Isaías 23 - Bible in Quechua of South Conchucos（qxo）

Tiro y Sidón markakunata ima päsananpä kaqtapis ninqan

1Kaychömi qellqashqa kaykan Tiro markata ima päsananpä kaqtapis Tayta Dios revelanqan.

¡Jatusaq büqui manijaq runakuna, llakikur pasaypa waqayay!

¡Tiro markata ushakätsirmi büquiwan chäyänayki sitiukunatapis ushakätsiyashqa!

Tsaynö ushakanqantam Quitim islapita willakayämun.

2¡Lamar kuchunchö täraq Sidón runakuna, pasaypa llakikuyay!

Qamkunam negocianti kar büquikunawan maytsaymanpis aywayanki.

3Jatunkaray lamarpa päsarmi mikuytapis rantiyämunki.

Tsay mikuyqa Nilo mayu pampakunachö wayunqan mikuymi.

Qamkunawanmi maytsay nación runakuna negociuta rurayan.

4Lamar kuchunchö kaykaq Sidón runakuna, ¡pasaypa penqakuyay!

Tiro marka ushakashqa kaptinmi lamarpis llakikur nin:

<

Paykuna ushakäyaptin kananqa imaypis mana wachaqnö y mana qeshyakuqnönam kä.

Jövinkunata ni wamrakunata imaypis mana wätaqnönam kä>>.

5Tiro marka ushakanqanta musyaykurmi Egipto runakunapis pasaypa llakikuyanqa.

6¡Lamar kuchunchö täraqkuna, Tarsisman aywaykur waqayay!

7Tiro markaqa unay markam karqan.

Tsaychöqa imaypis fiestallam kakuq.

Tiro runakunaqa maytsaychömi mushuq markakunatapis shäritsiyaq.

8Tsay markakunachömi reykunatapis churayaq.

Tiro markapita puriq negociantikunaqa maytsaychöpis reynörämi respitashqa kayaq.

Tiro markata ushakätsiyänanpä pï permitinqantapis tantiyakushun.

9Llapanta mandaq Tayta Diosmi permitishqa runa tukuqkunata penqakatsir y poderyuq runakunatapis penqakuyman churar.

10Tarsis runakuna, lamar kuchunchö büquikuna ichiräyänanpä puertukuna manam kannatsu. Kananqa büquiwan mikuyta apayämunaykipa rantin kikikikunana Nilo mayuchö täraq runakunanö mikuyta murukuyay.

11 Tayta Diosmi lamar jananpa makinta joqarir maytsay nacionkunata tsuktsukyätsishqa.

Canaánchö amparakuna corralashqa markakunata ushakätsiyänanpämi nishqa.

12Sidón marka runakunatam nishqa:

<

Tsaynö kaykarqa fiestatapis amana rurayaynatsu.

Quitim islaman aywarpis manam jamayta tariyankitsu>>.

13¡Rikayay Babilonia markata imanö ushakätsiyanqanta!

Yaykur atacayänanpämi Asiria runakuna törrikunatapis shäritsiyashqa.

Markaman yaykurmi palaciunkunatapis raqällatana dëjayashqa.

Kananqa jirka ashmakunallanam tsaychö täyan.

14¡Büqui manijaq Tarsis runakuna, llakikur waqayay!

¡Büqui chänan sitiupis manam kannatsu!

15Ushakanqanpita qanchis chunka (70) watayaqmi Tiro markata pipis yarpanqatsu. Tsay watakuna kanqa qanchis chunka wata rey kawanqannömi. Qanchis chunka wata cumpliptinqa prostitütapä runakuna cantayanqannömi Tiro markapäpis cantayanqa. Cantarmi niyanqa:

16<

Pillapis yarpäshunaykipä tukaraykar kutin kutin cantay>>.

17Qanchis chunka wata cumpliptinqa Tiro markata yapaymi Tayta Dios yanapanqa. Tsaymi tsay markachö täraq runakuna yapay rantikur qallaykuyanqa. Yapaymi maytsay nación runakunawan negociuta rurayanqa.

18Tsaynö kaptinpis manam kikinkunapänatsu gänayanqanta qoriyanqa, sinöqa Tayta Diospänam. Tiro runakuna gänayanqanwanmi Tayta Diosta sirviqkuna pacha junta mikuyanqa y alli röpata jatikuyanqa.