Salmo 85 - Bible in Quechua of South Conchucos（qxo）

Salmo 85 (84)Israel runakunata yanapananpä mañakunqan 1 (1) Cantaqkunapa mandaqninpämi. Corépita miraqkuna qellqayanqan salmu.

1 1 (2) Tayta Dios, qammi nacionnikita kuyaparquyki.

Jacobpita miraq runakunata yapaymi yanaparquyki.

2 2 (3) Kuyanqayki runakuna jutsata rurayanqantam llapanta perdonarquyki. Selah

3 3 (4) Pasaypa rabyaynikipis päsashqanam.

4 4 (5) Salvamaqnï Tayta Dios, kananpis yapay salvaykayällämay.

Amana rabyashqa kaykullaytsu.

5 5 (6) ¿Tsaynöllatsurä imayyaqpis noqakunawan rabyashqa kanki?

6 6 (7) ¿Manatsurä alli kawayänäpä yanapaykayämankiman?

Tsaynöpam yapay kushikuyäshä.

7 7 (8) Tayta Dios, kuyayämanqaykita tantiyaykatsiyällämay.

¡Yapay salvaykayällämay!

8 8 (9) Noqaqa Tayta Dios ninqantam cäsushä.

Paymi kuyanqan kaqkunata yanapanqa jutsata mana rurar pïmaywanpis alli kawayänanpä.

9 9 (10) Payta mantsapakushqam noqantsikwan kaykan salvamänantsikpä.

Kikinmi nacionnintsikchö imayyaqpis täranqa.

10 10 (11) Tayta Diospa kuyakuynin y yanapakuyninmi juntu shamunqa.

Alli kawaynin y salvacionninmi makallanakushqa chäyämunqa.

11 11 (12) Yanapakuyninqa muru jeqamuqnömi patsapita jeqamunqa.

Salvacionninqa ciëlupitam rikakämunqa.

12 12 (13) Tayta Diosmi yanapamäshun alli kawanantsikpä.

Chakrantsikkunachöpis mikuykuna allim wayunqa.

13 13 (14) Salvacionninqa willakuqnömi puntanta aywanqa.

Willakuyninqa alli nänipam pushamäshun.