Job 5 - Bible in Quechua of South Conchucos（qxo）

1<<¡Job, pillapis yanapashunaykipä jinchipa qayakuy!

Mä pillaqa wiyashunkikush.

Yanapashunaykipä manam ni angelpis kantsu.

2Rabyashqa y qallayashqa karqa manaräpis aykätam wanunki.

Mana tantiyakuq runakunallam tsaynö kawayan.

3<

Peru maldicionädu kaptinmi imaykanpis chipyaq ushakan.

4Tsay runapa tsurinkunata pipis manam yanapantsu.

Autoridäkunapis paykuna quejakuyanqanta manam cäsuyantsu.

Pipis manam janan shärintsu.

5Kashawan chakran mayjina qenchashqa kaptinpis pobrikunam murukuyninta apakuyan.

Llapan imaykantam waktsakuna chipyaq ushayan.

6<

Allita rurarqa manam ñakantsu.

7Chispa saltaptin vientu imaypis apanqannömi runapis imaypis ñakan.

8<

Allïtsimänanpämi payta rugaküman.

9Milagrukunata ruranqantaqa manam yupaytapis puëdintsiktsu.

Mantsakaypä ruranqantaqa manam tantiyantsiktsu.

10Paymi tamyata tamyatsimur chakrakunata ushmatsin.

11Humildikunata yanaparmi llakikuykaqkunatapis animatsin.

12Astütu runa yarpanqantaqa manakaqmanmi churan.

13Yachaq kanqanta runa yarpaptinpis manam rasunpatsu yachaq kanqanta musyatsin.

Yachaq runa mana allita rurananpä yarpaptinpis kikin ñakananpämi permitin.

14Tsay runaqa junaqpa purirpis tsakaychönö purirmi imayka problëmamanpis chan.

15Pobri runataqa mana alli runakunapita Tayta Diosmi salvan.

16Tsaynö salvanqanta musyarmi ñakaqkuna kushikuyan.

Peru mana alli ruraq runakunam sïqa ima niytapis mana puëdir llakikuyan.

17<

Tsaynö kaykaptinqa llapanpä poderyuq Tayta Dios corrigishuptiki chaskikuy.

18Castigashunqaykipita qeshyaptikipis allïtsishunkim.

Corrigishunqaykipita ñakaptikipis yanapashunkim.

19Kutin kutinmi ima desgraciapitapis Tayta Dios salvashunki.

Imapis mana päsashunaykipämi tsapäshunki.

20Hambrüna chämuptinpis mallaqaypita mana wanunaykipämi yanapashunki.

Guërra kaptinpis espädawan mana wanutsiyäshunaykipämi tsapäshunki.

21Runa maldicionashuptikipis manam imapis päsashunkitsu.

Desgracia shamuptinpis manam mantsarinkitsu.

22Hambrüna shamuptinpis manam mallaqankitsu.

Desgracia kaptinpis manam ñakankitsu.

Chucaru ashmakunapis manam mantsakätsishunkitsu.

23Chakraykipis manam rumiyanqatsu.

Chucaru ashmakunapis manam fastidiayäshunkitsu.

24Wayikichöpis kushishqam kawanki.

Ashmaykikunapis manam ushakanqatsu.

25Qampita miraqkunapis atskaq karmi muntikunanörä tsaytsika kanqa.

26Rukuyarpis hörayki manarä chämuptinqa manam wanunkitsu.

27Tsaynö kanqantaqa musyantsikmi.

Tsayqa rasunpa kaqmi.

Shumaq tantiyakuy>>.