1Mushuq cantuta cantar Tayta Diosta alabayay.
Kay patsachö kaqkuna, Tayta Diosta llapayki alabayay.
2Tayta Diospa jutinchö cantayay.
Salvakuq kanqanpita qoyay qoyay willakuyay.
3Poderösu kanqanta llapan nación runakunata willayay.
Espantaypä ruranqankunata maytsay markakunachö willakuyay.
4Tsaynö willakuyay Tayta Dios allillata ruraq kanqanpita.
Llapan runakunapis payta alabayänanpä willakuyay.
Payqa ima diospitapis mas mantsaypämi.
5Wakin markakunapa diosninkunaqa ïdulukunallam.
Tayta Diosqa poderyuq karmi ciëlutapis kamashqa.
6Espantaypä kaqkunata ruraptinmi puntanchö pïmaypis alabayan.
Poderösu kaynin y kuyayllapä kayninmi templunchö kaykan.
7Maytsay markachö täraqkuna, Tayta Diosta alabayay.
Poderösu kanqanpita payta adorayay.
8 Tayta Diospa jutinchö adorayay.
Ofrendata apakurkur templunman aywayay.
9Poderyuq santu Tayta Diosta adorayay.
Entëru patsachö täraq runakuna puntanchö tsuktsukyäyätsun.
10Maytsay nacionkunachö täraq runakunata willayay:
<
Paymi kay patsata kamashqa mana kuyukuqta.
Paymi llapan runakunatapis favornin mana shäriypa juzganqa>>.
11Ciëlupis kay patsapis kushikuyätsun.
Lamarpis y tsaychö kaqkunapis bunyaypa bunyar kushikuyätsun.
12Chakrakunapis y tsaychö kaqkunapis kushikuyätsun.
Muntichö kaq jachakunapis kushikuyätsun.
13 Tayta Diospa puntanchö kushishqa cantayätsun.
Paymi kay patsachö juzgananpä shamuykan.
Paymi llapan nación runakunata favornin mana shäriypa juzganqa.
Who We AreWhat We EelieveWhat We Do
2025 by iamachristian.org,Inc All rights reserved.
