Salmo 121 - Bible in Quechua of South Conchucos(qxo)

Salmo 121 (120)Tayta Dios yanapakuq kanqanKay salmuqa Jerusalénman aywaqkuna cantayänanpämi.

1Jirkakunata rikarmi yarpachakur nï:

<<¿Maypitarä yanapamaqnï shamunqa?>>

2Noqapa yanapamaqnïqa kay patsata y ciëluta kamaq Tayta Diosmi.

3Paymi imapis mana päsamänantsikpä tsapämantsik.

Cuidamaqnintsik karmi imaypis pununtsu.

4Israel runakunapa cuidaqninqa imaypis rikchaykanllam.

5 Tayta Diosmi imapitapis cuidamantsik.

Paymi ima peligrupitapis tsapämantsik.

Yanapamänantsikpämi noqantsikwan imaypis kaykan.

6Tsaymi rupaypis rupamäshuntsu.

Killapis manam imanamäshuntsu.

7 Tayta Diosmi imapis mana päsamänantsikpä tsapämantsik.

8 Tayta Diosmi maypa aywashqapis kananpis y imaypis cuidamantsik.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help