1Huauquicuna, ima juchapi maijan urmashca cajpica, Diospajlla cajcuna manso shunguhuan ayudaichij. Can chashna tucushcata shina yuyashpa ayudangui. Ñataj canpish chashnallataj tucunguiman.
2Caishujpaj chaishujpaj llaquicunata, apajcuna caichij. Cristopaj mandashcataca, chashna rurashpa pajtachichij.
3Maijanca manapish ima cashpa, yachajmi cani nijca, paillatajmi umarin.
4Chaimanta ima shina ruracushcataca, cada quiquin alli ricurichun. Chashna cashpami imamanta jatunyarina cajpica, mana shujtajpaj rurashcapi jatunyarishpa, quiquin rurashcapi jatunyaringa.
5Paicuna imata rurashcamantaca, cada quiquinmi chasquingacuna.
6Diospaj Shimita maijanpish yachacujca, paita yachachijman tucui imalla charishcamanta cuchun.
7Ama umarichijchu. Diostaca pi mana chanzata rurai tucunchu. Maijan imata tarpujca, chaillatatajmi tandanga.
8Maijanpish quiquin aichapaj tarpujca, aichamantaca ismujllatami tandanga. Ashtahuanpish Espiritupaj tarpujca, Espiritumantaca huiñai causaitami tandanga.
9Allita ruranataca ama shaicushunchij. Mana shaicushpa allita rurashpaca, tandana pajtajpica tandashunmi.
10Chashna cajpica, ima ruranata charishpaca tucuicunapaj allita rurashunchij. Ashtahuantajca crijcunapaj allita rurashunchij.
Cristopaj cruzpi Pablo jatunyarishcami11Riquichij, ñuca quiquin maquihuanmi jatun letracunahuan quillcani.
12Maijanpish aichapi alli ricurishun nijcunami, cancunataca circuncisionta rurachichuntaj munancuna. Cristopaj cruzmanta catirashpa llaquichijpi, ama llaquita apangaraicullami chashna rurancuna.
13Circuncisionta rurachijcunallatajpish, Mandashcataca mana huaquichincunachu. Ashtahuanpish cancuna circuncisionta rurachijpi, cancunapaj circuncisionmanta jatunyangapajllami chashna nincuna.
14Chaipica ñucaca mana jatunyarinichu. Ashtahuanpish ñucanchijta Mandaj Jesucristopaj cruzpimi jatunyarini. Ñucapajca paimantaca cai pachaca, cruzpimi huañurca. Ñucapish cai pachapajca, huañushcami cani.
15Cristo Jesushuan shujlla cajpica, circuncisionta rurachishca cashpa, mana rurachishca cashpapish ima mana canchu. Ashtahuanpish tucuimanta yallica mushujyachishca canami alli.
16Maijanpish cai mandashcapi nishca shina purijcunahuan, Diospaj israelcunahuanca sumaj causaipish, llaquij canapish cashca cachun.
17Cunanmanta pacha ñucataca, pi ama p'iñachichun. Ñuca aichapica, Mandaj Jesusmanta chugrichishcacuna alliyashcatami charini.
Allicunata cushca cachun nishpa tucuchishcami18Huauquicuna, ñucanchijta Mandaj Jesucristopaj mana c'uyaipajta c'uyaj canaca, cancunapaj espirituhuan cashca cachun. Chashna cachun.
Who We AreWhat We EelieveWhat We Do
2025 by iamachristian.org,Inc All rights reserved.
