1 Samuel 17 - Bible in Quechua of South Conchucos（qxo）

Israel runakunata Goliat wajupanqan

1Tsaypitanam filisteo soldädukuna Soco markachö Israel runakunawan pelyayänanpä qorikäyarqan. Tsaymi Efes-damimchö campamentunkunata rurayarqan. Efes-damimqa Soco y Azeca markakunapa lindërunchömi karqan. Socuqa Judá trïbu runakuna täyanqan kaqchömi karqan.

2Rey Saúlnam Israel nación soldädukunawan Ela pampaman qorikäyarqan filisteo runakunawan pelyayänanpä.

3Filisteo runakunapa campamentunkunam wak tsimpa jirkachö karqan. Y Israel runakunapa campamentunnam kay tsimpa jirkachö karqan. Ishkan jirkakunapa chawpinchömi juk pampa karqan.

4Filisteo soldädukunapa campamentunpitam juk soldädu cäsi kimsa metru tamäñu yarqamurqan. Jutinnam karqan Goliat. Payqa Gat markapitam karqan.

5Goliatpaqa cascunpis chalëcunpis broncipitam karqan. Tsay chalëcuqa pitsqa chunka pitsqa (55) kïlum lasarqan.

6Tsaynöllam jenqash tsapaqninpis lanzanpis broncipita karqan.

7Lanzanpa chakinpis telarpa awa qorikunannö rakum karqan. Tsay lanzanpa puntanchö fiërruqa joqta kïlum pësarqan. Pelyaq aywaptinnam yanapaqninpis escüdun aptashqa puntanta aywaq.

8Tsaychö Israel soldädukunata wajuparmi Goliat nirqan: <<¿Imapätä pelyaq atskaq shäyämurquyki? Noqaqa filisteo runam kä. Qamkunaqa Saúlpa sirviqninmi kayanki. Noqawan pelyananpä allin kaq chöluta mandayämuy.

9Qamkunapa soldäduyki vincimaptinqa llapäkunam podernikikunachö kayäshä. Noqa vinciptïqa qamkunam noqakunapa podernïkunachö kayanki.

10Israel soldädukuna, qamkunatam kanan junaq nï: ¡Alli chölu karqa mayqaykipis pelyaq shayämuy!>>

11Filisteo runa tsaynö ninqanta wiyaykurmi Saúl y llapan Israel runakuna pasaypa mantsariyarqan.

Soldädukuna juntaraykäyanqanman David chanqan

12Saúl mandanqan witsanmi Belénchö juk ruku Isaí jutiyuq tarqan. Paypam puwaq tsurinkuna karqan. Juk tsurinpa jutinmi karqan David.

13Isaípa kimsa kaq mayor tsurinkunapa jutinkunam karqan Eliab, Abinadab y Sama. Paykunaqa poqushqa jövinna karmi Saúlwan guërraman aywayarqan.

14Davidqa ñuñush kaq tsurinmi karqan. Kimsa kaq mayor tsurinkunam Saúlwan guërraman aywashqa kayarqan.

15Davidnam Saúl kaqman imaypis aywaq wawqinkunata watukaq. Tsaypitam Belénman kutiq papäninpa üshankunata mitsinanpä.

16Goliatnam chusku chunka (40) junaq wäraypapis tardipapis achäquita ashipaq.

17Juk junaqmi tsurin Davidta Isaí nirqan: <

18Tsaynölla soldädukunapa capitanninpä chunka quësukunata apay. Wawqikikuna alli kaykäyanqanta musyanäpä imallankunatapis apamunki.

19Paykunam Saúlwan y Israel mayinkunawan Ela pampachö kaykäyan filisteo runakunawan pelyayänanpä>>.

20Papänin tsaynö niptinmi Davidqa waraynin wäray tsaka tsakalla üshankunata paytakuskir wawqinkunapä mikuyta apar aywarqan. Chänanpämi Israel soldädukuna filisteo soldädukunawan pelyayänanpä büllata rurar yarquykäyänä.

21Tsaymi Israel soldädukunawan filisteo soldädukuna frenti frenti churanakuyarqan.

22Tsayman David chaykurmi täpakuqta qepinta paytakuykur soldädukuna kaqman cörrilla aywarqan wawqinkuna imanö kaykäyanqantapis rikaq.

23Wawqinkunawan David parlaykaptinmi filisteo soldädukunapita Goliat yarqamurqan. Imaypis achäquita ashipanqannölla Israel soldädukunata achäquita ashipanqantam David wiyarqan.

24Goliatta rikaykurmi Israel soldädukuna pasaypa mantsarir campamentunkunaman qeshpiyarqan.

25Tsaychömi Davidta niyarqan: <<¿Rikarquykiku achäqui ashipämaqnintsik runa manakaqman churamanqantsikta? Pipis tsay runata vinciq kaqtaqa rey Saúlshi imaykatapis alistapanqa. Tsaynöllash warmi tsurinwan casaratsinqa y castankunatapis manash impuestuta cobranqanatsu>>.

26Tsay niyanqanta wiyaykurmi tsaychö kaykaq wakin runakunata David tapurqan: <<¿Imatä kanqa Israel runakunata achäqui ashipaq filisteo runata wanutsiqpäqa? ¡Pitä tsay jutsasapa runa imayyaqpis kawaq Tayta Diospa soldädunkunata achäquita ashipar manakaqman churananpä!>>

27Tsaymi puntata niyanqannölla soldädukuna Davidta yapay niyarqan.

