Isaías 58 - Bible in Quechua of South Conchucos（qxo）

Ayünu imanö kananpä ninqan

1Tayta Diosmi nimarqan:

<<¡Mana mantsariypa llapan kallpaykiwan qayakuy!

¡Cornëta waqaqnörä qayakunqayki wiyakätsun!

¡Jacobpita miraq kuyanqä runakuna jutsata rurayanqanta tantiyatsiy!

2Paykunaqa munanqänö kawayta munarmi qoyay qoyay ashiyäman.

nirmi yanapanäpä mañakayäman.

Tsaynö mañakamarpis mandamientükunata cäsuq tukurmi kawayan.

Manam munanqänötsu kawayan

3Mana yanapaptïmi niyäman:

Mallaqayta awantaykäyaptï ¿imanirtä cäsuyämankitsu?>

<

Qamkuna mana alli kawayaptikim ayunayaptikipis cäsütsu.

Ayunayanqayki junaqpis rïcuyayta munarmi peonnikikunatapis mana pägaypa arutsiyanki.

4Ayunarpis rimanakullarmi kaykäyanki.

Tsaynöllam mana kuyapänakuypa maqanakuykäyanki.

Ayunar tsaynö kaykäyaptikiqa rugakayämanqaykitapis manam wiyayäshaykitsu.

5<

Tsaynöllam lütu röpayki jatishqa uchpa jananchö jitaraykäyanki.

¿Tsaytsurä munanqänö ayunay junaq kanman?

6Noqa munanqänö ayunarqa manakaqta tumpar prësu wichqayanqayki runata dëjayanki,

runa mayikikunata ama ñakatsiyankitsu

y pasaypa aruykätsiyanqayki runakunata yüguta paskaqnö jamatsiyanki.

7Tsaynöllam munä pobrikunata mikuyta qarayänaykita,

wayiynaqkunata patsatsiyänaykita,

röpaynaqkunata jatitsiyänaykita

y runa mayikita kuyapäyänaykita.

8<

Kushishqa kawayänaykipämi yanapayäshayki.

Allita ruraq kayanqaykim puntaykikunata aywanqa.

Qepaykikunatanam podernïwan imapitapis tsapäyäshayki.

9Mañakayämaptikiqa alistapäyäshaykim.

Yanapanäpä qayakayämuptikiqa yanapayäshaykim.

<

Pitapis llutallaqa amana tumpayaynatsu.

10Mallaqaqkunata mikuynin qarayay.

Llakikuqkunata kushikatsiyay.

Tsaynö karqa tsakaychö atsikyaqnömi kayanki.

Tsakäpakushqanö kayanqaykipis pullan junaqnömi atsikyanqa.

11 Noqam üsha mitsiqnö imaypis cuidayäshayki.

Imata munayanqaykitapis alistapäyäshaykim.

Kallpayki kananpäpis yanapayäshaykim.

Tsaymi alli qarpashqa huertanö y imaypis mana tsakiq pukyunö kayanki.

12Unay raqäkunatapis pirqarmi allitsayanki.

Unay cimientu janallanmanmi pirqata yapay shäritsiyanki.

Tsaymi qamkunataqa niyäshunki>>.

Jamay junaqpä yachatsinqan

13<Tsay junaq ama imatapis rantiyaytsu ni rantikuyaytsu.

Tsaypa rantinqa tantiyakuyay tsay junaq kushikuypä kanqanta y akranqä sagrädu junaq kanqanta.

Tsay junaqta respitar imaykatapis dëjaskir jamapäyay.

Shonquykikuna yarpanqanta ama rurayaytsu.

Llutankunatapis ama parlayaytsu.

14<

Pïmaypis respitayäshunaykipämi churashayki.

Unay castayki Jacobta entreganqä nacionchömi kushishqa täyanki>>.

Kikin Tayta Diosmi tsaynö nishqa.