirqan.

17Imaypis cumplinanpämi Jacobta y paypita miraq Israel runakunatapis awnirqan.

18Awnirmi nirqan:

herenciaykikuna kananpä entregayäshayki>.

19<

Juklä nacionchö yupashqallam kayarqan.

20Paykunam nación nación y marka marka puriyarqan.

21Tsaynö puriyaptinpis pipis ñakatsinanta Tayta Dios manam munarqantsu.

Paykunata kuyarmi reykunatapis castigarqan.

22Paykunatam nirqan:

Profëtäkunatapis ¡musyaskiyänanpä pillapis yataskinman!>

23< llapayki alabayay.

Salvakuq kanqanpita qoyay qoyay willakuyay.

24Poderösu kanqanta llapan nación runakunata willayay.

Espantaypä ruranqankunata maytsay markakunachö willakuyay.

25Tsaynö willakuyay Tayta Dios allillata ruraq kanqanpita.

Llapan runakunapis payta alabayänanpä willakuyay.

Payqa ima diospitapis mas mantsaypämi.

26Wakin markakunapa diosninkunaqa ïdulukunallam.

Tayta Diosqa poderyuq karmi ciëlutapis kamashqa.

27Espantaypä kaqkunata ruraptinmi puntanchö pïmaypis alabayan.

Poderösu kaptinmi templunchö kushishqa adorayan.

28< alabayay.

Poderösu kanqanpita payta adorayay.

29 Tayta Diospa jutinchö adorayay.

Ofrendata apakurkur ñöpanman yaykuyay.

Poderyuq santu Tayta Diosta adorayay.

30Entëru patsachö täraq runakuna puntanchö tsuktsukyäyätsun.

Tayta Diosmi kay patsata kamashqa mana kuyukuqta.

31Ciëlupis kay patsapis kushikuyätsun.

Maytsay nacionpita karpis llapayki niyay:

<¡Tayta Diosmi mandamaqnintsik rey!>

32Lamarpis y tsaychö kaqkunapis bunyaypa bunyar kushikuyätsun.

Chakrakunapis y tsaychö kaqkunapis kushikuyätsun.

33Muntichö kaq jachakunapis Tayta Diospa puntanchö kushishqa cantayätsun.

Paymi kay patsachö juzgananpä shamuykan.

34< agradëcikuyay.

Kuyakuq kayninqa imaypis manam ushakantsu.

35Payta mañakur niyay:

Qam japallaykim salvamaqnï kanki.

Karu nacionkunachö mashtakashqa kayanqäpita qoriykayällämay.

Tsaynöpam santu jutikichö kushishqa alabayäshayki.

Pasaypa kushikurmi qamta alabayäshayki>.

36<<¡Israel runakunata kuyaq Tayta Dios imayyaqpis alabashqa kaykullätsun!>>

Tsaynö nir alabaptinmi llapan runakunapis <<¡amén!>> nir Tayta Diosta alabayarqan.

Tayta Diosta sirviyänanpä runakunata David churanqan

37Tsaypitam Asafta y yanapaqninkunata David churarqan Tayta Diospa Pactu Babulnin kanqan kaqchö rurananpä kaqkunata qoyay qoyay rurayänanpä.

38Babul churaranqan toldu punkuta cuidayänanpämi David churarqan Jedutúnpa tsurin Obed-edomta, Hosata y joqta chunka puwaq (68) levita runakunatapis.

39Gabaónchö kaykaq Sagrädu Tolduchö Tayta Diosta sirviyänanpänam sacerdöti Sadocta y wakin sacerdötikunatapis David churarqan.

40Paykunam Tayta Dios mandanqannö wäraypapis tardipapis tsaychö kaykaq altarchö rupatsina kaq sacrificiukunata rupatsiyarqan. Tayta Dios yachatsinqan leykunachö qellqashqa kaykanqannöllam llapantapis rurayarqan.

41 Tayta Diosta tsay tolduchö alabayänanpämi rey David churarqan Hemánta y Jedutúnta. Tsaynöllam paykunata yanapayänanpä churarqan wakin akranqan kaq levita runakunatapis. Paykuna alabarmi niyarqan: < agradëcikushun>>.

42Tayta Diosta alabarmi tukayarqan cornëtata, platïlluta y wakin instrumentukunatapis.

Jedutúnpa tsurinkunatam David churarqan punkuta cuidayänanpä.

43Tsaypitam llapan runakuna wayinkunapa kutikuyarqan. Castankunata bendisananpämi Davidpis wayinpa kutikurqan.