NEHEMÍAS 7 - Quichua Chimborazo Bible

Nehemiasca pushajcunata churashcami

1Jerusalén muyundij pircacunata ña tucui allichishpa, chai pungucunatapish tucui churashpaca, pungupi cuidajcunatapish, cantajcunatapish, levitacunatapishmi churarca.

2Ñuca huauqui Hananitaca Jerusalenpi mandaj cachunmi churarcani. Hananiastaca Jerusalén muyundij pircacunapi cuidajcunata mandaj cachunmi churarcani. Paica shujtajcunata yalli Taita Diosta manchaj, imatapish chaitataj nij cajpimi, chaipi churarcani.

3Paicunataca:

“Jerusalén pungucunataca, tutamantapica inti llujshishpa cunujyachina shinacama mana pascashcachu cana can. Pungupi cuidajcuna chaipi cajpiraj pungucunataca huichcashpa jarcachishca cachun” nishpami mandarcani. Jerusalén muyundij pircacunata cuidachunca chaipi causajcunallatatajmi huashan huashan paicunapaj quiquin huasi derechota cuidachun churarcani.

4Jerusalén puebloca jatunmi carca. Ashtahuanpish huasicunata manaraj cutin shayachishcamanta, chaipi causajcunaca ashacunallami carca.

Babiloniamanta Zorobabelhuan tigrajcunami(Esd 2.1-70)

5Chai q'uipaca Taita Diosmi jatuncunatapish, mandajcunatapish, tucui israelcunatapish tandachishpa, paicunapaj ñaupa yayacunamanta mirarishca cada familiapaj shuticunata quillcanata ñuca shungupi yuyachirca. Chaipica ñaupaman Babiloniamanta tigramuj yayacunapaj shuticunata, cashna quillcashca shuj librotami japircani:

6Babilonia llajtata jatun mandaj Nabucodonosor judacunata Babiloniaman prezu apashcacuna Jerusalenman, Judaman quiquin puebloman cutinllataj tigrajcunaca caicunami:

7Zorobabelhuan tigraj pushajcunaca Jesúa, Nehemías, Azarías, Raamías Nahamani, Mardoqueo, Bilsán, Misperet, Bigvai, Nehum, Baana shuti runacunami carcacuna. Tandanacushca israelcunaca caicunami carca:

8Parospaj huahua huahuacunaca, 2.172mi carca.

9Sefatiaspaj huahua huahuacunaca, 372mi carca.

10Arapaj huahua huahuacunaca, 652mi carca.

11Pahat-moabpaj Jesuapaj, Joabpaj huahua huahuacunaca 2.818mi carca.

12Elampaj huahua huahuacunaca, 1.254mi carca.

13Zatupaj huahua huahuacunaca, 845mi carca.

14Zacaipaj huahua huahuacunaca, 660tami carca.

15Binuipaj huahua huahuacunaca, 648mi carca.

16Bebaipaj huahua huahuacunaca, 628mi carca.

17Azgadpaj huahua huahuacunaca, 2.622mi carca.

18Adonicampaj huahua huahuacunaca, 667mi carca.

19Bigvaipaj huahua huahuacunaca, 2.067mi carca.

20Adinpaj huahua huahuacunaca, 655mi carca.

21Ater nishca Ezequiaspaj huahua huahuacunaca iscun chunga pusajmi carca.

22Hasumpaj huahua huahuacunaca, 328mi carca.

23Bezaipaj huahua huahuacunaca, 324mi carca.

24Harifpaj huahua huahuacunaca, 112mi carca.

25Gabaonpaj huahua huahuacunaca, iscun chunga pichcami carca.

26Belenmanta, Netofamanta cajcunaca 188mi carca.

27Anatotmantaca, 128 runacunami carca.

28Bet-azmavetmantaca chuscu chunga ishqui runacunami carca.

29Quiriat-jearimmanta Cafiramanta, Beerotmantaca 743 runacunami carca.

30Ramamanta, Gebamantaca 621 runacunami carca.

31Micmasmantaca, 122 runacunami carca.

32Bet-elmanta, Haimantaca 123 runacunami carca.

33Caishuj Nebomantaca, pichca chunga ishqui runacunami carca.

34Shujtaj Elampaj huahua huahuacunaca, 1.254mi carca.

35Harimpaj huahua huahuacunaca, 320mi carca.

36Jericomantaca, 345 runacunami carca.

37Lodmanta, Hadidmanta, Onomantaca 721 runacunami carca.

38Senaamantaca, 3.930 runacunami carca.

39Jesuapaj familiamanta caj Jedaiaspaj huahua huahuacunaca, 973 curacunami carca.

40Imerpaj huahua huahuacunaca, 1.052mi carca.

41Pasurpaj huahua huahuacunaca, 1.247mi carca.