28Runakunawan David tsaynö parlaykaqta wiyaykurmi mayor wawqin Eliab rabyarnin nirqan: <<¡Imaqtä kayman shamurquyki! Jirkachö wallkalla üshantsikta ¡piwan dëjaykurtä shamurquyki! Musyämi malgeniu kaynikiwan llutanta yarpar pelya rikäkuq shamunqaykita>>.

29Tsaymi David nirqan: <<¿Imatatä mana allita rurarqü? ¿Mananaku imallatapis parlarküman?>>

30Tsaynö nirmi wawqinpita jukläman witiykur wakintapis tapukur nirqan: <>

Tsaynö tapukuptinmi wakinkuna niyanqannölla paykunapis niyarqan.

31Tsaynö tapukunqanta willayaptinmi Davidta Saúl qayatsirqan.

Goliatta David wanutsinqan

32Tsaymi Saúl kaqman aywaykur David nirqan: <>.

33Tsaynö niptinmi Saúl nirqan: <>.

34Tsaynö niptinmi David nirqan: <

35taripaykur shiminpitapis qechuq kä. Tsaychö tikrapämaptinpis quijädapita tsariykurmi maqaykar wanutsiq kä.

36Imayyaqpis kawaq Tayta Diospa soldädunkunata taqay jutsasapa filisteo runa achäquita ashipar manakaqman churanqanpitam leonta y ösuta wanutsinqänölla paytapis wanutsishä.

37Leonpita y ösupita Tayta Dios salvamanqannöllam taqay filisteo runapa makinpitapis salvamanqa>>.

Tsaymi Saúl nirqan: < yanapaykulläshuy>>.

38Tsaynö nirmi broncipita rurashqa cascuta y chalëcuta Davidta jatitsirqan.

39Tsaypitanam espädata tseqllanman jatikurkur Davidqa puriyta qallaykurqan. Puriyta mana puëdirmi Saúlta nirqan: <>.

Tsaynö nirmi llapan jatitsinqankunata llushtiskirqan.

40Tsaypitam raqrapita pitsqa qollushkunata bolsanman wiñarkur tukruntawan warakanta aptakurkur Goliatwan pelyaq aywarqan.

41Tsaynö aywaptinmi Goliatpis Davidwan pelyananpä yarqamurqan. Goliatpa puntantanam yanapaqnin escüdun aptashqa yarqurqan.

42Kuyayllapä jövin kanqanta rikarmi Davidta manakaqman churar

43Goliat nirqan: <<¿Allqu kanqätaku yarpanki tukruykiwan shamunaykipä?>>

Tsaynö nirmi diosninkunapa jutinkunachö Davidta maldicionarqan.

44Tsaymi nirqan: <<¡Mä, runa karqa shamuy! ¡Kanan wanuskatsirmi wiskurkuna y munti ashmakuna mikuyäshunaykipä jitaskishayki!>>

45Tsaynö niptinmi David nirqan: < yärakur shamurqü. Paytam manakaqman churarquyki.

46Kananmi Tayta Dios makïman churamushurquyki wanuskatsirniki kunkaykita roqunäpä. Tsaynöllam soldädu mayikikunapa ayankunapis wiskurkunawan munti ashmakuna mikuyänanpä jitaranqa. Tsaynöpam maytsaychöpis runakuna musyayanqa Israel runakunata yanapaq Tayta Dios llapanpä munayyuq kanqanta.

47Tsaynöllam kaychö qorikashqa kaykaq runakuna musyayanqa espädaynaqlla lanzaynaqlla Tayta Dios yanapamaptin vincinqäta. Tayta Dios favornïkuna karmi qamkunata ushakätsiyänäpä makïkunaman churayämushurquyki>>.

48Davidta atacananpä Goliat aywaptinmi Davidpis cörrilla aywarqan atacananpä.

49Bolsanpita rumita jipiskirmi juk makilla Goliatta urkunchö warakaskirqan. Tsaymi urkunchö rumin jatipakushqa uksikaypa patsaman ishkiskirqan.

50Espädan mana kaykaptinpis juk warakayllachömi filisteo runata David wanuskatsirqan.

51Ishkiskiptinnam Davidqa cörrilla aywar Goliatpa espädanta jipiskir tsay espädawan wanuskatsirqan. Tsaypitanam kunkanta roqurir umantapis jipirqan.

Filisteo soldädukunata vinciyanqan

Allinnin kaq soldädunta wanutsinqanta rikaykurmi filisteo soldädukuna qeshpir aywakuyarqan.

52Tsaymi Israel y Judá soldädukuna büllata rurarnin Gat y Ecrón markakunayaq qati qatiykur wanutsiyarqan. Tsaymi Saaraimpita hasta Gat y Ecrón markakunaman aywaq nänikunachö filisteo soldädukunapa ayankuna jitaräyarqan.

53Qatikachäyanqanpita Israel runakuna kutiykurmi filisteo runakunapa campamentunpita imaykankunatapis apakuyarqan.

54Davidnam Goliatpa armankunata kikinpa toldun rurinman churarqan. Peru Goliatpa umantam sïqa Jerusalénman aparqan.

55Filisteo runata David wanutsiq aywaptinmi soldädukunapa capitannin Abnerta Saúl tapurqan: <<¿Pitä tsay jövinpa papänin?>>

Abnernam nirqan: <>.

56Tsaymi Saúl nirqan: <>.

57Goliatpa umanta janchashqa David kutiykämuptinmi Abner pusharqan Saúl kaqman.

58Saúlnam Davidta tapurqan: <>

Davidnam nirqan: <>.