1 CRÓNICAS 4 - Quichua Chimborazo Bible

Judapaj huahua huahuacunami

1Judapaj churicunaca: Fares, Hezrón, Carmi, Hur, Sobal shuticunami carca.

2Sobalpaj churica Reaiami. Reaiapaj churica, Jahatmi carca. Jahatca: Ahumai, Lahad shuti churicunatami charirca. Chaicunapaj huahua huahuacunami zoratitacuna carca.

3Etam runapaj churicunaca: Jezreel, Isma, Ibdas shuticunami carca. Paicunapaj panica, Haze-lelponi shutimi carca.

4Penuelca, Gedorpaj yayami carca. Ezerca, Husapaj yayami carca. Paicunaca Efrata huarmipaj punta churi Hurpaj huahua huahuacunami carca. Hurca Belenpaj yayami carca.

5Tecoapaj yaya Asurca: Hela, Naara shuti ishqui huarmicunatami charirca.

6Naara huarmipica: Ahuzam, Hefer, Temeni, Ahastari shuti churicunatami charirca. Chaicunami Naara huarmipaj churicuna carca.

7Hela huarmipica: Zeret, Jezoar, Etnán shuti churicunatami charirca.

8Cos runaca Anub, Zobeba shuti churicunatami charirca. Harumpaj churi Aharhelpaj familiacunapish paimanta mirarishcacunami carca.

9Jabes runami, tucui imapipish paipaj huauquicunata yalli carca. Paipaj mamaca: “Jatun nanaihuanmari huacharcani” nishpami, Jabesta shutichirca.

10Jabes runaca israelcunapaj Taita Diostaca: “Cambaj allicunata ñucaman cuhuayari. Ñuca llajtata mirachihuai. Ñuca ama ima llaquita apangapaj cambaj maquipi ñucata huaquichihuai” nishpami mañarca. Chashna mañajpica, Diosca pai mañashca shinami rurarca.

11Suapaj huauqui Quelubca, Mehir shuti churitami charirca. Mehirca, Estonpaj yayami carca.

12Estonca, Bet-rafa, Paseah, Tehina shuti churicunatami charirca. Tehina runaca, Nahas pueblota callarichij yayami carca. Reca puebloca chai huahua huahuacunapaj pueblomi.

13Cenazpaj churicunaca: Otoniel, Seraías shuticunami carca. Otonielpaj churicunaca: Hatat,

14Meonotai shuticunami carca. Meonotaica, Ofra shuti churitami charirca. Seraiasca Joab churitami charirca. Joabca Carisim pugru pambapi causajcunapaj yayami carca. Chaicunaca imatapish ruranata yachajcunami carca.

15Jefonepaj churi Calebpaj churicunaca: Iru, Ela, Naam shuticunami carca. Elapaj churica Cenaz shutimi carca.

16Jehalelelpaj churicunaca: Zif, Zifa, Tirías, Asareel shuticunami carca.

17Esdrasca: Jeter, Mered, Efer, Jalón, María, Samai, Isba shuti huahuacunatami charirca. Isbaca, Estemoapaj yayami carca.

18Esdrasca, Jehudaía paipaj huarmipica: Jered, Heber, Jecutiel shuti churicunatami charirca. Jeredca, Gedorpaj yayami carca. Heberca, Socopaj yayami carca. Jecutielca, Zanoapaj yayami carca. Chaicunaca faraonpaj ushushi Bitia huarmihuan Mered cazarashpa charishca churicunami carca.

19Hodiaspaj huarmica, Nahampaj panimi carca. Chai huarmipaj churicunaca ishquimi carca. Shujca, Garma pueblopi causaj Keilapaj yayami carca. Caishujca, Maaca pueblopi causaj Estemoapaj yayami carca.

20Simonpaj churicunaca: Amnón, Rina, Ben-hanán, Tilón shuticunami carca. Isipaj churicunaca: Zohet, Benzohet shuticunami carca.

21Judapaj churi Selapaj churicunaca: Er, Laada shuticunami carca. Erca, Lecapaj yayami carca. Laadaca, Maresapaj yayami carca. Chaicunapaj huahua huahuacunaca, Bet-asbea pueblopimi linota ahuashpa causarcacuna.

