Job 14 - Bible in Quechua of South Conchucos（qxo）

1<

Kawanqanyaqqa pasaypam ñakan.

2Imayka wayta shushur ushakanqannöllam ushakan.

Llantuy päsanqannöllam päsaqlla kaykan.

3Tsaynö kaykaptinqa ¿imanirtä imata ruranqantapis juzganki?

4¿Pirä impüruta püruyätsinman?

Tsaynöllam runapis jutsaynaq kayta puëdintsu.

5<

Imay junaqyaq kawananpäpis qammi nirqayki.

Ayka wata kawananpä ninqaykipita mastaqa manam pipis päsantsu.

6Tsaynö kaykaptinqa tranquïlu kawananpä jaqiykuy.

Mana castigaptikiqa arupakuq runa päguta chaskir kushikunqannömi tranquïlu kawar kushikunqa.

7<

8Matsun rukuyaptin troncun ismuykanqanchöpis

9yaku chaptinqa yapaymi tseqllimun.

Rämankunapis lloqlluypa lloqllurmi wiñan.

10Runaqa wanurmi ushakan.

Wanuskiptinqa mananam imaypis rikantsiknatsu.

11Usya witsan qocha tsakir ushakanqannö y raqraman aywaq yaku tsakir ushakanqannömi

12runapis wanun.

Wanuskirqa manam imaypis kawamunqanatsu ni rikchamunqanatsu.

13<<¡Ima allirä kanman rabyayniki päsanqanyaq wanushqakunapa almankuna kaykäyanqan kaqman dëjamaptiki!

¡Ima allirä kanman tsaypita kawatsimänaykipä diyata jitapämaptiki!

14Runa wanur ¿kawamunqatsurä?

Kawamunäpä kaptinqa kay patsachö pasaypa ñakarpis tsay junaqta shuyarämanmi.

15Tsaymi qayamaptiki contestamushä.

Kamamaqnï karmi shumaq rikamanki.

16Tsayöraqa manam castigamankinatsu, sinöqa llapan mana allipitam tsapämanki.

17Imatapis jitaskir qonqaqnömi jutsätapis qonqanki.

Llutanta ruranqäpitapis perdonamankim.

18<

Jirkakunata juchutsinqaykinö,

qaqakunata partir kuchpakätsinqaykinö,

19rumita yakuwan qollushyätsinqaykinö

y alläpa tamyatsir juchutsinqaykinömi

runa yarpanqantapis ushakätsinki.

20Imayyaqpis illakänanpämi runata ushakätsinki.

Pamparanqan kaqchömi ismutsinki.

21<

Tsurinkunata ima desgracia päsaptinpis manam mayanqatsu.

22Tsaypa rantinqa nanayllatam sientinqa.

Tsaynöllam kikillanpä llakikunqa>>.