1Kikillanpä imatapis munaq runaqa wakinpäqa manam yarpachakuntsu.
Pï yätsiptinpis manam cäsuntsu.
2Mana tantiyakuq runaqa manam yachakuytapis munantsu.
Tsaypa rantinqa ichik yachanqallantam alabakun.
3Mana alli ruraq runaqa penqakuychömi kanqa.
Runa tukuq runataqa manakaqmanmi churayan.
4Yachaq runa parlanqanqa imayka jondu yakunömi.
Tsaymi yachatsinqanpis wiyay munay kaykan.
5Manam allitsu jutsayuq runapa janan shärir jutsaynaq runata tumpanqan.
6Mana tantiyakuq runaqa mana allita parlarmi piwanpis rimanakun.
Kikinpa shiminpitam maqayanpis.
7Mana tantiyakuq runataqa shimillanmi condenan.
Paytaqa mana allita parlanqanpitam wanutsiyanqa.
8Runapa wasan rimayqa imayka mishkinörämi runata gustan.
Tsaymi wiyaqkunapa shonqunyaq chan.
9Qela runawan mana alli runaqa tsay wawqinöllam kayan.
10 Tayta Diosqa alli shäritsishqa törrinömi kaykan.
Paymanmi jutsaynaq runakuna amparakuyan.
11Rïcu runaqa riquëzankunaman yärakurmi murallashqa markanö següru kanqanta yarpan.
Tsaymi imapis mana päsananpä kanqanta yarpan.
12Runa tukuqtaqa imaykam päsan.
Peru llänu shonqu runatam sïqa pïmaypis respitan.
13Parlayta manarä ushaptin contestaq runaqa mana tantiyakuq karmi penqakuypä kaykan.
14Qeshyarpis allïnanpä kanqanta yarparqa allinmi.
Peru allïnanpä kanqanta mana yarparqa ¿imanörä allinman?
15Yachaq runaqa masmi yachaq kayta munan.
Tantiyakuq runaqa masmi yachakun.
16Imallanwanpis chaptinqa pïmaypis kushishqam chaskin.
Qarananpä imallatapis aparqa munayyuq runamanpis yaykunmi.
17Puntata demandakuq kaqmi autoridäta criyitsin.
Demandanqan runa chaykur declaraptinrämi mayqan jutsayuq kanqanpis musyakan.
18Suertiyarmi demandukuna aja arreglay kaptinpis ras arreglayan.
Munayyuq runakunapis suerti yarqamunqantam rurayan.
19Markapa murällan aja juchutsiy kanqanpitapis mas ajam wawqinwan rimanakushqa runata amishtatsiy.
Tsay runaqa imayka barritawan trancashqa punkunömi kaykan.
20Runaqa shiminpitam chikishqa o kuyashqapis kaykan.
21Wanuyta y kawaytapis shiminpitam tarin.
Alläpa parlaq runaqa chikishqam kanqa.
22Warmiyuq runaqa kushishqam kawan.
Alli warmita tarinqanqa Tayta Diospa bendicionninmi kaykan.
23Pobri runaqa imallapäpis shumaqmi rugakun.
Rïcu runam sïqa pitapis ollqutupan.
24Wakin amïguykikunaqa mana allimanmi churashunki.
Peru wakin amïguykikunam sïqa wawqikipitapis mas yärakuypä kayan.
Who We AreWhat We EelieveWhat We Do
2025 by iamachristian.org,Inc All rights reserved.
