Josué 7 - Bible in Quechua of South Conchucos（qxo）

Jutsata Acán ruranqan

1Judá trïbupitam Acán jutiyuq runa karqan. Paymi karqan Carmipa tsurin, Zabdipa willkan y Zerapa willkanpa tsurin. Acánqa Jericó markachö kaqta llapanta rupatsiyänanpä Josué nikaptinmi allinnin kaqtaqa pakayllapa kikinpä aparqan. Tsaynö apaptinmi Tayta Dios pasaypa rabyar Israel runakunapa contran shärirqan.

2Jericó markapitam runakunata Josué mandarqan Hai markata rikapakayämunanpä. Hai markaqa Bet-elpita rupay yarqamunan kaq lädupa y Bet-avén marka cercanchömi karqan. Tsaymi paykuna aywar Hai markata rikapakayämurqan.

3Kutiskamurnam Josuéta willayarqan: <>.

4Tsaynö niyaptinmi Hai markata ushakätsiyänanpä kimsa waranqatanö (3,000) runakunata Josué mandarqan. Tsaynö kaptinpis Haichö täraq runakunaqa paykunata vinciskirmi qatikachäyarqan.

5Hai markapa punkunpita hasta rumita jipikuna partiyaq qatikacharmi uraypa qeshpiyaptin kimsa chunka joqta (36) runakunata wanutsiyarqan. Tsaymi Israel runakuna mantsarir pelyayta valurayarqannatsu.

6Tsaynö vinciykuptinmi Josué y mayor runakuna llakikurnin röpankunata rachiyarqan y allpatapis umankunaman jichayarqan. Tsaypitanam patsa tsakanqanyaq Tayta Diospa babulninpa puntanman lätakuykuyarqan.

7Tsaychömi Josué nirqan: <

8Tayta Dios, conträkuna vinciyämaptin kananqa ¿imatarä Israel mayïkunata nishä?

9Kananqa tsayta wiyaykur kay partichö täraq cananeo runakuna qorikaykur chipyaqchi ushakätsiyämanqa. Tsaynö ushakätsiyämaptinqa ¿imanöparä runakuna musyayanqa llapanpä poderyuq kanqaykita?>>

10Josué tsaynö niptinmi Tayta Dios nirqan: <<¿Imanirtä lätaraykanki? ¡Shäriy!

11Ninqäta mana cäsumarmi Israel runakuna jutsayuq kaykäyan. Jericó markachö llapanta rupatsiyänanpä nikaptïpis shayämunanpä. Tsaynö shayämuptinmi Tayta Dios nirqan Judá trïbu jutsayuq kanqanta.

17Judá trïbutanam Josué nirqan castanpa castanpa Tayta Diospa puntanman shayämunanpä. Tsaymi Tayta Dios nirqan Zera ayllu jutsayuq kanqanta. Zera ayllu shamuptinnam nirqan Zabdi casta jutsayuq kanqanta.

18Zabdi castapita ollqu kaqkuna shayämuptinnam Tayta Dios nirqan Acán runa jutsayuq kanqanta. Payqa Carmipa tsurinmi karqan. Tsaynöllam karqan Zabdipa willkan y Zerapa willkanpa tsurin. Paykunaqa Judá trïbupitam kayarqan.

19Tsaymi Acánta Josué nirqan: < puntanchö mana llullakuypa rasun kaqta willamay>>.

20Tsaynö niptinmi Acán nirqan: < mana cäsurmi jutsata rurarqü.

21Jericó markaman yaykurmi rikarqä Babiloniachö awashqa kuyayllapä jakuta, ishkay pachak (200) qellayta y juk taksha bärra qoritapis. Tsay qoriqa mediu kïlunömi lasan. Tsaykunata munaparmi pakayllapa apaskir toldü rurinman pamparqü. Qellaytaqa mas rurinmanmi pamparqü>>.

22Tsaynö niptinmi Acánpa toldunman runakunata Josué mandarqan. Tsaychömi llapan pakanqankunata y qellaytapis mas rurichö kaykaqta tariyämurqan.

23Tsaykunata jipiskirmi Israel runakuna qorikäyanqanman apar Josuéta entregayarqan. Tsayta chaskiskirnam Tayta Diospa puntanman churarqan.

24Tsaypitanam llapan Israel runakunawan Acánta, suwanqan qellayta, qorita, jakuta, warmi tsurinkunata y ollqu tsurinkunatapis Acor Pampaman apayarqan. Tsaynöllam paypa kaqtaqa llapanta apayarqan wäkankunata, üshankunata, cabrankunata, ashnunkunata y tolduntapis.

25Tsayman pushaykurmi Josué nirqan: <<¿Imanirtä kay desgraciaman churayämarquyki? Kananqa kikikitam Tayta Dios desgraciaman churashunki>>.

Tsaynö niptinmi Israel runakunaqa Acánta, tsurinkunata y llapan ashmankunatapis saqmaypa wanuskatsir rupatsiyarqan.

26Tsaypitanam rupatsiyanqan jananman tsaytsika rumikunata qotuyarqan. Tsay rumikunaqa kananyaqmi tsaychö qoturaykan. Tsay wanutsiyanqan junaqpitam tsay pampapa jutin Acor Pampa. Acánta wanuskatsiyaptinnam Tayta Diospa rabyaynin päsarqan.