Isaías 4 - Bible in Quechua of South Conchucos（qxo）

1Tsay witsan wallkallanam kawaykar quëdaqkuna kayanqa. Tsaymi qanchis warmikuna juk runallata qechunakur niyanqa: <>.

Shamuq watakunachö kushishqa kawayänanpä ninqan

2Tsay witsanmi Tayta Dios tseqllitsimunqan kuyayllapä y kushikuypä kanqa.

Mikuy alli poquptinmi kawaykar quëdaqkuna kushishqa y respitashqa kayanqa.

3Tsaymi Sión jirkanchö quëdaqkunapä y Jerusalénchö jaqiyanqan kaqkunapä runakuna niyanqa:

< runakunam kayan>>.

Tsay niyanqannömi kanqa llapanpis Jerusalénchö padronashqa kaqkuna.

4Jerusalén runakunata Tayta Dios castigarmi jutsa ruraq kayninkunatapis y wanutsikuq kayninkunatapis mayllanqa.

5Tsaypitam Sión jirkanta y tsaychö qorikashqa kaykaq runakunata yana pukutaywan tsapanqa.

Tsay pukutaymi jatun toldu mashtaraqnö paykunata tsapanqa.

Paqaspanam lunyaykaq ninata yuritsimunqa.

Tsay jananchönam Tayta Diospa chipipiynin kanqa.

6Tsaynöpam achaypis rupanqatsu

ni tamyapis ushanqatsu

ni shukukuypis apanqatsu.