1 Tayta Dios, ¿imanirtä karuchö kaykanki?
¿Imanirtä llakikuychö kaykaptï pakakunki?
2Jutsa ruraq runakunaqa orgullösu karmi munayanqanta pobrikunata ruratsiyan.
Paykunaqa jukpä trampata churayanqanmanmi kikinkuna jeqayanqa.
3Mana alli ruraq runakunaqa mana allita yarpäyanqanpitam alabakuyan.
Ambiciösu runakunawan kuyanakurmi Tayta Diosta manakaqman churayan.
4Orgullösu karmi Diosta ashiyantsu.
Dios kanqanta manam yarpayllapis yarpäyantsu.
5Paykuna yarpäyanqannömi llapan rurayanqankunapis kaykan.
Tayta Dios juzgananpä kanqantaqa manam tantiyayantsu.
Contrankunataqa manakaqmanmi churayan.
6Imaypis desgraciaman mana chäyänanpä kanqantam yarpäyan.
Imaypis kushishqalla kawayänanpä kanqantam yarpäyan.
7Runa mayinkunatapis llutallam maldicionayan, llullapäyan y ashlliyan.
Alli shimillankunapa parlaparmi engañayänanpä yarpachakuyan.
8Jäkuqninman pakakuykurmi runa mayinta asaltayan.
Nänipa aywaykaqta shuyaykurmi illaqpita wanutsiyan.
Pïninpis mana kaptinmi atacayänanpä rikapaykäyan.
9Machayman pakakuykur león shuyaqnömi pobrikunata shuyaräyan.
Atarräyawan tsariqnömi mana alli yarpayninkunawan engañayan.
10Lätaykur león imatapis tsariqnömi atska runakunata tsariyan.
11Dios mana juzgananpä kanqanta yarparmi tsaynö rurayan.
Imatapis mana rikanqantam criyiyan.
12 Tayta Dios, mana alli ruraq runakunataqa juklla juzgaykullay.
Ñakatsiyanqan runakunataqa ama qonqaykullaytsu.
13¿Imanirtä mana alli ruraq runakuna manakaqman churayäshunki?
¿Imanirtä yarpäyan mana juzganaykipä kanqanta?
14Qamqa rikaykankim mana allikunata rurayanqanta.
Jutsata imanö rurayanqanmanmi paykunata castiganki.
Pïninpis mana kaqkunaqa qammanmi yärakayämun.
Qamllam waktsakunapa yanapaqnin kaykanki.
15Jutsata rurar kawaqkunapataqa rikrantapis pakiskiy.
Llapan jutsanpita juzgaykullay.
Tsay niraq runakunataqa llapanta ushakätsiy.
16 Tayta Diosllam imaypis rey kaykan.
Payta mana cäsuq runakunaqa ushakanqam.
17 Tayta Dios, cäsukushuqniki runakuna mañakayämunqantaqa imaypis wiyankim.
Paykunataqa animatsirmi kuyapanki.
18Waktsakunata y ñakaychö kaykaq runakunatam yanapanki.
Allpapita kamanqayki runaqa runa mayinta amana ñakatsiyätsunnatsu.
Who We AreWhat We EelieveWhat We Do
2025 by iamachristian.org,Inc All rights reserved.
