1 Crónicas 9 - Bible in Quechua of South Conchucos（qxo）

1Tsaynömi llapan Israel runakunapa jutinkuna y unay castankunapa jutinkunapis Israel reykunapa acta librunchö qellqashqa kaykan.

Babiloniapita kutiqkuna Nehemías 11.1-24

Judá runakuna mana cäsukuq kayanqanpitam Tayta Dios permitirqan Babilonia soldädukuna prësu apayänanpä.

2Tsaypita atska wata päsaskiptinnam sacerdötikuna, levita runakuna, templuchö aruqkuna y wakin Israel runakuna markankunaman puntata kutikuyarqan.

3Tsaynö kutikurmi Judá trïbupita, Benjamín trïbupita, Efraín trïbupita y Manasés trïbupita wakin runakuna Jerusalénchö täyarqan.

4Judá trïbupitam castankunawan Jerusalénman Utai charqan. Utaim karqan Amiudpa tsurin, Amiudmi karqan Omripa tsurin, Omrim karqan Imripa tsurin y Imrim karqan Banipa tsurin. Paykunam Judápa tsurin Fares casta kayarqan.

5Tsaynöllam Judá trïbupita chäyarqan Sela casta runakuna. Tsay casta karmi Asaías y tsurinkunapis paykunawan aywayarqan. Asaíasqa papäninpa mayor tsurinmi karqan.

6Tsaynöllam Zera casta Jeuelpis castankunawan chäyarqan. Tsaymi Judá trïbupita Jerusalénman chäyarqan joqta pachak isqun chunka (690) runakuna.

7Benjamín trïbupitanam castankunawan Jerusalénman Salu charqan. Salúmi karqan Mesulampa tsurin, Mesulammi karqan Hodavíaspa tsurin y Hodavíasmi karqan Asenúapa tsurin.

8Tsaynöllam Ibneías, Ela y Mesulam castankunawan Jerusalénman chäyarqan. Ibneíasmi karqan Jerohampa tsurin. Elam karqan Uzipa tsurin y Micripa willkan. Mesulamnam karqan Sefatíaspa tsurin, Reuelpa willkan y Ibneíaspa willkanpa tsurin.

9Llapanpis tsay runakunam castankunapa mandaqninkuna kayarqan. Paykunapa jutinkunam unay runakunapa jutinkuna qellqashqa kanqan libruchö qellqashqa kaykan. Paykunawanmi isqun pachak pitsqa chunka joqta (956) Benjamín trïbu runakuna Jerusalénman chäyarqan.

10Sacerdöti castakunapitam Jerusalénman chäyarqan Jedaías, Joiarib, Jaquín

11y templuchö mandaq Azarías. Azaríasmi Hilcíaspa tsurin karqan. Hilcíasqa Mesulampa tsurinmi karqan. Mesulamnam karqan Sadocpa tsurin, Meraiotpa willkan y Ahitobpa willkanpa tsurin.

12Tsaynöllam Jerusalénman chäyarqan sacerdöti Adaía y sacerdöti Masai. Adaíam karqan Jerohampa tsurin. Jerohammi karqan Pasurpa tsurin. Pasurmi karqan Malquíaspa tsurin. Masainam karqan Adielpa tsurin. Adielmi karqan Jazerapa tsurin. Jazeram karqan Mesulampa tsurin. Mesulammi karqan Mesilemitpa tsurin. Mesilemitmi karqan Imerpa tsurin.

13Llapan tsay sacerdötikunam castankunapa mandaqninkuna kayarqan. Paykunaqa yachaq runakuna karmi templuchö rurayänanpä kaqkunata shumaq rurayarqan. Paykunawan aywaq sacerdötikunam Jerusalénman chäyarqan waranqa qanchis pachak joqta chunka (1,760) sacerdötikuna.

14Levitakunapitam castankunawan Jerusalénman Semaías charqan. Semaíasmi karqan Hasubpa tsurin, Azricampa willkan y Hasabíaspa willkanpa tsurin. Llapan paykunam kayarqan Merari casta runakuna.

15Tsaynöllam Jerusalénman chäyarqan Bacbacar, Heres, Galal y Matanías. Mataníasmi karqan Micaíapa tsurin, Zicripa willkan y Asafpa willkanpa tsurin.

16Tsaynöllam Obadías y Berequíaspis Jerusalénman chäyarqan. Obadíasmi karqan Semaíaspa tsurin, Galalpa willkan y Jedutúnpa willkanpa tsurin. Berequíasnam karqan Asapa tsurin y Elcanapa willkan. Netofa marka lädunchömi Elcana täkurqan.

17Tsaynöllam Jerusalénman chäyarqan templu punkuta cuidaqkunapis. Paykunam kayarqan Salum, Acub, Talmón, Ahimán y wawqinkuna. Salummi karqan paykunapa mandaqnin.

18Paykunaqa kananyaqmi reypa punkunta cuidayan. Tsay punkuqa rupay yarqamunan läduchömi kaykan. Tsay casta runakunam levitakunapa campamentunman yaykunan punkuta cuidayaq.

