1Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.
2(Chai causaiyujta ricuchijpimi, ñucanchijca ricurcanchij. Chaitami huillacunchij. Paica Yayahuanmi carca. Paita ñucanchijman ricuchijpimi, chai huiñai causaiyujmanta cancunamanca huillacunchij).
3Cancunapish ñucanchijhuan shujlla cachunmi, imata ricushcata, uyashcataca chaitataj huillacunchij. Ñucanchijca Yayahuan, paipaj Churi Jesucristohuanmi shujlla canchij.
4Ñucanchijca cancunamanta cushicuna shinataj cushicungapajmi caitaca quillcanchij.
Diosca luzmi5Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.
6Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.
7Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.
8Mana juchata charinchijchu nishpaca, ñucanchijllatajmi umarinchij. Chashna nishpaca llullanchijmi.
9Shina cajpipish ñucanchij juchacunata huillajpica, Diosca imatapish pajtachij, cashcata ruraj cashcamantaca ñucanchij juchacunata perdonangami. Tucui millaimantapish p'ichangami.
10Mana juchallishcanchijchu nishpaca, Diostami llullata ruranchij. Diosta llullata rurajcuna cajpica, paipaj Shimica mana ñucanchijpichu.
Who We AreWhat We EelieveWhat We Do
2025 by iamachristian.org,Inc All rights reserved.
