Ezequiel 42 - Bible in Quechua of South Conchucos（qxo）

Sacerdötikunapa cuartunkuna

1Tsaypitanam tsay runa norti läduchö kaykaq jatun patiuman pushamar chätsimarqan sacerdötikunapä cuartukuna kanqan kaqman. Tsay cuartukunaqa templupa qepanchö kaykaq patiu lädupa y tsaychö jatun wayi lädupam rikakarqan.

2Cuartukunapa largunta midiptinmi pitsqa chunka (50) metru karqan. Anchunnam ishkay chunka pitsqa (25) metru karqan.

3Tsay cuartukunapa waqtanchömi templu qepanchö kaykaq chunka metru anchu patiu karqan. Frentinchönam rumiwan empedrashqa jatun patiu karqan.

Tsay cuartukunaqa kimsa grädaman qatashqam karqan.

4Punkunkunaqa norti lädupam rikakarqan. Tsay lädupam päsararqan juk pasadïsu pitsqa metru anchuyuq y pitsqa chunka (50) metru larguyuq.

5Ultimu grädachö kaykaq cuartukunaqa mas taksham karqan. Peru chawpi grädachö kaykaq cuartukunam sïqa mas jatullan karqan. Gräda qallananchö kaykaq cuartukunanam mas jatun karqan.

6Cuartukuna kimsa pïsu kaykarpis manam patiuchö kaq cuartukunanötsu paradoryuq karqan. Tsaymi cada pïsuchö cuartukuna urapita janayaq mas taksha karqan.

7-8Tsay cuartukunapa largunmi ishkay chunka pitsqa (25) metru karqan. Punku lädunchö pirqanam ishkay chunka pitsqa (25) metru karqan. Frentichö kaq pasadïsum pitsqa chunka (50) metru karqan.

9Jatun patiupita cuartukunaman yaykuyänanpä punkunam rupay yarqamunan läduchö karqan.

10Tsaynöllam sur lädupapis cuartukuna karqan. Tsay cuartukunaqa templu qepanchö kaykaq wayi frentinchö y templu qepanchö kaykaq patiu frentinchömi karqan. Tsay wayipa y patiupa murällan waqtanchömi tsay cuartukuna karqan.

11Norti läduchö kaykaq cuartukunapa frentinchö pasadïsu kanqannöllam sur lädu cuartukunapa frentinchöpis pasadïsu karqan. Tsaynöllam sur lädu cuartukunapa largunpis, anchunpis, yarqukunanpis y punkunkunapis norti lädu cuartukunapanö karqan.

12Sur lädu cuartukunaman yaykuyänanpämi pasadïsu qallaykunanchö punku karqan. Tsay punkuqa rupay yarqamunan lädupam rikakarqan.

13Pushamaq runam nimarqan: < kaykan. Tsay cuartukunachömi Tayta Diospa puntanchö sirviq sacerdötikuna mas sagrädu kaq ofrendakunata mikuyanqa. Tsay cuartukuna sagrädu kaptinmi tsaki mikuy ofrendakunata, purificatsina sacrificiukunata y consagratsina sacrificiukunatapis tsayman churayanqa.

14<>.

15Templuta y tsaychö kaykaq patiukunata midir ushaskirnam tsay runa rupay yarqamunan lädu punkupa yarqatsimarqan. Tsaypitanam murällatana jiruruypa midirqan.

16Aptaraykanqan värawan rupay yarqamunan lädupa midiptinmi ishkay pachak pitsqa chunka (250) metru karqan.

17Norti lädupa midiptinmi ishkay pachak pitsqa chunka (250) metru karqan.

18Sur lädupa midiptinmi ishkay pachak pitsqa chunka (250) metru karqan.

19Tsaypita rupay ullunan lädupa midiptinmi ishkay pachak pitsqa chunka (250) metru karqan.

20Tsaymi murällapa largun y anchunpis ishkay pachak pitsqa chunka (250) metru karqan. Tsay murällam rakirqan sagrädu kaqpita mana sagrädu kaqta.