19Salummi karqan Corépa tsurin. Corémi unay kaq Corépa tsurin Asafpita miraq karqan. Salummi Coré casta mayinkunawan cuidayarqan templuman yaykuna punkuta. Tsaynöllam Coré castakuna unay cuidayarqan Tayta Diospa campamentunchö Tinkuna Tolduman yaykuna punkuta.

20Tsay cuidaqkunapa mandaqninmi karqan Eleazarpa tsurin Finees. Paytaqa Tayta Diosmi llapanchöpis yanaparqan.

21Tsaypitanam Meselemíaspa tsurin Zacarías Tayta Dioswan Tinkuna Tolduman yaykuna punkuta cuidaq karqan.

22Salum mandanqan runakunaqa kayarqan ishkay pachak chunka ishkaymi (212). Paykunapa markankunachömi jutinkuna y castankunapa jutinkuna padronanqan libruchö qellqashqa kaykan. Paykunapa unay castankunatam David y profëta Samuel akrarqan Dioswan Tinkuna Toldupa punkunta cuidayänanpä.

23Tsaymi paykuna y paykunapita miraq runakuna Tayta Dioswan Tinkuna Tolduman yaykuna punkuchö trocanakuypa cuidayaq.

24Tinkuna Toldupa chuskun lädunkunatam paykuna cuidayaq. Tsaymi rupay yarqamunan kaq läduchö, rupay ullunan kaq läduchö, norti kaq läduchö y sur kaq läduchöpis cuidayaq.

25Trocanakuypa cuidayaptinmi cada qanchis junaq castankunana markankunapita chäyaq punkuta cuidayänanpä.

26Peru cuidaqkunapa chuskuq mandaqnin levitakunam mana yarquypa jinallanchö täyarqan. Paykunam tesöru churaraq cuartukunata y templuchö kaykaq wakin cuartukunatapis cuidayaq.

27Tinkuna Tolduta cuidayänanpä churashqa karmi cada paqas jiruruypa cuidayaq. Tsaynöllam cada wäray Tinkuna Toldupa punkunkunata kichayaq.

28Wakin cuidaqkunanam Tinkuna Toldu manëjukunata cuidayaq. Tsay manëjukunatam yupaskir jipiyaq y yupaskir kutitsiyaq.

29Wakinnam cuidayaq Tinkuna Tolduchö jatusaq manëjukunata. Tsaynöllam cuidayaq jarinata, vïnuta, aceitita, inciensiuta y mushkuq jachakunata.

30Sacerdötikunanam mushkuq jachakunapita perfümita rurayaq.

31Levita runa Matatíasmi encargädu karqan ofrendakunapä tantata rurananpä. Matatíasmi karqan Coré casta Salumpa mayor tsurin.

32Coat casta mayinkunanam cada jamay junaqchö Tayta Diospä mësaman qaqätsiyllapa churayänanpä sagrädu tantata rurayarqan.

33Wakin levita runakunam cantaqkuna kayarqan. Paykunaqa castankunapa mandaqninkunam kayarqan. Cantaqkuna karmi jinan templupa patiunchö kaykaq cuartukunachö täyarqan. Wakin aruychöqa paykuna manam aruyaqtsu, sinöqa paqaspa junaqpa cantayänallanpämi kayarqan.

34Llapan tsay levita runakunam Jerusalénchö täyarqan. Unay runakunapa jutinkuna qellqashqa kanqan libruchö ninqannöllam castankunapa mandaqninkuna kayarqan.

Saúlpita miraqkuna 1 Crónicas 8.29-40

35Gabaón markachömi Gabaónpa papänin Jehiel tarqan. Paypa warminmi karqan Maaca.

36Mayor tsurinmi karqan Abdón. Tsaypitanam wakin tsurinkuna kayarqan Zur, Cis, Baal, Ner, Nadab,

37Gedor, Ahío, Zacarías y Miclot.

38Miclotpa tsurinmi karqan Simeam. Paykunaqa llapanmi Jerusalénchö täyarqan.

39Nerpa tsurinmi karqan Cis. Cispa tsurinmi karqan Saúl. Saúlpa tsurinkunam kayarqan Jonatán, Malquisúa, Abinadab y Es-baal.

40Jonatánpa tsurinmi karqan Merib-baal. Merib-baalpa tsurinmi karqan Micaía.

41Micaíapa tsurinkunam kayarqan Pitón, Melec, Tarea y Acaz.

42Acazpa tsurinmi karqan Jara. Jarapa tsurinkunam kayarqan Alemet, Azmavet y Zimri. Zimripa tsurinmi karqan Mosa.

43Mosapa tsurinmi karqan Bina. Binapa tsurinmi karqan Refaías. Refaíaspa tsurinmi karqan Elasa. Elasapa tsurinmi karqan Azel.

44Azelpa tsurinkunam joqta karqan. Paykunam kayarqan Azricam, Bocru, Ismael, Searías, Obadías y Hanán.