1 Crónicas 28 - Bible in Quechua of South Conchucos（qxo）

Templuta imanö arutsinanpäpis rey David tantiyatsinqan

1Tsaypitanam Jerusalénman David qayatsirqan llapan mandayiqninkunata, cada trïbupa mandaqninkunata, soldädukunapa capitanninkunata, waranqa (1,000) soldädukunapa mandaqninkunata y pachak (100) soldädukunapa mandaqninkunata. Tsaynöllam qayatsirqan Davidpa y tsurinkunapa chakrankunachö arutsiq capatazninkunata, Davidpa y tsurinkunapa ashmankunata mitsitsiqkunata, yanapaqninkunata y mas valienti kaq soldädukunatapis.

2Llapan qorikaskiyaptinnam rey David ichirkur nirqan: < Pactu Babulnin imayyaqpis churaränanpä y Tayta Dios tänanpä templuta shäritsiyta munarmi llapanta alistarqü.

3Tsaynö alistaykaptïmi Tayta Dios nimashqa: .

4< llapan trïbu Israel runakunapa mandaqnin rey kanäpä akramashqa. Puntataqa Judá trïbutam akrashqa. Tsaypitam papänïpa castanpita y wawqïkunapita noqata akramashqa.

5< bendicionninwanmi tsurïkuna atska kaykäyan. Paykunapitanam tsurï Salomónta Tayta Dios akrashqa wanukuptï Tayta Dios mandanqan Israelchö rey kananpä.

6Tayta Diosmi nimashqa:

7Mandamientükunata y leynïkunata kanan cumplinqannölla cumpliptinqa paypita miraqkunallam rey imaypis kayanqa>.

8< rikaykämashqam llapaykikuna qorikashqa kaykaqta nï: Tayta Diospa llapan mandamientunkunata mana qonqaypa cumpliyay. Tsaynöpam kay nacionnintsik imayyaqpis qamkunapä y tsurikikunapä kanqa.

9< musyanmi shonquntsik imata yarpanqantapis. Tsaynö kaykaptinqa llapan shonquykiwan y llapan voluntänikiwan payta cäsuy. Payta ashirqa tarinkim. Payta dëjaptikiqa qamtapis dëjashunkim.

10Qamtam Tayta Dios churashurquyki täkunan templunta arutsinaykipä. Tsaynö kaykaptinqa ras arutsir qallatsiy>>.

11Tsaypitam tsurin Salomónta David entregarqan templuta imanö arutsinanpäpis ruranqan plänuta. Tsay plänuchömi kaykarqan templuman yaykunan patiuta imanö ruratsinanpä, patiu lädunchö kaykaq wayikunata imanö ruratsinanpä, imaykatapis churakuna wayikunata imanö ruratsinanpä, altuschö jatun cuartukunata imanö ruratsinanpä, patsachö kaq cuartukunata imanö ruratsinanpä y Lugar Santïsimuta imanö ruratsinanpäpis.

12Tsaynöllam plänuta entregarqan templupa patiunkunata y templupa patiun kuchunkunachö kaykaq cuartukunata imanö ruratsinanpä, tesörukunata churayänanpä kaq cuartukunata imanö ruratsinanpä y Tayta Diospä ofrenda apayanqankunata churayänanpä kaq cuartukunata imanö ruratsinanpäpis.

13Tsaynöllam tsurin Salomónta rey David tantiyatsirqan sacerdötikuna y levita runakuna templuchö imata rurayänanpä y templuchö kaq sagrädu manëjukunata imanö manijananpäpis.

14Templupa manëjunkunata ruratsinanpä qorinqan qoritapis y yuraq qellaytapis tsaytsikatam Salomónta entregarqan.

15Candelërukunata y mechërukunata ruratsinanpäpis qorita y yuraq qellayta tsaytsikatam entregarqan. Ayka pësananpä kanqantapis calculaskirmi alistaparqan.

16Mësakunata ruratsinanpäpis qorita y yuraq qellayta pësaypam entregarqan. Tsay mësakunam qaqätsiyllapa sagrädu tantakunata churayänanpä karqan.

17Trinchikunata, tazonkunata y uyllukunata ruratsinanpäpis qorita y qellaytam entregarqan.

Väsukunata ruratsinanpäpis cada ünu ayka pësananpä kanqanta calculaskirmi qorita y yuraq qellayta alistaparqan.

18Inciensiuta qoshnitsikuna altarta ruratsinanpäpis allin kaq qoritam alistaparqan.

Tsaynöllam qorita alistaparqan Tayta Diospa carrëtanta ruratsinanpä. Paypa carrëtanqa querubinkunam kayarqan. Tayta Diospa Pactu Babulnin jananpam tsay querubinkunapa älankuna mashtashqa kaykäyarqan.

19Tsaypitanam tsurin Salomónta David nirqan: < rikatsimanqannölla. Plänuchö dibujashqa kaykaqtanölla llapantapis ruratsinki>>.

20Mastam tsurin Salomónta David nirqan: < mana dëjaypa yanapashunki.

21Templuchö trocanakuypa aruyänanpämi sacerdötikuna y levita runakuna kaychö kaykäyan. Artesänukunapis yanapayäshunaykipä kaychömi kaykäyan. Llapan mandaqkunapis y wakin runakunapis yanapayäshunaykipä listum kaykäyan>>.