Oseas 4 - Bible in Quechua of South Conchucos（qxo）

Israel runakuna jutsata rurayanqanpita Tayta Dios rabyakunqan

1Israel runakuna, Tayta Dios niyäshunqaykita wiyayay.

Paymi jutsata rurayanqaykipita acusayäshunki.

Tsaymi niyäshunki: <.

2Jutïchö jurarpis manam cumpliyankitsu.

Tsaynöllam llullakuyanki, runa mayikikunata wanutsiyanki, suwakuyanki y jukpa warminwanpis punukuyanki.

Wanutsinakurpis manam ajayäyankitsu.

3Tsaynö kayaptikim Israelchö täraqkuna pasaypa llakikurnin ima ruraytapis puëdiyantsu.

Jirka ashmakunapis, pishqukunapis y pescädukunapis wanurmi ushakaykäyan>>.

Sacerdötikuna jutsata rurayanqan

4Sacerdötikunatam Tayta Dios nin:

<

Tsaynö kaykarqa pitapis ama jitapäyaytsu.

5Jutsayuq kayanqaykipitaqa imay hörapis illaqpitam castigashayki.

Qamkunatanölla llullakuq profëtakunatapis castigarmi nacionnikikunata ushakätsishä.

6Yachatsikuq kaykar mandamientükunata mana yachatsiyaptikim

9Wakin runakuna jutsata rurayanqannöllam qamkunapis jutsata ruraykäyanki.

Tsaymi qamkunatapis wakin runakunatanölla castigayäshayki.

10Mana cäsuyämanqaykipitam mikuyänaykipä tariyaptikipis pacha junta mikuyänaykipä aypanqatsu.

Juk dioskunaman yärakurpis manam ima bendiciontapis tariyankitsu>>.

Israel runakuna ïdulukunata adorayanqan

11< warmiwan kakur y upyallachö kakurmi juiciuntapis runakuna oqrayan.

12¡Tsaymi qerupita rurashqa ïdulukunata tapukuykäyan!

¡Taksha qeruwanmi suertita rikar tapukuykäyan!

Ïdulukunapä yarpararmi mana allikunata rurar kawaykäyan.

Warminta runa dëjaskir juk warmiwan täyanqannömi noqatapis mana cäsumar juk dioskunaman yärakuykäyan.

13Jirkanchö kaykaq altarkunachö sacrificiutapis rupatsirmi juk dioskunapä inciensiuta qoshniykätsiyan.

Roble, álamo y encina qerukuna chakinchö llantuy alli kaptinmi tsay qerukuna kaqchö tsaynö ruraykäyan.

<

Ïdulukunata adorarmi altarkuna kanqanchö adulteriu jutsata ruraykäyan.

14Qamkunapis tsaynöllam juk dioskunapä sacrificiuta rupatsir altarkunachö jukwan jukwan kakuq warmikunawan kakuykäyanki.

Warmi tsurikikunata y llumtsuynikikunata tsaynö kayänanpä churayanqaykipita paykunata castiganäpa rantinmi qamkunata castigayäshayki.

Mana tantiyakuq kayanqaykipitam llapayki ushakäyanki.

15<

Tsaynö kaptin Gilgalmanpis ni Bet-avénmanpis adoraq ama aywayaytsu.

Ïdulukunaman yärakurqa jutïtapis ama joqariyaytsu.

16<

Tsaynö kaykäyaptinqa ¿imanörä washki üshata alli qewachö mitsiqnö bendicionnïta paykunaman churäman?

17Efraín runakunaqa ïdulukunatam adoraykäyan.

Tsaynölla karqa ¡imanöpis kakuyätsun!

18Paykunaqa upyallachömi kakuyan.

Altarkunachö kaykaq prostitüta warmikunamanmi imaypis aywaykäyan.

Autoridäninkunapis jutsata rurarmi penqakuypä kaykäyan.

19Tsaynö kayanqanpitam päjata shukukuy apaqnö castigar maytsaymanpis qarqushä.

Juk dioskunaman yärakuyanqanpis wallällam kanqa>>.