Hebreos 7 - Bible in Quechua of South Conchucos（qxo）

Melquisedec pï kanqanta tantiyatsinqan

1Melquisedecqa Salem markapa mandaqnin rey y poderösu Tayta Diosta sirviq sacerdötim karqan. Guërrachö reykunata vincinqanpita Abraham kutiykämuptinmi Melquisedec taripaykur Abrahamta bendisar Tayta Diosta mañakurqan.

2Abrahamnam guërrachö vincir llapan qorimunqankunapita Melquisedecta diezmuta qararqan.

12Sacerdöti kayta Tayta Dios tsaynö trocatsirmi Moisés qellqanqan leykunatapis trocatsirqan.

13Sacerdöti kananpäqa Jesucristo manam Leví trïbupitatsu, sinöqa juk trïbupitam. Paypa trïbunpitaqa manam pipis altarchö sirvinanpä sacerdöti karqantsu.

14Señor Jesucristuqa Judá trïbupitam yurishqa. Tsay trïbupita sacerdöti kananpä kaqtaqa Moisés qellqanqan leykunachö manam imatapis nintsu.

15Melquisedec sacerdöti kanqannö Jesucristupis sacerdöti kananpä shamushqa kaptinmi Moisés qellqanqan leykunata Tayta Dios trocatsinqanta musyantsik.

16Leví trïbupita mana kaykarpis imayyaqpis kawaq kaptinmi sacerdöti kananpä payta Tayta Dios churarqan.

17Paypämi Tayta Diospa palabranchö nin: <>.

18Mandaq sacerdöti kananpä Jesucristuta churarmi leychö sacerdötikunapä ninqankunata Tayta Dios trocatsirqan. Tsay leykuna niyanqannö Leví trïbu sacerdötikuna cumpliyaptinpis manam tsaynötsu runakuna perdonta tariyan.

19Tsay leykunaqa manam pitapis salvantsu. Peru Jesucristum sïqa salvamarnintsik Tayta Diospa puntanman chätsimantsik.

Jesucristo imayyaqpis sacerdöti kananpä Tayta Dios juranqan

20Jesucristuta imayyaqpis sacerdöti kananpä churarmi Tayta Dios jurar awnirqan. Leví trïbu sacerdötikunata churarqa manam jurartsu awnirqan.

21Peru Jesucristutam sïqa awnir nirqan:

<

.

Tsaynö awnishunqaykita cumplinanpämi jurarqan.

Awninqantaqa manam qonqanqatsu>>.

22Tsaynö nir juraptinmi Tayta Dios mushuq pactuta cumplinanpä Jesús garantiantsik kaykan. Mushuq pactuqa mas allim kaykan Israel runakunawan punta kaq ruranqan pactupitapis.

23Punta kaq pactuchöqa mandaq sacerdöti wanuptin juknam trokin yaykuq.

24Peru Jesucristum sïqa mana ushakaq kar imayyaqpis mandaq sacerdöti kaykan.

25Tsaymi payman yärakuqkunata imaypis salvan Tayta Diospa puntanman chäyänanpä. Tsaynöllam salvashqa kaqkunapä Tayta Diosta imaypis mañakuykan.

26Jesucristo mandaq sacerdöti kaptinmi kushikuntsik. Paymi jutsaynaq santu kar Tayta Dios munanqannö kawarqan. Jutsa ruraq runakunawan purirpis manam imaypis jutsata rurarqantsu. Ciëluchöpis llapanpita mas respitashqam kaykan.

27Kay patsachö mandaq sacerdötikunaqa kikinkunapa y wakin runakunapa jutsankuna perdonashqa kananpämiLev. 9.7. qoyay qoyay ashmata pishtaskir altarchö rupatsiyan. Peru Jesucristum sïqa jutsantsikpita perdonashqa kanantsikpä juk kutilla kikin wanurqan.

28Ñöpataqa Moisés qellqanqan leykunachö ninqannö ushakaq y jutsayuq runakunallam mandaq sacerdötikuna kayarqan. Tsaypitanam Tayta Dios jurar kikinpa Tsurinta mandaq sacerdöti kananpä churarqan. Payqa manam ushakaqtsu ni jutsayuqtsu, sinöqa imayyaqpis kawaq y jutsaynaq mandaq sacerdötim.