Proverbios 2 - Bible in Quechua of South Conchucos(qxo)

Yachaq kar alli kawanantsikpä ninqan

1Hïju, ninqäkunata shumaq cäsukuy.

Mandamientükunata imaypis yarparay.

2Yachaq kanaykipä cäsukuy.

Alli yarpayyuq kanaykipä yarpachakuy.

3Cäsukuq kanaykipä llapan shonquykiwan mañakuy.

4Qellayta y qorita ashinqaykinö yachaq kayta ashiy.

5Tsaynöpam Tayta Diosta reqir payta mantsapakunaykipä tantiyakunki.

6Yachaq kanaykipäqa Tayta Diosmi yachayta qarashunki.

Paypitam tantiyaytapis yachaytapis chaskinki.

7Pay munanqannö kawaqkunataqa imapitapis tsapanmi.

Allita rurar kawaqkunataqa yanapanmi.

8Payta cäsuqkunataqa imaypis cuidanmi.

Payllaman yärakuqkunataqa imaypis rikanmi.

9Tsaynöpam alli kaqta y mana alli kaqtapis tantiyanki.

Tsaynöllam alcäbulla kanki alli kaqkunata ruranaykipä.

10Shonquykichö yachay kaptinmi kushishqa kawanki.

11Yachaq karqa llutan ruraykunata manam rurankitsu.

Tantiyakuq kaynikim mana alli ruraykunapita tsapäshunki.

12Yachaq kaykarqa manam jutsata rurankimantsu ni engañakuq runakunatapis criyinkimantsu.

13Tsay runakunaqa allita rurayänanpa rantinmi mana alli ruraykunallaman uman churakashqa kaykäyan.

14Jutsata rurarpis pasaypam kushikuyan.

Mana allita ruraykurpis taqllapänakuyanrämi.

15Imaypis llutanta rurallarmi puriyan.

Allita rurayänanpa rantinmi manakaqkunata rurar kawayan.

16Yachaq kaykarqa runanta engañaq warmipitapis witikunki.

Alli shimillanpa parlapäshuptikipis ama cäsunkitsu.

17Tsay warmiqa jipashllarä kaykar täyanqan runantapis jaqiriykurmi munanqanchö purikun.

Tsaynö karmi runanta imaypis respitananpä Tayta Diosta awniykarpis qonqaskin.

18Tsay niraq warmiwan purirqa wanuytam tarinki.

19Tsay warmiwan kakuqkunaqa imaypis alli kawayta manam tariyanqatsu.

20Hïju, Tayta Dios munanqannö kawaq runakunata rikarnin paykunanö kaway.

21Jutsata mana ruraq runakunaqa Tayta Dios entreganqan nacionchö atska watam tranquïlu kawayanqa.

22Peru mana alli runakuna y Diosta awnirkur mana cumpliqkunam sïqa illaqpita wanuyanqa.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help