1Maijanpish jahua pacha
Taita Dios ugllashca causacujca,
Pailla Tucuita Rurai Tucujpaj llandu ucupimi causan.
2Chaimantami ñucaca Mandaj Diostaca: “Quiquinca
ñuca shuyana, ñuca miticunami cangui.
Ñuca shunguta churana Dioslla” nisha.
3Paimi cantaca laziyajpaj huascamanta cacharichinga. Chingachij ungüimantapish paimi quishpichinga.
4Paipaj plumacunahuanmi cantaca pacanga.
Paipaj
alas ucupica imata mana manchashpami causangui.
Paipaj mana llullaj shimica escudo shina, cara churana shinami huaquichinga.
5Tutapish imata mana manchanguichu.
Flechacunata punlla shitacujpipish mana manchanguichu.
6Amsapi purij ungüitapish,
mana manchanguichu. Huañuchij ungüi chaupi punllapi chingachinatapish mana
manchanguichu.
7Cambaj lluqui ladomanca shuj huaranga
runacunami urmangacuna. Cambaj alli
ladomanpish chunga huaranga runacunami urmangacuna.
Ashtahuanpish cantaca imata mana rurangacunachu.
8Diosta mana rijsijcuna paicuna japina cashcaca imalla cashcataca, cambaj ñahuihuantajmi ricungui.
9Ñuca shuyana Mandaj Diosllatatajmari shuyacushcangui.
Jahua pacha Taita Diosllatatajmari can causana huasita rurashcangui.
10Cambaj jahuamanca ima llaquipish mana shamungachu.
Cambaj huasimanpish ima ungüi mana chayangachu.
11Tucui cambaj ñanpi huaquichichunca, cambajmanca paipaj angelcunatamari cachanga.
12Paicunami cambaj chaquicuna rumipi
ama ñitcarichunpish paicunapaj maquicunapi
apanga.
13Leonpaj jahuapipish, víbora culebrapaj jahuapipish canmi sarungui.
Malta leontapish,
dragontapish canmi huañuchingui.
14“Paipish ñucata c'uyashcamantaca, paitapish
cacharichishami.
Ñuca shutita rijsishcamantaca paitapish jatun canapimi churasha.
15Ñucata mañajpica ñucapish cutichishami.
Llaquihuan cajpipish, ñucapish paihuanmi casha.
Paitaca cacharichishami, sumajyachishami.
16Achca huatata causanatami cusha.
Ñuca quishpichij cashcata ricuchishami”.
Who We AreWhat We EelieveWhat We Do
2025 by iamachristian.org,Inc All rights reserved.
