1 1 (2) Maytsaychöpis täraq runakuna, kay ninqäta shumaq wiyayay.
2 2 (3) Rïcukuna, pobrikuna, mandaqkuna y común runakunapis, kay ninqäta shumaq wiyayay.
3 3 (4) Alli yarpachakuykurmi kanan parlapäyäshayki.
Shonqüchö yarpachakunqätam kanan niyäshayki.
4 4 (5) Shumaq yachatsikuytam yachatsiyäshayki.
Arpata tukaqnöllam ima yarpanqätapis tantiyatsiyäshayki.
5 5 (6) Ama mantsarishuntsu ima desgracia päsamashqapis.
Ama mantsarishuntsu chikimaqnintsikkuna contrantsik shäriptinpis.
6 6 (7) Paykunaqa riquëzankunamanmi yärakuyan.
Imaykayuq kayanqantam alabakuyan.
7 7 (8) Tsaynö karpis wanuypitaqa manam salvakuyanqatsu.
Manam ni pipis Tayta Diosta pägantsu wanuypita salvananpä.
8 8 (9) Mayjina rïcu kaptinpis qellaynin manam aypantsu vïdanta rantinanpä.
9 9 (10) Manam ni pipis mana wanuqqa kantsu.
Runaqa ushakaqllam kaykan.
10 10 (11) Yachaq runapis upa runapis wanunmi.
Qorinqan riquëzanpis jukpänam quëdan.
11 11 (12) Atska chakrayuq kaptinpis sepultürallam wayin kanqa.
Tsaychömi imayyaqpis pamparanqa.
12 12 (13) Runaqa mayjina rïcu karpis manam para siempritsu kawan.
Ashmakunanöllam wanur ushakan.
13 13 (14) Tsaynöllam kallpankunallaman yärakuqkunapis ushakäyanqa.
Tsaynöllam allish tukuqkunapis ushakäyanqa. Selah
14 14 (15) Pishtananpä üshata qatiqnömi tsay runakunatapis wanuy qatiran.
Wanuqkuna kayanqan kaqmanmi apaykan tsaychö ushakäyänanpä.
Paykunapa wayinqa sepultürallam kanqa.
Wanuskiyaptinmi alli ruraq runakuna kushikuyanqa.
15 15 (16) Peru noqam sïqa pamparanqallächöqa ushakäshätsu.
Tayta Diosmi puntanman pushamanqa. Selah
16 16 (17) Pipis rïcuyaptin y wayinchö imaykanpis kaptin ama chikiyaytsu.
17 17 (18) Wanurqa manam imantapis apanqatsu.
Jinayllam aywakunqa.
18 18 (19) Kawanqanyaq kushishqa karpis y rïcu kanqanpita runakuna alabayaptinpis
19 19 (20) paypäpis wanuy chämunqam.
Tsaypitaqa manam ni imaypis atsikyay patsata rikanqanatsu.
20 20 (21) Runaqa mayjina rïcu karpis manam para siempritsu kawan.
Ashmakunanöllam wanur ushakan.
Who We AreWhat We EelieveWhat We Do
2025 by iamachristian.org,Inc All rights reserved.
