1 Tayta Diosmi nin:
< Llapan shonquykikunawan mañakamaqkuna, wiyayämay. Tantiyakuyay mayqan qaqapita qamkunata jipimunqätapis. Tantiyakuyay mayninchö kaykaq rumikunapita yarqayämunqaykitapis. 2Yarpäyay unay castayki Abrahampä y Sarapä. Qayanqä höra paykunaqa wamraynaqllam kayarqan. Bendicionnïta churaptïmi paypita miraqkuna atskaman mirayarqan. 3Tsaynöllam raqällana kaykaq Siónman bendicionnïta yapay churashä. Desiertunö kaptinpis Edén huertanö kananpämi permitishä. Tsaymi Siónchö pasaypa kushikur alabayämanqa. 4< Israel runakuna, shumaq tantiyakuyay. Maytsaychömi leynïkunata willakuyanqa. Entëru markakunachö yachatsikuynïta chaskikurmi aktsichönöna kawayanqa. 5Kuyanqä runakunata salvanäpä ichikllanam pishin. Llapan nación runakunatam jutsata rurayanqanman juzgashä. Maytsay nacionchö täraq runakunapis noqallaman yärakamurmi shuyaräyämanqa. 6Ciëluta rikar tantiyakuyay. Kay patsata rikar tantiyakuyay. Ciëluqa qoshninöllam ushakanqa. Kay patsapis röpa ushakaqnöllam ushakanqa. Tsaynöllam runakunapis chuspinölla ushakäyanqa. Peru salvacionnïmi sïqa ni imaypis ushakanqatsu. Munanqäqa imaypis cumplinqam. 7< Leynïkunata chaskikuq runakuna, cäsuyämay. Runakuna imaykata ashlliyäshuptikipis ama llakikuyaytsu. Imata niyäshuptikipis ama qallayäyaytsu. 8Röpata y millwata puyu ushaqnömi tsay runakunata kuru ushanqa. Peru salvacionnïmi sïqa ni imaypis ushakanqatsu. Munanqäqa imaypis cumplinqam>>. 9 Tayta Dios, ¡rikchayna! Llapanpä poderyuq kanqaykita musyatsiyna. Unay watakuna ruranqaykinö kananpis ruray. ¿Manaku mantsaypä Rahab ashmatapis illakätsirquyki? 10¿Manaku lamar yakutapis tsakiratsirqayki? ¿Manaku salvanqayki runakuna päsayämunanpä nänimanna tikraratsirqayki? 11Tsaynöllam kananpis salvamunqayki runakuna cantaraykar Siónman kutiyämunqa. Tsaychömi imaypis kushishqalla kawayanqa. Llakikuypis waqaypis manam kanqanatsu. 12Tayta Diosmi nin: < Qewanö ushakaqlla kaykäyaptinqa ¿imanirtä runakunata mantsayanki? 13Kamashuqniki Tayta Diosmi kä. Noqam ciëlutapis y kay patsatapis kamarqü. ¿Tsaynö kanqäta musyaykarku qonqayämarquyki? Chikishuqniki runakuna ushakätsiyäshunaykipä kanqanta musyarmi qoyay qoyay pasaypa mantsakashqa kaykäyanki. Mantsaykäyaptikipis tsay jurapäyäshuqniki runakunaqa ushakäyänanpänam kaykäyan. 14Prësu apayanqantapis dëjayämunqanam. Apayanqan runakuna manam carcelchötsu wanuyanqa ni mikuytapis manam faltapakuyanqatsu. 15< Llapanta mandaq Yahwehmi jutïpis. Lamarpis 16Ciëluta mashtarmi kay patsatapis shumaq takyatsirqü. Willakuynïta willakuyänaykipämi qamkunata churarqü. Imayka desgraciapitapis makïwanmi tsaparqü. Sióntam nirqä: 17¡Jerusalén marka, ras rikchay! ¡Juklla shärikuy! Cöpa junta wiñaraykaq rabyayninta uputsishurnikim Tayta Dios pasaypa castigashurquyki. Tsaymi shäriytapis mana puëdinqanyaq machashqa runanö kaykanki. 18Atska wamraykikuna kashqa kaptinpis pushashunaykipä manam ni jukllayllapis kannatsu. Llapan wätanqayki wamraykikunapita janchashunaykipä manam ni jukllayllapis kannatsu. 19Ishkay desgraciam päsashurquyki. Jukmi kaykan nacionnikita ushakätsir imaykaykikunatapis apayanqan. Jukaqnam kaykan mallaqay y guërra. ¿Pillarä kuyapäshunki? ¿Pillarä shoqashunki? 20Toqlla tsariptin lluytsu jitaraqnömi wamraykikunapis cällikunachö y esquïnakunachö pitishqa jitaräyan. Tayta Diosmi pasaypa rabyar tsaynö castigashurquyki. 21Jerusalén runakuna, musyämi llakikur machashqanö kayanqaykita. Manam vïnuwantsu machashqanö kaykäyanki, sinöqa Diospa castïgunwanmi. Tayta Dios nishunqaykita kanan shumaq wiyayay. 22Kuyanqan runakunapa favornin shäriq Tayta Diosmi nin: < Kananpitaqa rabyar uputsinqä cöpata mananam upuyankinatsu. 23Pasaypa ñakatsishuqnikikunatanam tsay cöpata uputsishä. Paykunam niyäshurqayki: Tsaymi lätakäyaptiki patsata jaruqnö waqtaykikunata jarur ushayäshurqayki>>.
Who We AreWhat We EelieveWhat We Do
2025 by iamachristian.org,Inc All rights reserved.
