1 Samuel 24 - Bible in Quechua of South Conchucos（qxo）

Saúlta David mana wanutsinqan

1 1 (2) Filisteo runakunata vinciskir Saúl kutiykaptinmi willayarqan En-gadi desiertuchö David kaykanqanta.

2 2 (3) Tsaymi Israel runakunapita kimsa waranqa (3,000) allinnin kaq soldädukunawan munti cabrakuna purikuyänan qaqakuna lädupa Davidta ashirnin Saúl aywarqan.

3 3 (4) Aywaykäyanqanchömi üsha kunchakuna ñöpanchö jatun machayman chäyarqan. Tsay machaychömi yanapaqnin runakunawan David pakaraykäyarqan. Machaychö David kaykanqanta mana musyarmi ishpakuq Saúl yaykurqan.

4 4 (5) Saúlta rikarmi Davidwan kaykaq runakuna niyarqan: < cumplishqa contraykita makikiman churamunanpä ninqanta. Tsaynö kaykaptinqa yarpanqaykinö imatapis ruray>>.

Tsaymi David yachayllapa aywaykur Saúl ishpakuykaptin tünicanpa kuchunta mana mayatsiyllapa roquskirqan.

5 5 (6) Tsayta ruraskirmi llutanta ruranqanta tantiyar David pasaypa llakikurqan.

6 6 (7) Tsaymi yanapaqnin runakunata nirqan: < ama permitiykutsuntsu. Kikin Tayta Dios Saúlta rey kananpä akraykaptinqa noqapapis mandamaqnïmi. Tsaymi paytaqa yatayllapis yatashätsu>>.

7 7 (8) Tsaynö nirmi yanapaqnin runakunata David micharqan Saúlta mana wanutsiyänanpä. Saúlnam ishpakuskir machaypita aywakurqan.

8 8 (9) Karu qepallanta machaypita David yarquskirmi qayakur nirqan: <<¡Rey Saúl!>>

Saúl tikraykur rikaskiptinmi urkunpis patsaman töpanqanyaq David qonqurikuykur

9 9 (10) nirqan: <

10 10 (11) Kananqa Tayta Diosmi ñöpäman pushamushurquyki. Contrayki rasunpa karqa kay machayllachönam wanutsïman karqan. Yanapamaqnï runakuna qamta wanutsinäpä nimaptinpis manam wanutsirqütsu. Tsaypa rantinqa rey kanaykipä Tayta Dios akrashunqaykipitam imaypis yatashaykitsu. Tsaytaqa kikikim rikaykanki.

11 11 (12) <

12 12 (13) Mayqantsikpis jutsayuq kashqaqa Tayta Dios castigamäshun. Noqaqa manam imaypis wanutsishaykitsu.

13 13 (14) <. Tsaymi noqaqa ni imaypis wanutsishaykitsu.

14 14 (15) Pulganö y allqunö mana väliq kaykaptïqa ¿imanirtä qatikachämanki?

15 15 (16) Mayqantsikpis jutsayuq kashqaqa Tayta Diosmi juzgamäshun. Payqa imata yarpanqätapis musyanmi. Paymi makikipita salvamanqa>>.

16 16 (17) David parlayta ushaskiptinmi Saúl nirqan: <<¡David! ¿Rasunpaku qam kaykanki?>>

Tsaynö nirmi qayarayparä waqar

17 17 (18) nirqan: <

18 18 (19) Tayta Dios qampa makikiman churaykämaptinpis manam wanutsimarquykitsu. Tsaymi kanan musyä kuyamanqaykita.

19 19 (20) Manam pï runapis contranta tariykurqa kawaykaqtaqa dëjantsu. Tsaynö kaptinpis qamqa kuyamarmi wanutsimarquykitsu. Mana wanutsimanqaykipita Tayta Dios imaykachöpis yanapaykulläshuy.

20 20 (21) <

21 21 (22) Tayta Dios wiyaykämashqa kanan awnimay rey kar castäkunata mana wanutsinaykipä ni jutïtapis mana ushakätsinaykipä>>.

22 22 (23) Tsaynö niptinmi Davidqa Saúlta awnirqan castankunata mana wanutsinanpä. Tsaypitanam Saúl kutikurqan palaciunman y Davidpis kutikurqan pakaranqanman.