Isaías 41 - Bible in Quechua of South Conchucos（qxo）

Israel runakunata yanapananpä ninqan

1Tayta Diosmi nirqan:

<

Maytsay nacionkunachö täraq runakuna, valurayay.

Defiendikuyänaykipä shayämuy.

Qamkunata juzganäpä qorikäyämuy.

2<¿Manaku tantiyayanki poderyuq kananpä tsay reyta noqa churanqäta?

Tsaymi wakin nacionkunata y reykunatapis makinchö tsararan.

Espädanwanmi runakunata chipyaq ushakätsin.

Flëchaptinmi runakuna wakpa kaypa päjanöpis mashtakäyan.

3Contrankunata qatikacharmi pärirrä aywan.

Qatikacharnin imaypis mana purinqan nänipam mana mantsariypa aywan.

4<

¿Manaku tantiyayanki qallananpita pï permitinqanta?

Noqa Tayta Diosmi qallanan y ushanan kä.

5<

Maytsay nacionkunachö täraqkunapis tsuktsukyäyanmi.

Pelyayänanpämi qorikäyan.

6Mana mantsariyänanpämi kikinpura animatsinakuyan.

7Ïduluta ruraq runapis qellaywan enchapaq runatam animatsin.

Martilluwan takaqpis yunkichö takaqtam animatsir nin: <¡Allitam rurarquyki!>

Rurayta ushaskirmi ïdulu mana kuyunanpä clävuwan sigurayan.

8<

Qamkunata noqam akrarqü.

Qamkunaqa amïgü Abrahampita miraqmi kayanki.

9May karupitam qamkunata qorimurqü.

Maytsaychö kaykaqtam qayamurqü.

Qamkunatam nirqä:

Akranqä kayaptikim dëjayäshaykitsu>.

10Qamkunawan kaykaptïqa ama mantsariyaytsu.

Diosniki kaykaptïqa ama llakikuyaytsu.

Kallpaykikuna kananpämi imaypis yanapashayki.

Derëcha kaq makïwanmi imaypis jancharäshayki.

11<

Achäquita ashipäshuqnikikunaqa chipyaqmi ushakäyanqa.

12Guërrata rurar atacayäshuqnikikunataqa manam pipis yarpanqatsu.

Paykunata ashirpis manam tariyankitsu.

13 Tayta Diosniki karmi qamkunata makipita jancharaykä.

Tsaymi nï: .

14<

Wallkaqlla karpis ama llakikuyaytsu.

Noqam qamkunata yanapayäshayki.

Israel runakunapa santu Diosnin karmi salvayäshayki.

15Alli afilashqa atska kiruyuq trilladöranö kayänaykipämi qamkunata churarqü.

Jirkakunata trillarmi allpallatana jaqiyanki.

Jirkankunatapis trillarmi päjallatana dëjayanki.

16Jurquitawan jitayaptikim tsay päjata vientu apanqa.

Shukukuy shamurmi wakpa kaypa mashtanqa.

Qamkunata tsaynö yanapaptïmi pasaypa kushikuyanki.

Israel runakunapa santu Diosnin kaptï kushishqam alabayämanki.

17<

Noqa Tayta Diosnin karmi mañakayämaptin yanapashä.

Israel runakunapa Tayta Diosnin karmi jaqishätsu.

18Yaku mana kanqan jirkakunachöpis mayukunatam yuritsimushä.

Qechwa pampakunachöpis pukyukunatam pashtatsimushä.

Tsunyaq jirkakunatapis sinigamanmi tikratsishä.

Yaku mana kanqanpapis mayunörämi yaku aywanqa.

19Tsunyaq jirkakunamanmi cedru, acacia, arrayán y olïvuskunata plantashä.

Tsaki jirkakunachömi ciprés, pïnu y abëtu qerukunata wiñatsimushä.

20Tsayta rikarmi pïmaypis noqa ruranqäta tantiyayanqa.

Tsaynöllam tantiyayanqa Israel runakunapa santu Diosnin kanqäta>>.

Tayta Dios rasunpa Dios kanqan

21Jacobpita miraqkunapa mandaqnin rey Tayta Diosmi nin:

<<Ïdulukuna kawaq kaptinqa defiendikuyänanpä mä apayämuy.

Imata kamayanqantapis mä niyämätsun.

22Shamuq watakunachö imanö kananpä kaqtapis mä willayämätsun.

Unay watakunachö ima kanqantapis qallanqanpita willayämätsun.

23Rasunpa Dios kanqan musyakänanpä waray warantinkuna ima päsananpä kanqantapis mä willayämätsun.

Imallatapis allita mana allitapis mantsakaypä kaqkunata mä rurayätsun.

24Ïdulukunaqa manam ima ruraytapis puëdiyantsu.

Manam imapäpis välintsu.

Ïdulukunaman yärakuqkunaqa noqapä pasaypa melanaypämi kayan.

25<

Paymi norti lädupa shamunqa.

Manka ruraq runa mituta jaruqnömi reykunatapis chipyaq ushakätsinqa.

26Tsay runa shamunanpä kanqanta manam mayqan ïdulupis willakushqatsu.

Unaypita rasunpa willakushqa kaptinqa tsay ïdulu musyaq kanqantam tantiyashwan karqan.

Manam imaypis willakushqatsu.

Manam ni mayqanpis musyatsishqatsu.

27< runakunata yanapanäpä kanqäta noqaqa mas puntatam willakatsirqä.

Tsay willakuytam Jerusalénman willakatsirqä.

28Mayjina ashirpis manam mayqan ïdulutapis noqanö willakatsiqta tarïtsu.

Ïdulukunaqa tapuptïpis manam imatapis parlayantsu.

29Ïdulukunaqa manam Diostsu.

Ima ruraytapis manam puëdiyantsu.

Ïdulukunaqa manam imapäpis väliyantsu>>.