1 Crónicas 22 - Bible in Quechua of South Conchucos（qxo）

1Tsaymi David nirqan: < templunta kaychö shäritsishun. Israel runakuna sacrificiuta rupatsiyänanpä altartapis kaychö pirqashun>>.

Templuta arutsinanpä David alistanqan

2Tsaypitanam Tayta Diospa templunta shäritsinanpä rey Davidqa rumikunata llaqllatsirqan. Rumikunata llaqllayänanpämi Israel nacionchö täraq jäpa runakunata qayatsirqan.

3Tsaynöllam fiërrutapis tsaytsikata qoritsirqan clävukunata ruratsinanpä y punkukunapa bisagrankunata ruratsinanpä. Tsaynöllam broncitapis tsaytsikata qoritsirqan.

4Cedru qerutapis tsaytsikatam templupä qoritsirqan. Tsay qerukunaqa Sidónchö y Tiruchö täraq runakuna apayämunqanmi karqan.

5Llapanta David alistarqan kaynö yarparmi: < templunqa wakin nacionkunachö kaq templukunapitapis mas kuyayllapä katsun. Kuyayllapä kanqanta maytsaychöpis runakuna parlayätsun. Tsurï Salomón wamrallarä kaptinmi llapan munanqankunatapis alistashqallatana jaqishä kuyayllapäta shäritsinanpä>>.

Tsay yarpaywanmi David manarä wanur llapantapis alistarqan.

6Tsaynö alistayta ushaskirmi Israel runakunata kuyaq Tayta Diospa templunta shäritsinanpä tsurin Salomónta yätsir

7nirqan: <

8Tsaynö yarpaptïmi Tayta Dios nimarqan:

9Peru tsurikim sïqa piwanpis mana pelyaq y mana rimanakuq kanqa. Tsaynöllam payta tsapäshä contran nacionkuna mana atacayänanpä. Israel runakuna kushishqa y tranquïlu kawayänanpä yanapaptïmi paypa jutin kanqa Salomón.

10Paymi sïqa templüta shäritsinqa. Payqa tsurïnömi kanqa. Noqanam papäninnö kashä. Paypita miraqkunam Israel nacionchö imayyaqpis rey kayanqa>.

11< yanapaykushunki awninqannölla templunta shäritsinaykipä.

12Tsaynöllam tantiyayta y yachayta qaraykulläshunki Israel nacionpa mandaqnin rey kaykar leyninkunata cumplinaykipä.

13Tsay leykunata y mandamientukunatam Moisésta Tayta Dios entregarqan Israel runakunata yachatsinanpä. Qampis mandamientunta cumplirqa allim kawanki. Valorta tsariy. Ama mantsariytsu ni qelanaytsu.

14< templunta shäritsinaykipä alistarqü kimsa millón kimsa pachak waranqa (3,300,000) kïlu qorita y kimsa chunka kimsa millón (33,000,000) kïlu qellayta. Broncitapis fiërrutapis pësaytapis mana puëdiypätam qoritsirqü. Tsaynöllam alistarqü qerutapis rumitapis. Tsaykuna faltaptinqa qamnam cumplitatsinki.

15Tsaynöllam podernikichö kaykan rumi llaqllaqkuna, albañilkuna, carpintërukuna y ima ruraytapis alli yachaq runakuna.

16Paykunam qoripita, qellaypita, broncipita y fiërrupita imayka adornukunata rurayta yachayan. Tayta Dios yanapaykäshuptikiqa ras arutsir qallaykatsiy>>.

17Tsaypitanam Salomónta shumaq yanapayänanpä Israel runakunapa mandaqninkunata rey David yätsir nirqan:

18< qamkunata allim yanapaykäyäshunki entëru Israel nacionchö tranquïlu kawayänaykipä. Noqatapis allim yanapamashqa contrantsikkunata vincinäpä. Tsaynö vinciptïmi contrantsik nación runakuna podernintsikchö y Tayta Diospa poderninchöna kayan.

19Kananqa llapan shonquykikunawan y llapan voluntänikikunawan Tayta Diosnintsikta ashiyay. Tsaynölla templunta ras shäriskatsir Tayta Diospa Pactu Babulninta y sagrädu manëjukunatapis templunman churayay>>.