42Harimpaj huahua huahuacunaca, 1.017mi carca.

43Levitacunaca: Jesuapaj, Cadmielpaj, Hodaviaspaj huahua huahuacunaca, canchis chunga chuscumi carca.

44Cantajcunaca: Asafpaj huahua huahuapuramanta 148mi carca.

45Pungupi cuidajcunapaj huahua huahuacunaca: 138 runacunami carca. Paicunaca Salumpaj, Aterpaj, Talmonpaj, Acubpaj, Hatitapaj, Sobaipaj huahua huahuacunami carca.

46Diospaj huasipi imatapish rurashpa causaj runacunapaj huahua huahuacunaca: Zihapaj, Hasufapaj, Tobaotpaj,

47Querospaj, Siahapaj, Padonpaj, huahua huahuacuna,

48Lebanapaj, Hagabapaj, Salmaipaj huahua huahuacuna,

49Hananpaj, Gidelpaj, Gaharpaj huahua huahuacuna,

50Reaiapaj, Rezinpaj, Necodapaj huahua huahuacuna,

51Gazampaj, Uzapaj, Paseahpaj huahua huahuacuna,

52Besaipaj, Mehunimpaj, Nefisesimpaj huahua huahuacuna,

53Bacbucpaj, Hacufapaj, Harhurpaj huahua huahuacuna,

54Bazlutpaj, Mehidapaj, Harsapaj huahua huahuacuna,

55Barcospaj, Sisarapaj, Temapaj huahua huahuacuna,

56Neziapaj, Hatifapaj huahua huahuacunami carca.

57Salomonpajta rurajcunapaj huahua huahuacunaca: Sotaipaj, Soferetpaj, Peridapaj huahua huahuacuna,

58Jaalapaj, Darconpaj, Gidelpaj huahua huahuacuna,

59Sefatiaspaj, Hatilpaj, Poqueret-hazebaimpaj, Amonpaj huahua huahuacunami carca.

60Taita Diospaj huasipi imatapish rurashpa causajcunapaj huahua huahuacuna, Salomonpajta rurajcunapaj huahua huahuacunaca 392mi carca.

61Tel-mela, Tel-harsa, Querub, Adón, Imer shuti pueblocunamanta tigrashpa huichiyajcunaca maijan aillucunamanta cashcatapish, israelcunapurataj cashcatapish, mana israelcuna cashcatapish mana ricuchi tucujcunaca caicunami:

62Delaiapaj, Tobiaspaj, Necodapaj huahua huahuacunaca 642mi carca.

63Curacunapaj huahua huahuacunaca: Habaiapaj, Cospaj, Barzilaipaj huahua huahuacunami carca. Barzilaica Galaadmanta caj Barzilaipaj ushushicunapuramanta shuj ushushitami paipaj huarmi cachun japirca. Chaimantami Barzilai shuti tucurca.

64Chai runacunami, quiquin aillucunapurapi shuticunata quillcachishcacunapi mashcashpapish mana japircacuna. Chaimantami paicunataca cura canamanta anchuchircacuna.

65Chashna anchuchishpapish Judá llajtata mandajca: “Diosman cushca micunataca Urim nishcahuan, Tumin nishcahuan Diosta shuj cura tapushpa imatapish ningacama, ama micunguichijchu” nircami.

66Shuj shinalla tucui chaipi tandanacushcacunaca 42.360 runacunami carca.

67Shujtajpajta ruraj c'aricuna, huarmicunaca 7.337mi carca. Cantaj c'aricuna cantaj huarmicunaca 245mi carca. Chaicunata mana yupashcami chaica carca.

68Chai tigramujcunapajca 736 caballocuna, 245 mulacuna,

69435 camellocuna, 6.720 burrocunami carca.

70Ñaupa yayacunamanta mirarishca quiquinpurallata maijan mandajcunaca Diospaj huasita cutin shayachingapajmi ofrendacunata curcacuna. Llajtata mandajca shuj huaranga dracma curita, pichca chunga tasacunata, curacunapaj churanacunatapish, 530tami curca.

71Quiquinpurallata mandajcunaca 20.000 dracma curita, 2.200 libra cullquitami Diospaj huasita allichingapaj cullquita huaquichijman curca.

72Tucui israelcunaca 20.000 dracma curita, 2.000 libra cullquita, curacunapaj churanacunatapish, sujta chunga canchistami curcacuna.

73Curacunapish, levitacunapish, pungupi cuidajcunapish, cantajcunapish, israelcunapish, Diospaj huasi ucupi ima shujtajta rurajcunapishmi paicunapaj quiquin pueblocunapi causarcacuna. Chashnami tucui israelcuna, paicunapaj quiquin pueblollapitaj causarcacuna. Ña canchis quilla callarinapajca israelcunaca paicunapaj quiquin pueblocunallapitajmi causacurcacuna.