Isaías 54 - Bible in Quechua of South Conchucos（qxo）

Israel runakunata imaypis Tayta Dios kuyanqan

1 Tayta Diosmi nin:

<

Wamrayki mana kaptinpis ¡kushikur cantay!

Runan jaqishqa karpis runayuq warmipita masrämi wamraykikuna kayanqa.

2Atska wamraykikuna yuriyänanpä kaykaptinqa tolduykita jatuntsay.

Estäcakunata jawir waskakunawan tolduykikunata siguray.

3Qamqa atskaman mirarmi derëcha lädupa y itsuq lädupapis juntayanki.

Qampita miraqkunaqa atska nacionkunatam qechuyanqa.

Raqällana kaykaq markakunatapis allitsaskirmi tsaychö täyanqa>>.

4Ama mantsariytsu. Manam pipis manakaqman churashunkinatsu.

Ama penqakuynatsu. Manam pipis ashllishunkinatsu.

Wamraynaq kar penqakunqaykitapis qonqaykunkinam.

Viüdayar penqakunqaykitapis manam yarpankinatsu.

5Kamashuqniki Tayta Diosmi warmin kanaykipä qorishunki.

Paypa jutinqa llapanta mandaq Yahwehmi.

Paymi imaykapitapis tsapäshunki.

Israel runakunapa santu Diosninmi kaykan.

Tsaymi pïmaypis musyanqa entëru munduta makinchö tsararaq Dios kanqanta.

6Runan jaqishqa warminö llakishqa kaykaptikim Tayta Dios qayashurqayki.

Jövin kay warminta juk runa qoriqnömi qorishurqayki.

Tayta Diosnikim nin:

7<

Peru kananmi sïqa pasaypa kuyaparniki yapay qorishayki.

8Pasaypa rabyakurmi juk rätulla qampita witikurqä.

Kananpitaqa imaypis kuyashaykim>>.

Salvashuqniki Tayta Diosnikim tsaynö nin.

9<Tsaynöllam kananpis jurä yapay rabyarpis manana castiganäpä.

10Jirkakuna kuyuyaptinpis y jirkankuna siksikyaptinpis qamtam imaypis kuyashayki.

Imaypis allilla kawanaykipämi pactu ruranqantsikta cumplishä>>.

Kuyapäshuqniki Tayta Diosmi tsaynö nin.

Mushuq Jerusalénpä ninqan

11Jerusalén markatam Tayta Dios nin:

<<¡Pasaypa kuyapaypä marka!

¡Ñakatsiyäshuptiki manam pipis kuyapäshunkitsu!

Tsaynö kaptinpis kikïmi carbunclo rumikunawan cimientuykita rurashä.

Tsay jananmanmi zafiro rumikunawan pirqashä.

12Rubí rumipitam rikachakuna törrikikunatapis rurashä.

Carbunclo rumipitam punkuykikunatapis rurashä.

Entëru kuchunpam murällaykitapis kuyayllapä rumikunawan pirqashä.

13<Yanapaptïmi pïmaywanpis alli kawayanqa.

14Reypis munanqänömi mandanqa.

Mananam pipis ñakatsishunkinatsu.

Alli kawaychö kawarmi mantsarinkinatsu.

15Manam mayqan nación runakunatapis ushakätsishunaykipä mandamushänatsu.

Shayämuptinqa kikinkunatam ushakätsinki.

16<

Noqam soldädukunatapis kamarqü llapanta ushakätsiyänanpä.

17Tsaymi mayqan soldädutapis vinciyäshunaykipä permitishätsu.

Yanapaptïmi imatapis tumpashuqnikita upällatsinki.

Llapan sirvimaqkunata kikïmi salvashä>>.

Tayta Diosmi tsaynö nin.