Isaías 33 - Bible in Quechua of South Conchucos（qxo）

Tayta Dios salvamaqnintsik kanqan

1¡Allaw, ushakätsikuq Asiria nación!

Wakin nacionkunata atacayaptikipis qamtaqa manam mayqanpis atacayäshurquykirätsu.

Juk nacionkunata traicionaptikipis qamtaqa manam mayqanpis traicionayäshurquykirätsu.

Atacayta ushaskiptikim kikikitapis atacayäshunki.

Juk nacionkunata traicionayta ushaskiptikim kikikitapis atacayäshunki.

2 Tayta Dios, kuyapaykayällämay.

Qamllamanmi yärakayämü.

Qoyay qoyay yanapaykayällämay.

Ñakaykuna chämuptinpis salvaykayällämay.

3Maqakuynörä parlanqayki wiyakämuptinmi runakuna qeshpir aywakuyan.

Rabyanqaykita tantiyarmi llapan nación runakuna maytsaypapis qeshpir aywakuyan.

4Paykunapa imaykankunatapis contrankunam apayan.

Tsaytsika chukllushkunanörämi ushayan.

5Poderösu Tayta Diosqa ciëluchömi kaykan.

Paymi Siónchö täraq runakunata allita rurayänanpä yachatsin.

6Ima päsamashqapis paymi yanapamäshun.

Paymi tantiyatsimäshun y yachayta qaramäshun.

Imayka mana allikunapitapis paymi salvamäshun.

Tsaymi Tayta Diosta mantsapakur imayka riquëzata tsararaqnö kaykantsik.

7Chikimaqnintsikkunata rugakayämunanpä runakunata mandaykashqapis mana kuyapaypam atacamarquntsik.

Tsaymi soldäduntsikkunawan autoridänintsikkunapis cällikunachö llakikur pasaypa waqaykäyan.

8Pipis manana puriptinmi nänikunapis tsunyaykan.

Mana atacamänantsikpä awnirkamarnintsikpis manam cumpliyantsu.

Testïgukunapa lädunchö awniyanqantapis manam cäsuyantsu.

Manam runa mayintapis respitayantsu.

9Pasaypa llakikuywanmi kay patsapis antsa kaykan.

Líbano muntipis penqakuywanmi tsakiykan.

Sarón pampapis tsunyaqmanmi tikrashqa.

Basán jirkawan Carmelo jirkapis chipyaqmi tsunyaykan.

10Asiria runakunatam Tayta Dios nin:

<

11Qamkunapa yarpaynikikunaqa tsaki päjanöllam.

Llapan rurayanqaykipis trïgu päjanöllam.

Tsaymi päjata nina ushaqnö qamkunatapis ushakätsiyäshayki.

12<

Tsakishqa kashata nina uchpayanqanyaq ushanqannömi ushakätsiyäshunki.

13Karuchö täraqkuna, ruranqäkunapä parlayanqanta wiyayay.

Cercachö täraqkuna, poderösu kanqäta musyayay>>.

14Siónchö jutsayuq runakunam pasaypa mantsakashqa kaykäyan.

Diosta mana cäsuqkunam pasaypa mantsarir niyan:

<

Imaypis lunyaypa lunyar ninanö kaykaptinqa ¿pirä salvakunman?>>

15Tsaykunapitam salvakunqa allillata ruraq runa,

rasun kaqllata parlaq runa,

pipa imantapis mana qechuq runa,

Mana chaskipakuq runa,

wanutsinanpä niyaptinpis mana awniq runa,

y mana alli ruraykunapita witikuq runa.

16Tsaynö kawaq runaqa kay patsachö allim kawanqa.

Qaqachö rurashqa wayiman amparakuqnömi kanqa.

Tsay runataqa manam imapis päsanqatsu.

Paypaqa mikuyninpis ni yakunpis manam pishinqatsu.

17Poderyuq chipipiykaq reytam rikashun.

Nacionnintsikpa lindërunkunapis mas karuyaq kaykaqtam rikashun.

18Tsaymi mantsatsimaqnintsik y chikimaqnintsikkunapä yarpaskir nishun:

<

Chikimaqnintsik soldädukunapis törrintsikkunata manam rikayannatsu>>.

19Tsay chikimaqnintsik jäpa runakunaqa mana tantiyanqantsik idiömapam parlayan.

Paykunaqa valienti tukurmi pitapis respitayantsu.

Tsay runakunataqa manam rikashunnatsu.

20Tsaypa rantinqa Diosta alabana fiestata Siónchö ruraykaqtam rikashun.

Jerusalénchö runakuna allilla kawaykaqtam rikashun.

Estäcankuna mana sutakaptin y wataraq waskankuna mana rachikaptin puritsina toldu següru kanqannömi Jerusalén markapis següru kanqa.

21Tsaychömi Tayta Dios musyatsimäshun poderösu kanqanta.

Jerusalén kuchunpa jatun mayu tumaypa tsaparaqnömi kanqa.

Tsaymi contrantsikkuna atacayta munarpis puëdiyanqatsu.

22 Tayta Diosmi jueznintsik.

Tayta Diosmi leykunata entregamarquntsik.

Tayta Diosmi mandamaqnintsik rey.

Paymi chikimaqnintsikkunapita tsapämäshun.

23 Büquipa mastilninpita waskakuna paskakaptin aywayta mana puëdinqannömi contrantsikkunapis kayanqa.

Vientu tanqananpä büquipa vëlan mana mashtakaptin aywayta mana puëdinqannömi kayanqa.

Tsaymi chikimaqnintsikkunata vinciskir imaykankunatapis rakipanakushun.

Weqrukunapis paykunapa imaykankunatam apayanqa.

24Siónchö täraqkunataqa llapan jutsankunapitam Tayta Dios perdonanqa.

Tsaychö täraq runaqa manam mayqanpis <> ninqatsu.