1Tsay witsanmi lamarchö willwishturrä kururakashqa aywaq mantsaypä Leviatán ashmata maytsay nacionkunaman chanqa.
7Israel runakunata Tayta Dios castigarpis manam contrankunata castiganqannötsu castigashqa, sinöqa kuyapashqam.
Tsaymi contrankunata ushakätsirpis Israel runakunataqa ushakätsishqatsu.
8Ushakätsinanpa rantin nacionninpita jukläman prësu apatsirmi castigashqa.
Desiertupita pasaypa vientumur imaykatapis apaqnömi karuman apatsishqa.
9Tsaynö kaptinpis Jacobpita miraqkunatam jutsankunapita perdonanqa.
Tsaynö perdonanqa juk dioskunata adorakuyänan altarkunata ushakätsiyaptin,
tsay altarta pirqanqan rumikunata isku rumitanö chipyaq rupatsir ushakätsiyaptin,
Asera diösapä raku qerukunata manana jawiyaptin
y juk dioskunapä inciensiuta qoshnitsikuyänan altarkunatapis juchutsiyaptinmi.
10Nacionninpita Israel runakunata apayaptinmi alli murallashqa markankuna tsunyaq tikrashqa.
Tsaytsika runakuna täyanqan markakunachöpis manam pipis kashqanatsu.
Mitsikuna jirkakunamanmi tikrayashqa.
Tsaychömi becërrukunapis qewata mikur pacha junta punuräyan.
11Rämakuna tsakir pakikaqkunatam warmikuna yantakuyan.
Tsaychö täraq runakuna mana tantiyakuqmi kayashqa.
Tsaymi paykunata kamaq Tayta Dios kuyapashqatsu ni llakipashqatsu.
12Tsay witsanmi trïguta ërapita qoriqnö Éufrates mayupita Egipto mayuyaq juk jukllaylla llapaykita qoriyämushunki.
13Tsay witsan cornëtata tukamuptinmi Asiriachö tarpis y Egiptuchö tarpis nacionnikikunaman kutiyämunki. Jerusalénman kutiykamurmi sagrädu jirkanchö Tayta Diosta adorayanki.
Who We AreWhat We EelieveWhat We Do
2025 by iamachristian.org,Inc All rights reserved.
