1 Samuel 7 - Bible in Quechua of South Conchucos（qxo）

1Willakuq chaykur tsaynö niptinmi Bet-semesman aywaykur Tayta Diospa babulninta apayarqan. Quiriat-jearimman chaykatsirmi jirkanchö kaykaq Abinadabpa wayinman churayarqan. Tsaypitanam babulta cuidananpä Abinadabpa tsurin Eleazarta churayarqan.Israel runakunapa jueznin Samuel kanqan

2Quiriat-jearimchömi Tayta Diospa babulnin ishkay chunka (20) wata churararqan. Filisteo runakunapa poderninchö karmi Israel runakuna llakikur Tayta Diosta mañakuyarqan yanapananpä.

3Tsaymi Israel runakunata Samuel nirqan: < rasunpa cäsuyta munarqa Astarot ïdulukunata y wakin ïdulukunatapis dëjaskir Tayta Diosllata sirviyay. Tsaynöpam filisteo runakunapa poderninchö kanqantsikpita salvamäshun>>.

4Tsaymi Israel runakuna Baal ïdulukunata y Astarot ïdulukunatapis jitaskir Tayta Diosllatana adorayarqan.

5Tsaypitam Samuel nirqan: < mañakushä>>.

6Tsaynö niptinmi Israel runakuna Mizpaman qorikäyarqan. Tsaychömi mana cäsukuq kayanqanpita perdonta mañakur pukyupita yakuta wishirkur Tayta Diospä jichayarqan. Tsaynöllam qoyat ayunarnin Tayta Diosta mañakur niyarqan: <>.

Tsay junaqmi juez kananpä Samuelta churayarqan.

7Israel runakuna Mizpachö qorikäyanqanta musyaskirmi filisteo runakunapa mandaqninkuna soldädunkunata qoriskir atacaq aywayarqan. Tsaynö aywayanqanta musyarmi Israel runakuna pasaypa mantsarir

8Samuelta niyarqan: <<¡Filisteo runakunapita salvamänantsikpä mana dëjaypa Tayta Diosnintsikta mañakuykullay!>>

9Tsaypitam carnishta Tayta Diospä rupatsina sacrificiuta rupatsir Samuel mañakurqan Israel runakunata salvananpä. Tsaynö mañakuptinmi filisteo runakunapita Tayta Dios salvarqan.

10Rupatsina sacrificiuta Samuel rupaykätsinqan höram filisteo runakuna Israel runakunata atacayänanpä chäyarqan. Tsaymi ciëlupita Tayta Dios pasaypa maqakatsimuptin filisteo runakuna mantsakäyarqan. Tsaynö mantsakashqa kaykaqtam Israel runakuna atacar vinciyarqan.

11Vincirmi filisteo runakunata qati qatiykur wanutsiyarqan Mizpapita hasta Bet-car urayyaq.

12Tsaypitanam jatunkaray juytu rumita Mizpa y Sen markakunapa lindërunman Samuel ichïtsirqan. Tsay juytu rumitam jutitsirqan Eben-ezer jutin kananpä. Jutinta tsaynö churarmi nirqan: < yanapamarquntsik>>.

13Tsaypitaqa filisteo runakuna Israel runakunata manam atacayarqannatsu.

Samuel kawanqan witsanmi Israel runakunata Tayta Dios yanaparqan filisteo runakunata vinciyänanpä.

14Tsaymi Ecrón y Gat cercanchö markakunatapis filisteo runakunapita Israel runakuna qoriyarqan. Tsaynöllam wakin markakunatapis qoriyarqan. Tsay witsanqa Israel runakunawan amorreo runakuna achäquita mana ashipänakuyllapam kawayarqan.

15Samuelqa hasta wanunqanyaqmi Israel runakunapa jueznin karqan.

16Cada watam Bet-elman, Gilgalman y Mizpaman aywaq, tsaychö imapitapis quejakuyanqanta arreglananpä.

17Tsaypitanam Ramáman kutiq, tsaychö wayin kaptin. Ramáchöpis runakuna quejakuyanqanta arreglaqmi. Tsaynöllam Tayta Diosta adorayänanpä altarta tsaychö ruratsirqan.