1Tsaynö niptinmi Job nirqan:
2< Kushikatsiyämänaykipa rantin masmi llakikatsiyämanki. 3¡Imayyaqrä manakaqkunallata parlayanki! ¿Imachötä wajuparqü tsaynö niyämänaykipä? 4< Asikurmi imaykatapis shimï tarinqanta parläman. 5Peru tsaynö parlanqäqa manam allitsu kanman. Parlaparqa shumaqmi animatsïman. Mana llakikuyänaykipämi alli shimillapa tantiyatsïman. 6< 7Tayta Diosmi kallpäta ushakätsishqa. Llapan amïgükunatapis wakpa kaypam qarqushqa. 8Cärä awshayanqanta y pasaypa uyutanqätam pïmaypis rikaykan. Kaynö ñakaykaqta rikamarmi jutsata ruranqäpita ñakaykanqäta yarpäyan. 9< Rabyarmi mana kuyapaypa ñakatsiman. Kachkachyayparämi rabyaykun. Chikimaq runanömi nanaq ñawinpa rikapaykäman. 10Tsaymi runakuna qorikaykur conträ parlayan. Tsaynöllam asipäyämar laqyayäman. Llapanpis conträmi shäriyashqa. 11Mana alli runakunapa poderninmanmi Tayta Dios churamashqa. Jutsa ruraq runakunapa makinmanmi churamashqa. 12<<Ñöpataqa allim kawarqä. Tsaynö kaykaptïmi Tayta Dios illaqpita ñakayman churamashqa. Kunkapita llapiraqnömi ñakaykätsiman. Flëchawan flëchamaqnömi atacaykäman. 13Flëchaqninkunawanmi wakpita kaypita flëchatsiman. Mana kuyapaypam rurunnïkunatapis tuksimashqa. Ayaqnïtapis pashtarmi patsaman jichashqa. 14Kutin kutinmi Tayta Dios ñakatsimashqa. Contranta atacaq soldädunömi mana kuyapaypa atacamashqa. 15< Nanaywan qoshpaptïmi umämanpis allpa juntashqa. 16Pasaypa waqaptïmi ñawïpis pukayar jakashqa. 17Llapan tsaykunam päsaykäman pitapis mana ñakaykätsiptï y llapan shonqüwan Tayta Diosta mañakuykaptï. 18<<¡Ay patsallay patsa! ¡Yawarnïta ama tsapaykullaytsu! ¡Kaynö ñakanqäta pïmaypis musyaykuyällätsun! 19< Paymi sïqa yanapamanqa. 20Amïgükuna conträ shäriyaptinpis Tayta Diosta waqaparmi payman yärakü. 21Favornin parlaqta juk runa munanqannömi noqapis favornï parlaqta munä. 22Noqaqa juk ishkay watallanam kawashä. Imaypis mana kutimuqmi aywakushä.
Who We AreWhat We EelieveWhat We Do
2025 by iamachristian.org,Inc All rights reserved.
