Levítico 8 - Bible in Quechua of South Conchucos（qxo）

Sacerdöti kayänanpä churanqan Éxodo 29.1-37

1Mastam Moisésta Tayta Dios nirqan:

2-3<>.

4 Tayta Dios ninqannölla Moisés rurarmi Tinkuna Toldupa patiunman llapan runakunata qorirqan.

5Qoriskirnam runakunata nirqan: < nimashqa>>.

6Tsaynö nirmi Aarónta y tsurinkunata qayaykur Moisés bäñatsirqan.

7Tsaypitanam tünicata jatirkatsir Aarónta wachakätsirqan. Tsay jananmannam sotänata y efodtapis jatitsirqan. Efodpa wachukunwannam tseqllanta wataparqan.

8Tsay jananman pectoralta watarkurmi Urimta y Tumimta wiñarqan.

9Tsaynöllam umanman görrata jatiskatsir qoripita rurashqa sagrädu vinchata jananman churarqan. Tayta Dios ninqannöllam tsaykunata Moisés rurarqan.

10Tsaypitanam Sagrädu Tolduman y llapan manëjunkunaman sagrädu aceitita Moisés wiñarqan. Tsaynö ruraptinmi llapanpis sagräduna karqan.

11Tsay aceitiwanmi altartapis qanchis kuti tsaqtsurqan. Tsaynöllam sagrädu kananpä altartapis, manëjunkunatapis lavatoriutapis jamakunantinta tsay aceitiwan tsaqtsurqan.

12Tsaypitanam mandaq sacerdöti kananpä Aarónpa umanman sagrädu aceitita wiñarqan.

13Tsaypitanam Aarónpa tsurinkunata qayaykur tünicata jatirkatsir wachakätsirqan. Tsaynöllam umankunamanpis görrata jatitsirqan. Tayta Dios ninqannöllam llapantapis Moisés rurarqan.

14Tsaypitanam purificatsina sacrificiupä torïtuta apayämunanpä Moisés mandarqan. Tsay torïtupa umanman Aarónwan tsurinkuna makinkunata churayaptinmi

15Moisés pishtarqan. Altar purificashqa kananpämi yawarman dëdunta töparkatsir altarpa waqrankunata llushirqan. Sobraq yawartanam altarpa chakinman tallirqan. Tsaynöpam altar sagräduna karqan jananchö sacrificiuta rupatsiyaptin jutsankunapita runakuna perdonashqa kayänanpä.

16Tsaypitanam Moisésqa pishtanqan ashmapa pacha wiranta, ñatinchö kaykaq wiranta y ishkan rurunta wirantinta altarchö rupatsirqan.

17Peru torïtupa qaranta, aytsanta y panzankunatam sïqa campamentupita jukläman apaykur rupatsirqan. Tayta Dios ninqannöllam llapantapis Moisés rurarqan.

18Tsaypitanam rupatsina sacrificiupä carnëruta Moisés apatsimurqan. Tsay carnërupa umanmannam Aarónwan tsurinkuna makinkunata churayarqan.

19Pishtaskirnam tsay carnërupa yawarninwan altarpa chuskun lädunkunata Moisés tsaqtsurqan.

20Aytsanta cuartizaskirnam cuartizanqankunata, umanta y wiranta rupatsirqan.

21Tsaypitanam Tayta Dios ninqannölla carnërupa pachanta y chakinkunata mayllaskir llapanta altarchö Moisés rupatsirqan. Tsay rupatsinqanpa mushkuyninmi Tayta Diospa shonqunpänö karqan.

22Tsaypitanam jukaq carnëruta apayämunanpä Moisés mandarqan. Tsay carnëruqa sacerdöti kayman yaykur ofrendapä churanqanmi karqan. Carnërupa umanmanmi Aarónwan tsurinkuna makinkunata churayarqan.

23Moisésnam carnëruta pishtaskir yawarninwan Aarónpa derëcha kaq rinrinpa puntanta llushirqan. Tsaynöllam derëcha kaq makinpa y chakinpa maman dëdunkunatapis llushirqan.

24Tsaynöllam Aarónpa tsurinkunata qayaykur derëcha kaq rinrinkunata yawarwan llushirqan. Tsaynöllam derëcha kaq makinpa y chakinpa maman dëdunkunatapis llushirqan. Tsay yawarwanmi altarpa chuskun lädunkunatapis tsaqtsurqan.

25Tsaynöllam carnërupa chupa wiranta, pacha wiranta, ñatinchö wiranta, ishkan rurunta wirantinta y derëcha kaq chankantapis Moisés jipirqan.

26Tsaykuna jananmanmi churarqan levadüraynaq juk tantata, aceitiwan masarashqa juk tantata y juk llapsha tantatapis. Tayta Diospa puntanman churanqan canastapitam tsay tantakunata jipirqan.

27Tayta Diospa puntanchö joqarkur wakman kayman kuyutsiyänanpämi tsay llapanta Aarónta y tsurinkunata aptatsirqan.

28Paykunapa makinpita chaskiskirnam Moisésqa altarchö rupatsina sacrificiu rupaykätsinqan jananman churarqan. Tsay ofrendaqa sacerdöti kayman yaykunanpä churanqan ofrendam karqan. Rupatsinqanpa mushkuyninmi Tayta Diospa shonqunpänö karqan.

29Tsaypitanam carnërupa pëchunta Tayta Diospa puntanchö joqarkur wakman kayman Moisés kuyutsirqan. Tsay pëchuqa Tayta Dios ninqannöllam Moiséspä karqan.

30Tsaypitanam sagrädu aceitiwan y altar jananchö kaykaq yawarwan Aarónta y tsurinkunata Moisés tsaqtsurqan. Tsaynöllam sacerdöti kar jatiränan röpankunatapis tsaqtsurqan. Sagrädu kayänanpämi Aarónta, tsurinkunata y röpankunata tsaynö tsaqtsurqan.

31Tsaynö ruraskirnam Moisésqa Aarónta y tsurinkunata nirqan: < nimashqa.

32Sobraq kaq aytsata y tantataqa llapanta rupatsiyanki.

33Qanchis junaqtarämi sacerdöti kayman yaykuyänaykipä tiempu cumplinqa. Tsay qanchis junaqyaq Tinkuna Toldupa patiunpita ama maypapis yarquyankitsu.

34Tayta Dios ninqannöllam llapantapis kanan rurarquntsik jutsata rurayanqaykipita purificashqa kayänaykipä.

35Tsaymi Tinkuna Toldupa patiunllachö qanchis junaqyaq paqaspapis y junaqpapis kayanki. Tayta Dios ninqanta cäsurqa manam wanuyankitsu. Tsaynö rurayänaykipämi Tayta Dios nimashqa>>.

36Moisésta Tayta Dios ninqannöllam Aarónwan tsurinkuna llapanta rurayarqan.