Salmo 61 - Bible in Quechua of South Conchucos（qxo）

Salmo 61 (60)Mana allikunapita tsapänanpä Tayta Diosta mañakunqan 1 (1) Cantaqkunapa mandaqninpämi. Cuerdayuq instrumentuta tukar cantayanki. David qellqanqan salmu.

1 1 (2) Tayta Dios, qayakamunqäta wiyaykallämay.

Mañakamunqäta chaskiykallämay.

2 2 (3) Manana valornï kaptinmi shonqüpis ushakaykanna.

Markäpita pasaypa karuchö karmi qamta mañakamü.

Altunnin qaqaman pakaykallämay.

3 3 (4) Qammi pakakunä törri kanki.

Qammi chikimaqnïkunapita tsapämaqnï kanki.

4 4 (5) Sagrädu tolduykichömi imaypis täkuyta munä.

Tsaychömi älaykiwan imapitapis tsapämanki.

5 5 (6) Tayta Dios, llapan awninqätam musyanki.

Qamta mantsapakuqkuna chaskiyänanpä herenciatam qarayämarquyki.

6 6 (7) Rey atska wata kawananpä yanapaykullay.

Payqa imayyaqpis kawaykullätsun.

7 7 (8) Bendicionnikiwan imaypis mandaykullätsun.

Mana dëjaypa rikaykullay.

8 8 (9) Tsaynö yanapanqaykipitam imaypis alabashayki.

Qamta llapan promitinqätapis qoyay qoyaymi cumplishä.