22Joacimca, Cozeba pueblopi causaj runacunahuanpish, Joás, Saraf shuti runacunahuanpish rishpami, Moab llajtata mishashpa Lehem puebloman tigrarcacuna. Chaitaca ñaupamanta tiyaj quillcacunapimi huillacun.

23Chai runacunaca allpa mangacunata rurashpami, chagracuna chaupicunapi, muyundijta pircashca chaupicunapi causajcuna carca. Paicunaca jatun mandajpajta rurashpami, chaicunapi causajcuna carca.

Simeonpaj huahua huahuacunami

24Simeonpaj churicunaca: Nemuel, Jamín, Jarib, Zera, Saúl shuticunami carca.

25Saulca Salumpaj yayami carca. Salumca Mibsampaj yayami carca. Mibsamca Mismapaj yayami carca.

26Mismapaj churica Hamuelmi carca. Hamuelpaj churica Zacurmi carca. Zacurpaj churica Simeimi carca.

27Simeica chunga sujta churicunata, sujta ushushicunatami charirca. Ashtahuanpish paipaj huauquicunaca mana achca churicunata charishcamantami, Judapaj huahua huahuacuna shinaca mana mirarirca.

28Simeonpaj churicunaca: Beerseba, Molada, Hazar-sual,

29Bilha, Ezem, Tolad,

30Betuel, Horma, Siclag,

31Bet-marcabot, Hazar-susim, Bet-birai, Saaraim shuti pueblocunapimi causarcacuna. Israelcunata David mandangacamami chaicunapi causarcacuna.

32Chai pueblocuna muyundijpi caj Etam, Aín, Rimón, Toquén, Asán shuti pichca pueblocunapipishmi causarcacuna.

33Chai tucui pueblocunaca, muyundij llajtacunandijmi Baal shuti pueblocama paicunapaj carca. Chai pueblocunapimi paicunaca causarcacuna. Paipaj huahua huahuacunapish tucui chaicunami carca.

34Mandajcunaca caicunami carca: Mesobab, Jamlec, Amasiaspaj churi Josías,

35Joel, Josibiaspaj churi Jehú, Josibiaspaj yaya Seraías, Seraiaspaj yaya Asiel,

36Elioenai, Jaacoba, Jesohaía, Asaías, Adiel, Jesimiel, Benaía,

37Ziza, Zizapaj yaya Sifi, Sifipaj yaya Alón, Alonpaj yaya Jedaías, Jedaiaspaj yaya Simri, Simripaj yaya Semaiaspishmi carca.

38Chai shutichishcacunaca, tucuicunami quiquin familiata mandajcuna carca. Paicunapaj huahua huahuacunaca yallitaj achcatami mirarircacuna.

39Paicunaca paicunapaj animalcunapaj michinata mashcashpami inti llujshin ladoman caj Gedor puebloman yaicuna pugru pambacama chayarcacuna.

40Chaipica achca allpa alli michina q'uihuacuna tiyan pi mana ima nishca sumajta causana llajtatami japircacuna. Chaipica Cam runapaj huahua huahuacunami causashcacuna carca.

41Simeonpaj huahua huahuacunaca, ña caipi shutichishcacunami jatun mandaj Ezequías Judá llajtata mandacui punllacunapi chai llajtaman shamushpa Cam runapaj huahua huahuacunapura runacunata huañuchishpa carpa huasicunatapish, chugllacunatapish tucui chingachishpa chaicuna causacushca llajtapica, cunancama paicuna causacuncuna. Paicunapaj animalcunapaj michina q'uihua alli tiyashcamantami, chaipi causagrircacuna.

42Shinallataj Simeonpaj huahua huahuacunamanta 500 runacunaca Seir urcumanmi rircacuna. Paicunaca paicunapurallamantataj Pelatías, Nearías, Refaías, Uziel shuti runacunata paicunata pushaj cachun churashpami rircacuna. Chai pushajcunaca Isipaj churicunami carca.

43Paicuna rishpaca, mana huañushpa saquirishca amaleccunata tucuicunata huañuchishpami, chaipica cunancama paicuna causancuna.