Isaías 28 - Bible in Quechua of South Conchucos（qxo）

Samaria markapä ninqan

1¡Allaw, Samaria marka!

Alli wayuq chakrakuna janalänin jirkanchömi shäritsishqa kanki.

Tsay jirkanchö kuyayllapä marka karmi Efraín runakunapa corönannö kanki.

Qamchö täraqkunaqa vïnuta upuykällarmi qoyaskiyanpis.

Machaskir allish tukuyanqanchömi kuyayllapä waytanö ushakäyanqa.

2Paykunata ushakätsinanpämi kallpasapa y poderyuq runata Tayta Dios akrashqa.

Tsay runaqa runtu tamyanörä, shukukuy vientunörä y atskayashqa mayunörämi imatapis tarinqan kaqta ushakätsinqa.

3Machashqa Efraín runakunapa corönannö Samaria marka kaptinpis tsay markata lanqurmi ushanqa.

4Tsaymi tsay alli wayuq chakrakuna jana jirkanchö kaykaq markaqa kuyayllapä karpis waytanö ushakanqa.

Punta poquq hïgusta ras pallar mikunqannömi tsay markata ushakätsinqa.

5Tsay witsanmi kawaykar quëdaq runakunapa corönan llapanta mandaq Tayta Dios kanqa.

Kuyanqan runakunapam kuyayllapä adornun kanqa.

6Demanduta shumaq arreglayänanpäpis paymi juezkunata alli yarpayta qaranqa.

Marka cuidaq soldädukunatapis valienti jövin kayänanpämi valuratsinqa.

7Kananqa sacerdötikunapis profëtakunapis vïnuta y imayka machätsikuqkunata upyakurkurmi tsankapaykachaykäyan.

Machashqa karmi Diospa willakuyninta willakuyänanpäpis musyayantsu.

Shumaq juzgaytapis manam puëdiyantsu.

8Lanzarmi llapan mësankunatapis qanratäyashqa.

Paykuna kayanqanchöqa llapanpis qanratashqam kaykan.

9Tsay runakunaqa pipis yätsiptinmi niyan:

<<¿Pita yachatsinqaykitatä yarpanki?

¿Pï kanqäta yarpartä Diospa willakuyninta willaykämanki?

¿Chuchuykaq wamra kanqätaku yarpaykanki?

¿Tsayrä wasqishqa wamra kanqätaku yarpanki?

10Parlapämanqaykiqa wamra parlayta yachakur ninqannömi kaykan.

Maychö tsaychöpis tsayllatam nimanki>>.

11Tsaymi tsay runakunata castigar mana tantiyayanqan idiömapa Tayta Dios parlapanqa.

12Paykunatam Tayta Dios nirqan:

<

Ajyashqa kaykaqkunapis kaychömi jamayta tariyanqa>>.

Tsaynö niptinpis manam cäsuyashqatsu.

13Tsaymi paykunata castigar mana tantiyayanqan idiömachö Tayta Dios parlapanqa.

Tsay parlapanqanqa <> niqnöllam kanqa.

Maychö tsaychöpis tsayllatam tantiyayanqa.

Tsaymi puriyta yachakuykaq wamra ankallaypa ishkiqnö jitaräyanqa.

Contrankunapa poderninman chäyaptinmi prësu apayanqa.

Jerusalén markapa autoridäninkunata castigananpä ninqan

14Jerusalénchö pitapis mana respitaq autoridäkuna, Tayta Dios ninqanta wiyayay.

15Qamkunam niyanki:

<

Sepultürawanmi pactuta rurayarqü.

Llullakuymanmi pakakuyä.

Engañakuymanmi yärakuyä.

Tsaymi noqakunamanqa wanuypis chämunqatsu>>.

16Poderninchö tsararämaqnintsik Tayta Diosmi nin:

< cimientupä allinnin rumita churä.

Tsay rumiqa akrashqam kaykan.

Wayi kuchunchö shumaq y mana kuyukuqmi kaykan.

Pipis tsay rumiman criyikurqa manam manakaqllapätsu criyikunqa.

17<

Cordelnïqa allillata ruranqämi.

Plomädänam pipapis janan mana shäriypa juzganqä.

Qamkuna yärakuyanqaykiqa mana väliq amparakuyänayki wayinömi.

Tsaymi runtu tamya y bunyaypa bunyar aywaq yaku wayita ushakätsinqannö contraykikuna shamur qamkunatapis ushakätsiyäshunki.

Amïguykikuna salvayäshunaykipä yärakuyanqaykipis manakaqllapämi kanqa.

18<

Castïgu shamurqa mangäda tamyanömi ushayäshunki.

19Cada vez chämurmi qarachashqa apayäshunki.

Qoyay qoyaymi paqaspapis junaqpapis tsaynö ushayäshunki.

Chämunanpä kanqanta musyaskirmi mantsariywan tsuktsukyäyanki.

20Taksha catrichö punur tikrakuyta mana puëdiqnömi kayanki.

Taksha jakuwan qatakuyta mana puëdiqnömi kayanki>>.

21Perazim jirkanchö pelyanqannömi Tayta Dios yapay pelyanqa.

Gabaón pampachö rabyakunqannömi yapay rabyakunqa.

Mana criyiypämi runakunata castiganqa.

Runa tantiyanqantam ruranqa.

22Tsayta rurarqa kay naciontam chipyaq ushakätsinqa.

Ushakätsinanpämi llapanta mandaq Tayta Dios nin.

Tsaynö kaptinqa willakuyninta manakaqman ama churayaytsu.

Mana cäsukuq kayaptikim pasaypa castigayäshunki.

23Willanqäta tantiyakuyänaykipä shumaq wiyayämay.

Imata ninqätapis shumaq tantiyayämay.

24Imatapis murunapä manam kutin kutintsu barbichantsik.

Tsaynölla manam kurpakunata takar qewankunata tapsillartsu kakuntsik.

25Tsaypa rantinqa inöjuta, comïnusta, trïguta, cebädata y avënatapis murunantsikpä kaqmanmi ras mashtantsik.

26Tsaynö shumaq arunantsikpämi Tayta Dios yarpayta qaramantsik.

27Inöjutaqa manam ërantsiktsu.

Comïnustapis carrëtawan manam jarutsintsiktsu.

Inöjuta y comïnustaqa llanu qerullawanmi wiruntsik.

28Trïgutam sïqa trillatsintsik.

Trillashqana kaptinqa manam kutin kutin trillantsiknatsu.

Carrëtawan jarutsirpis manam trïgun ñuchqunqanyaqqa jarutsintsiktsu.

29Llapanta mandaq Tayta Diosmi tantiyatsimashqam tsaynö rurantsik.

Paypa yachatsikuyninqa espantaypämi.

Pay yachanqanmanqa manam imapis iwalantsu.